Токтогул, Москва райондору менен Таш-Көмүрдүн билим берүү башчыларына сөгүш берилди
БИШКЕК, 3-фев. — Sputnik. Билим берүү жана илим министри Каныбек Исаков үч райондун билим берүү бөлүмдөрүнүн башчыларына сөгүш берди. Бул туурасында ведомствонун маалымат кызматы билдирди.
Министрдин каарына калгандар Чүй облусунун Москва районун тескеген Насирдин Тезекбаев, Жалал-Абад облусунун Токтогул районуна жооптуу Дамира Сулпукарова жана Таш-Көмүр шаары боюнча жетекчи Тагайбек Шабданов экени айтылды.
"Атайын комиссия билим берүү мекемелерин текшерген учурда бул жетекчилер тескеген уюмдарда башкаруу системасы эффективдүү камсыздалбаганы ачыкталган. Өнүктүрүүгө багытталган максаты, милдети жана аны ишке ашыруу жолдору негизделбей, мыйзам бузуулар менен коштолгон", — деп айтылат маалыматта.
Ошондой эле өткөн аптада министр Исаков бир нече райондук билим берүү бөлүмдөрүнүн башчыларын кабыл алып, аткара турган милдеттерин белгилегени айтылат.
Министр мындан ары жетекчилер менен байма-бай жолугуп, пландалган жумуштарды талкуулап, жаңы демилгелер боюнча пикир алышып турары кошумчаланды.
Россиядагы кыргызстандык медиктер Бишкекке келди. Сүрөт
(жаңыланган 16:03 05.07.2020)
Мекенге ак халатчандардан тышкары кош бойлуулар, студенттер, оорулуулар жана башка зарыл себептери бар адамдар келди.БИШКЕК, 5-июл. — Sputnik. Москвадан кыргызстандык ыктыярчы дарыгерлер Бишкеке келип конгонун Тышкы иштер министрлигинин маалымат кызматы билдирди.
Москвадан кыргызстандык ыктыярчы дарыгерлер Бишкеке келип конгонун Тышкы иштер министрлигинин маалымат кызматы билдирди© Фото / пресс-служба МИД КР
Ага ылайык, "Аэрофлот — Россия аба жолдору" компаниясынын Москва — Бишкек каттамы менен 424 кыргызстандык келди© Фото / пресс-служба МИД КР
©
Фото / пресс-служба МИД КР
Ага ылайык, "Аэрофлот — Россия аба жолдору" компаниясынын Москва — Бишкек каттамы менен 424 кыргызстандык келди. КРдин Москвадагы элчилиги буга чейин өлкөгө бара турчу медиктердин саны 26 экенин айткан.
"Мекенге кайтып келүүнү каалагандардын саны көп болду. Ошондуктан элчиликтин, кыргыз диаспораларынын жана Москвадагы кыргызстандыктардын клиникаларынын өкүлдөрүнөн турган атайын комиссия кайтуусу зарыл адамдардын тизмесин даярдады. Ага студенттер, кош бойлуулар, оорулуулар жана оор жагжайга кептелгендер кирген. Ошондой эле азыркы кырдаалга кол сунууга келген кыргызстандык медиктер бар", — деп айтылат маалыматта.
Ошко Москвадан дагы 343 кыргызстандык учуп келди
Кайтып келгендер медициналык кароодон өтүү үчүн обсервацияга алынары кошумчаланды.
ТИМ сыртта калып калган мекендештерди кайтаруу иши уланып жатканын белгиледи.
Белгилер:
Окумуштуу: коронавирустан айыккандан кийин деле өпкө жакшы иштебей калат
(жаңыланган 15:42 05.07.2020)
Адистер вирус кайсы органдарды жабыркатарын кенен изилдөө менен анын кесепеттерин алдын алууга жардам берген препаратты даярдоону пландап жатат.БИШКЕК, 5-июл. — Sputnik. Коронавирустан айыккандан бир нече айдан кийин деле симптомдору кала бериши мүмкүн. Бул тууралуу Charite медициналык комплексинин жана Гарвард университетинин профессору Тобиас Курт айтып чыкканын "Известия" жазды.
Анын айтымында, алсырап, өпкөсү начар иштеп, дем алуусу бузулгандар көбөйөт. Бул вируска чейин ден соолугу чың, өнөкөт оорулары жокторго дагы тиешелүү.
Коронавирустун экинчи толкуну: кышында аны грипптен айырмалоо кыйын болот
"Учурда дагы кайсы органдарды жабырката турганын изилдеп, бейтаптар менен иштешип жатабыз. Ошого жараша ооруну жеңгенден кийин анын кесепеттерин алдын алуу боюнча препаратты даярдоого болот", — деген профессор.
Буга чейин британиялык адистер вирустун кесепетинен кийин адамдын психологиясы бузуларын айтышкан.
Белгилер: