Кучакташып турган эркек жана аял. Архив

Жаш келинге кетип калган күйөөм майып болуп кайра келди... Аялдын каты

20752
(жаңыланган 11:14 02.02.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында күйөөсү мурда жаш келинге кетип калып, кийин кайра келген аялдын каты жарыяланды.

Саламатсыздарбы? Бул катты жазгым деле келген эмес, бирок башка сырдашар, муңумду түшүнөр кишим жок.

Көп жыл мурда кесиптешиме турмушка чыккам. Экөөбүз тең шаардагы ооруканалардын биринде иштечүбүз. Мен балдар дарыгери, ал көз доктур эле. Бактылуу жашап, бир уул, бир кыздуу болдук. Бирок балдар чоңойгондо жолдошум экөөбүздүн мамилебиз сууй баштады. Анткени ортобузда башка аял пайда болду. Ал биздин ооруканага медсестра болуп жумушка кирген. Күйөөмдүн жашы 50гө жакындап калган болсо, ал 30дарга чыгайын деп калган келин экен. Мурда турмушка чыккан-чыкпаганын билбейм, айтор, ошол кезде бойдок болчу. Күйөөм экөө бир бөлүмдө иштечү. Байкасам дайыма жолдошумдун жанында эле.

Бирок "эркек бирөөгө кызыгат, көз кысат, бара-бара калып калар" деп көңүл бурбаганга аракет кылдым. Күйөөм менен медайымдын мамилеси тууралуу кесиптештерим айтып келе баштады. Акыры жолдошумду ачык сөзгө чакырдым. Эмнегедир аны актанат, "мага анын эмне кереги бар, бул жөн гана ушак" деп айтат го деп ойлогом. Бирок баары андай болгон жок. Аны чындап сүйүп калганын, ал менден түшүнүктүүрөөк аял болуп чыкканын бетиме эле айтты. Бир нече күндөн кийин кийим-кечегин чогултуп үйдөн чыгып кетти. Андан дагы өкүнүчтүүсү, мага катуу тийгени — бир айдан кийин эле ошол аялга үйлөнүп, жумуштагыларды ресторанга чакырып, чакан той өткөргөнү болду. Ушунча жыл чогуу жашап, эки балалуу болгонубузду сыйлап деле мындай кылбай койсо болот эле да...

"Эми ал экөө менен кантип чогуу иштейм" деп көпкө кыйналып жүрдүм. Башка жактан иш караштырдым, бирок такыр ыктуусу чыкпай койду. Ошентип үчөөбүз чогуу иштеп жүрүп, мен кийин жеке клиникалардын бирине кетип калдым. Арадан 5-6 жыл өттү. Жараат акырындан айыгып, өз жашоом менен жашай баштадым. Сөз айтып, артыман жүргөн бирин-экин киши пайда болду. Балким, өч алуу максатындабы же башым бош болгондон кийин эч нерсе жоготпойм дедимби, айтор, өзүм каалаган адамдар менен кезигип, көңүл ачып, ээн-эркин жашай баштадым. Курагым 50дө болсо дагы жашыраак көрүнөм, арыкчыраймын. Келбетиме, ден соолугума кам көрөм. Ал ортодо кызым менен уулум окуусун бүтүп, жумушка орношуп мага каралаша баштады. Кыскасы, телегейим тегиз болуп калды. Ошентип жүрүп бир күнү үйгө келсем, кызым ыйлап отуруптур. "Эмне болду?" десем, "атам ооруп калыптыр, үйгө алып келели" деди. Көрсө, атасы эки ай мурда инсульт алып, бир ыптасы кыймылдабай калыптыр. Анан аялы балдарыма чалып, "атаңарды алып кеткиле, болбосо көчөгө чыгарып коём" деп талап коюптур. Уулум менен кызым экөө тең зээндүү болуп чоңойду. "Апа, атам көчөдө өлүп калса биз эле жаманатты болобуз" деп акыры мени көндүрүштү. Ошентип мурдагы күйөөм биздикинде жашап жатканына бир нече ай өттү. Табалагым келбейт, бирок аны кечире алган жокмун, сүйлөшкүм келбейт. Төшөктө жаткан неме өзү деле мусапырдай болуп көзүмдү карай албайт. Кээ күнү атайылап бирөө менен убакыт өткөрүп келгенсип, жумуштан кеч кайтам. Атургай бир жолу өзүм эле букет сатып алып, жытын буркуратып үйгө көтөрүп бардым. Балким, жазасын алып жаткан кишини ого бетер кыйнап туура эмес кылып жаткандырмын, бирок жан дүйнөм дагы деле айыга элек. Эмне кылсам экен? Дагы канчага чейин ушинтип жашайм?

