Бишкектин жаңы конушунун биринин алдынан чыккан түтүн. Архивдик сүрөт

Абылгазиев Бишкектин экологиясын жакшыртуу программасын иштеп чыгууну тапшырды

77
(жаңыланган 13:15 30.01.2020)
Өкмөт башчы биринчи кезекте калктуу конуштарды газдаштыруу жана автоунааларды дагы газга өткөрүү иштерин активдештирүү зарылдыгын белгиледи.

БИШКЕК, 30-янв. — Sputnik. Премьер-министр Мухаммедкалый Абылгазиев Бишкектеги экологиялык кырдаалды жакшыртуу программасын иштеп чыгууну тапшырды. Бул тууралуу өкмөттөн билдиришти.

Маалыматта тармактык уюмдардын катышуусу менен Бишкек шаарындагы экологиялык кырдаал боюнча кеңешме өткөнү айтылат.

"Экологияны бузуп жаткан булактардын конкреттүү тизмесин аныкташ керек. Ал үчүн эксперттик жана илимий коомчулуктун өкүлдөрүн, демилгелүү жарандарды тартуу кажет. Бул боюнча биринчи вице-премьердин жетекчилиги алдында координациялык штаб түзүлгөн. Ошондой эле борбор шаардагы экологиялык кырдаалды жакшыртуунун стратегиялык программасы иштелип чыккан. Өкмөт аны ишке ашыруу үчүн каражат табат", — деди Абылгазиев.

Өкмөт башчы биринчи кезекте калктуу конуштарды газдаштыруу жана автоунааларды дагы газга өткөрүү иштерин активдештирүү зарылдыгын белгиледи.

Абылгазиев жарандар арасында экологиялык маданиятты пропагандалоо дагы маанилүү иштердин бир экенин кошумчалаган.

77
Белгилер:
программа, экология, Мухаммедкалый Абылгазиев
Тема боюнча
Өкмөт: Кытайдан эт жана жер-жемиш киргизүүгө тыюу салынды
Нур-Султанды кар басты. Казакстан борборунда 56 жыл мурдагы абал кайталанды
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

5
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

5
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн
Эгин талаа. Архив

Жумага карата аба ырайы

44
(жаңыланган 21:03 13.08.2020)
Синоптиктер 14-августта түнкүсүн өлкөнүн кээ бир райондорунда өткүн өтүп, күн күркүрөшү күтүлөрүн маалымдашты.

БИШКЕК, 13-авг. — Sputnik. Жума күнү, 14-августта, күндүз республиканын тоолуу райондорунда өткүн өтүп, күн күркүрөйт, дыйканчылык аймактарында күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы Чүйдө +27...+32, Талас аймагында +26...+31, Ош, Жалал-Абад, Баткен облустарында +29...+34, Ысык-Көл жана Нарын жергесинде +20...+25 градус болору айтылды.

Күндүн табы Бишкекте +29...+31, Ош калаасында +32...+34 градуска чейин жетсе, Чолпон-Атада термометрдин көрсөткүчү +22...+24 градуска көтөрүлөт.

44
Белгилер:
Кыргызстан, аба ырайы
Тема боюнча
Шашылыш билдирүү! Бүгүн, эртең тоолуу аймактарда сел жүрөт