Маршруттук такси айдоочусу. Архивдик сүрөт

Жинденип, каның кайнап турса рулга отурба. Маршрутка айдоо этикети

433
(жаңыланган 20:14 02.02.2020)
Sputnik апта сайын "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Коомдук транспорт — айдоочулардан жана эл ташуу кызматын көрсөткөн компаниялардан чоң жоопкерчиликти талап кылган тармак. Айдоочулардын колунда күн сайын жүздөгөн адамдардын өмүрү болгондуктан алар чыныгы иш билги жана сабырдуу болушу керек.

Борбор калаада айдоочу менен жүргүнчүнүн кайым айтышын же айдоочунун оройлугун көрүү үчүн алыс басып кереги жок. Албетте, жүргүнчүлөр арасында дагы кемчиликтер кетет. Бирок бүгүн күн сайын эл ташып, бир топ өмүргө жоопкерчилик алып жүргөн коомдук транспорттун айдоочулары тууралуу кеп кылабыз. Тагыраагы, алардын жүрүм-туруму, кызматтык маданияты жөнүндө.

Айдоочу үчүн жазылбаган эрежелер боюнча этикет мугалими Нуржан Исмаилова түшүндүрүп берди.

Тазалык

"Эшигин көрүп төрүнө өт" дегендей, кайсы гана кызмат көрсөтүү жааты болбосун кардардын көзүнө алгач тазалык жана тыкандык урунат. Андыктан эл ташуучу транспорттун ичи-тышы, отургучу жана кармоочтору таза болгону жакшы. Муну менен катар жайкысын ысып, кышкысын үшүп турган жүргүнчүлөргө транспорт ичинде ыңгайлуу шарт түзүп берген туура.

Чөгүңкү маанай менен ишке чыкпа

Жашоодо ар кандай учурлар болот эмеспи. Кээде бирөөгө жиниң келет, маанай чөгөт, же бир нерсеге сарсанаа болосуң дегендей. Албетте, бул нерсе ишке дагы терс таасир этиши мүмкүн. Андыктан жан дүйнө кыйналып турган учурда ишке чыкпай эле койгон туура. Жогоруда айтылгандай, айдоочу рулда отурганда бир эле учурда ондогон адамдын өмүрүнө жоопкер болот.

Уруш-талаштын кереги жок

Пикир келишпестик, уруш-талаш чоң негатив жаратары айдан ачык. Бул нерсе кардардын дагы, айдоочунун дагы маанайын түшүрүп, айрым учурда өзүнөн чыгарып жибериши мүмкүн. Эки тарап тең эмоцияга алдырбаганы жакшы. Өзгөчө бул айдоочуларга тиешелүү, анткени ал кызмат көрсөтүп жаткан адам.

Башкага алагды болбо

Кулагына ийини менен телефонду такап алган, бир колунда суусундук, экинчисинде акча менен руль, оозунда чылым... Ар бириңер эле ушундай айдоочуну көрсөңөр керек. Өзүңөр деле элестетип көрсөңөр, мындай учурда жол белгиге, жүргүнчүнүн өтүнүчүнө, алды-арттагы автолорго көңүл буруу деле оңой эмес да.

Аялдаманы айтып тур

Айдоочу аялдамаларды айтып турганы жакшы. Анткени транспортто шаарды жакшы билбеген же кысылышта сыртты карай албай бара жаткан жүргүнчүлөр болушу ыктымал.

Орто жолго таштап кетпе

Айрым айдоочулар иши чыгып калса же машинада 2-3 гана киши калса акыркы аялдамага чейин барбай коймой жайы бар. Бул өзгөчө шаар четине каттаган маршруттарда кездешет. Мындай мамиле кызмат көрсөтүү маданиятына гана эмес, мыйзамга дагы туура келбейт. Кардарды автоунаага салып, жол киресин алгандан кийин айдоочу аны көздөгөн жерине жеткирүүгө милдеттүү. Ал эми орто жолдо калгандар машруткага ээлик кылган компанияга же мэриянын тиешелүү бөлүмүнө даттанууга укуктуу.

433
Белгилер:
айдоочу, коомдук транспорт, этикет
Тема:
Өзүн алып жүрүүнүн эрежеси (42)
Тема боюнча
Жетекчиликке жамандап барба. Кесиптештер ортосундагы этикет
Бири-бириңердин жеке убактыңарды уурдабагыла! Үй-бүлө этикети
Кайындардын көзүнчө кыз-келинге көз кыспа. Күйөө бала этикети
Член партии Ата Мекен Тилек Токтогазиев на митинге сторонников в Бишкеке, после беспорядков вызванных результатами парламентских выборов

Депутат министр Токтогазиевдин бет капчан мал базар кыдырганын сынга алды

0
Парламенттин жыйынында тирүү малдын сатылышына коюлган чектөөгө бир нече депутат каршылыгын билдирди.

БИШКЕК, 3-дек. — Sputnik. Жогорку Кеңештин депутаты Бейшеналы Нурдинов айыл чарба, тамак-аш өнөр жайы жана мелиорация министри Тилек Токтогазиевдин ишин сынга алды.

Ал тирүү малды үчүнчү өлкөгө чыгарууга тыюу салынышына каршы экенин билдирип, министрге суроо узатты. Төмөндө экөөнүн диалогу сунушталат.

— Мал базарга бет кап тагынып жашынып бардым деп айтыпсыз, ошол туурабы?

— Баасын билиш керек да...

— Андай туура эмес. Андан көрө "мен баратам" деп айтып коюп, чыкыйып костюм-шым кийип алып, эл менен жолугуп кел. Ат-Башыга барып келчи, эмне деген сөз угат экенсиң.

— Жок, андан кийин бет капты чечип барып дагы эл менен сүйлөштүм.

— Чечпей эле бар түз эле.

Токтогазиев жылмайып гана тим болду.

Ал эми Нурдинов эгер депутаттардын укугуна кирсе, ушул тыюу салган мыйзамды добуш берүү менен жокко чыгарып салууну сунуштады.

Вице-спикер Мирлан Бакиров ал мыйзам эмес токтом экенин айтып, бул боюнча өкмөткө сунуш берсе болорун түшүндүрдү.

Жыйында тирүү малдын сатылышына коюлган чектөөгө башка дагы бир нече депутат каршылыгын билдирди.

Токтогазиев аларга жооп берип жатып этти экспорттосо болорун белгилеп, азыр аны сөгүп жаткандар бир жылдан кийин рахмат айтып келерин билдирди.

0
Экс-премьер-министр Кубатбек Боронов. Архив

Кубатбек Боронов коронавируска кабылып, жандандыруу бөлүмүнө түштү

251
(жаңыланган 12:39 03.12.2020)
Маалыматка караганда, ал Республикалык жугуштуу илдеттер ооруканасында дарыланууда. Бейтап коронавируска кабылып, илдети өрчүп кетип невмонияга айланганы айтылып жатат.

БИШКЕК, 3-дек. — Sputnik. Экс-премьер-министр Кубатбек Боронов коронавирус илдетине чалдыгып, жандандыруу бөлүмүнө түштү. Бул тууралуу ишенимдүү маалымат булагы билдирди.

Ага караганда, ал Республикалык жугуштуу илдеттер ооруканасында дарыланууда. Коронавирус илдети өрчүп кетип, пневмонияга айланганы айтылып жатат.

Ошондой эле ал жандандыруу бөлүмүндө, бирок абалы канааттандырарлык экени кошумчаланды.

251
Белгилер:
ден соолук, оорукана, пневмония, коронавирус, Кубатбек Боронов
Тема:
Кыргызстандагы коронавирус жуктуруп алгандар
Тема боюнча
Коронавирус дагы 420 кишиден табылып, 400 бейтап айыкты