Муратбек Султанбеков, психолог:

--Көзүнө чөп салуу, жаш аялга кетип калуу коомдо буга чейин болуп келген, боло турчу жагдайлар. Анткени эркек табиятынан ошондой болуп жаралган. Жубайлар ажырашканда күнөө эч качан бир адамдан кетпейт. Эки жактан тең кетет. Бирок биринчисиники билинбей калат. Негизи алардын кырдаалын териштире келгенде экөө тең күнөөлүү болуп чыгат. Үй-бүлө — бул жубайлардын ортосундагы келишим. Аны ар ким ар кандай сүйлөшүп түзүп алат.

Айрым үй-бүлөлөрдө баары жакшы болуп келе жатып эле ажырашып кетет. Демек, бул үй-бүлөдө кээ бир маселелер ачык сүйлөшүлбөй, чечилбей калган. Ачык талкууланбай калган. Жарака мына ошондон кетет. Айрымдары бири-биринин мүнөзүнө же сүйүүгө шылтайт, бирок андай эмес.

Алыс кетпей, кат жазган аялдын окуясын алалы. Алар бала чоңойтобуз, жумуш деп жүрүп бири-бирине жетиштүү көңүл бура албай калышкан. Анан эркек жанында жүргөн жаш келинге, жаш денеге кызыгып кетип калды. Бирок кат жазган аял акылдуулук кылыптыр. Ызы-чуу салбай өз жашоосун улап кеткен. Азыр да күйөөсүн үйүнө киргизип, өзүнүн бийиктигин көргөзүптүр. Бул баарынын эле колунан келе бербейт. Аял күчтүү, билимдүү экен. Азыр өзүн карап, жасанып жатканын уланта берсин. Күйөөсү төшөктө жаткан менен анын баарын байкоодо. Ал буга чейин туура эмес кылганын, ушундай жакшы аялдан кетип калганын түшүнүп, күнөөсүн мойнуна алат. Азыр деле баарын түшүнүп, жасаган нерсесине өкүнүп жатса керек.

Бирок атайын жасап, андан өч алуунун кереги жок. Аны "мага мындай кылгансың" деп күнөөлөбөш керек. Ансыз деле өзүн ал күнөөлөп жатат. Калп эле гүл алып, жолугушууга чыкканы эле андан өч алганы. Андай болсо, үйүнө киргизбей эле коюшу керек болчу. Кечирип, үйүнө киргиздиби, анда мындай жоруктарды жасаганы туура эмес.

Аял биринчи кезекте кайсы жолду тандарын чечсин. Эгер күйөөсүн кечирсе, ага болгон мамилесин өзгөртүп, аны карап, багып, бутуна тургузууга аракет кылышы керек. Эгер кечирбей, аны менен жашабайм десе, анда аны башка жакка жиберип (туугандарынабы же башка жаккабы), өз жашоосун улантышы керек.

20752
Белгилер:
мамиле, психолог, үй-бүлө, кат, аял
Тема:
Психолог менен баарлашуу (117)
Тема боюнча
Башкага көңүлүм жок... Бүлөлүү эркек менен жүргөн кыздын каты
Күйөөм сыртка чыкса эле баягысы менен жүргөндөй туюлат... Аялдын каты
Учак. Архив

Россия Кыргызстан менен авиабайланышты качан жандантарын айтты

274
(жаңыланган 09:40 14.08.2020)
Авиакаттамды жандандыруу үчүн бир катар негиздер бар. Россия жана Шериктеш мамлекеттерде коронавирус боюнча абал жакшырган.

БИШКЕК, 14-авг. — Sputnik. Сентябрь айынан тарта Россия жакынкы чет өлкөлөр менен жүргүнчүлөрдү ташуучу авиабайланыштарды жандантат. Бул тууралуу өлкөнүн Туристтик операторлор ассоциациясынын сайтында айтылат.

Маалыматка ылайык, 1-сентябрдан тарта авиакомпаниялар КМШ мамлекеттерине, анын ичинде Казакстан, Тажикстан, Кыргызстан жана Арменияга туруктуу каттамдарды учура баштайт.

Россияда коронавирус боюнча абал турукташкандыктан, аталган багыттарга аба каттамдары жанданарын адистер белгилешет.

Мындан сырткары, сентябрда өлкөдө COVID-19га каршы вакцинаны өндүрүүнү пландап жатат.

Эпидемиологиялык абал КМШ мамлекеттеринде да жакшырууда. Анын үстүнө алар россиялык вакцинаны алууга ниеттенип жатышат. Бул да Россия менен алардын ортосундагы гуманитардык жана иш байланышын калыптандырууга өбөлгө болот.

"Россияда бул боюнча өкмөттүн деңгээлинде 20-августтан кийин айтышат", — деп белгиленет материалда.

Эки өлкөнүн авиакомпаниялары КРга аба байланыштарды жандантууну сунуштаган. 7-августтан тарта Кыргызстан Түркия жана Бириккен Араб Эмирлиги менен туруктуу аба каттамдарын жанданткан. Каттамдарды Turkish Airlines, Fly Dubai, Avia Traffic Company жана Pegasus Airlines авиакомпаниялары жүргүзүп жатышат.

15-июндан тарта тышкы каттамдар жанданат. Кайсы компаниялар учууга макулдук берди

Кыргызстандыктар Россия менен аба жолунун ачылышын чыдамсыздык менен күтүп жатканын белгилеп кетүү зарыл. Чек ара жабылгандан бери он миңдеген адам сыртта калган. Алардын көпчүлүгү үйүнө кайтууну каалап жатат.

274
Белгилер:
чек ара, коронавирус, Россия
Тема боюнча
Бир маалым кат жетиштүү. Кыргызстандык студенттер Россиядан кантип иш таба алат
Девушка сидит у окна. Архивное фото

Такыр тамак жебей… Диетолог арыктайм дегендердин катасын санады

88
(жаңыланган 08:48 14.08.2020)
Диетологдун айтымында, адам ачка болгондо зат алмашуу ого бетер жайлап, организм стресске учурайт. Бул убакта майлар кетпейт.

БИШКЕК, 14-авг.  — Sputnik. Арыктайм дегендер эң көп кетирген каталар тууралуу РИА Новости диетолог Анастасия Черныхга шилтеме берип түшүндүрдү.

Адистин айтымында, салмак таштайм дегендердин көбү ачка жүрсө эле майлардан арыларына ишенип алышкан.

"Ачка болгондо зат алмашуу ого бетер жайлайт. Себеби организм стресске учурап, энергияны болушунча үнөмдөйт. Бул учурда адамдын организминен булчуңдун массасы менен суу кетет, бирок май калып калат", — деди адис.

Эт жегендер менен андан баш тарткандардын кимиси узак жашайт. Адистин аныктамасы

Ошондой эле дагы бир ката — кечки алтыдан кийин тамак жебей коюу. Дарыгер белгилегендей, мындай тамактануу бардыгына эле туура келе бербейт, чектөөлөр ден соолукка зыянын тийгизет.

"Кечинде батыраак сиңчү белокту жесе болот. Буга балык же крахмалы жок жашылчалар помидор, бадыраң жана болгар калемпир туура келет", — деди диетолог.

Черных эскерткендей, майы кетирилген азык-түлүктөр пайдалуу деген түшүнүк калыптанып калганы менен анда крахмал менен канттын көптүгү организмге кедергисин тийгизет.

Адис ден соолукка зыян тийгизбей арыктоону каалагандар биринчи кезекте диетологго кайрылып, денени бир сыйра текшерүүдөн өткөрүп, керектүү анализдерди тапшырганы оң. Ошого жараша салмак таштоо кеңештери берилет.

88
Белгилер:
тамак, арыктоо, диетолог
Тема боюнча
Арыктайм дегендердин 10 катасы. Диетолог кеңеш айтып, эскертүү берди
Тез арыктоо өлүмгө дуушар кылат. Диетологдун кеңеши
Соода борбору. Архив

Казакстан Өзбекстан менен чектеш жерине "Хоргос" сыяктуу борбор курмай болду

0
Борбордун аймагына өткөрүү пункту, тейлөө мекемеси, соода объектилеринин жайы жана транспорттук-логистикалык борбор салынмакчы.

БИШКЕК, 14-авг. — Sputnik. Казакстан Өзбекстан менен чектешкен жерде "Борбор Азия" аталышындагы эл аралык соода-экономикалык кызматташтык борборунун курулушун баштоо ниетин билдирди. Бул тууралуу Sputnik Казакстан маалымат агенттиги жазды.

Коңшу өлкөнүн Соода-сатык жана интеграция министрлигинин билдиришинче, долбоорду ишке ашыруу жакынкы күндөргө пландалган.

"Бул мамлекет башчыларынын деңгээлиндеги эки жыл мурунку келишим болчу. Казакстан курулушту мүмкүн болушунча эртерээк баштоого кызыкдар, бирок эпидемия ага тоскоол болууда", — деп айтылат маалыматта.

Соода борбору "Жибек Жолу" менен "Гишт Куприк" өткөрүү пункттарынын аймагында жайгашары айтылды.

Кытай Өзбекстанга Ош аркылуу транспорттук коридор ачты

Анын аймагына жаңы өткөрүү пункту, калк менен ишкерлерди тейлеген мекеме, соода объектилеринин борбору жана транспорттук-логистикалык борбор салынат.

Белгилей кетсек, Казакстандын Кытай менен чектешкен жерине дагы "Хоргос" аталышындагы ири базар бар.

0
Белгилер:
экономика, курулуш, соода борбору, Өзбекстан, Казакстан
Тема боюнча
Куш тумоосунан улам Казакстан Россия менен чек арасындагы көзөмөлдү күчөттү