Көрүстөн. Архив

Айдар Акаевге топурак салууга Кыргызстандан кимдер барат?

39340
(жаңыланган 16:46 06.02.2020)
Кыргызстандын биринчи президенти Аскар Акаевдин баласы Айдар Акаев 44 жашында каза тапты. Анын сөөгү Москвага коюлары белгилүү болду.

Айдар Акаев 5-февраль күнү эртең менен көз жумду. Алдын ала маалыматтар боюнча, анын жүрөгү кармап калган.

Sputnik Кыргызстан агенттиги маркумду акыркы сапарга узатуу зыйнатына кыргыз саясатчыларынан кимдер барарын сураштырып көрдү.

Спикерлердин бардыгы Кыргызстандын биринчи президентинин үй-бүлөсүнө көңүл айтарын билдиришти.

Экс-премьер-министр КР Апас Джумагулов
© Пресс-служба президента КР / Султан Досалиев
1993-1998-жылдары премьер-министр болуп иштеген Апас Жумагулов

1993-1998-жылдары премьер-министр болуп иштеген Апас Жумагулов Москвага барбайт, бирок Айдар Акаевдин жакындарына көңүл айтты.

Экс-Депутат Жогорку V созыва Феликс Кулов на круглом столе по вопросу введения поправок в Конституцию
© Sputnik / Табылды Кадырбеков
Мурунку премьер-министр Феликс Кулов

Феликс Кулов Аскар Акаевдин учурунда жогорку кызматтарды ээлеп турган. Мисалы, вице-президенттикти аркалаган. Абакта отуруп калган учуру дагы болгон. Кулов акыркы сапарга узатуу зыйнатына катышпай турганын билдирди.

Директор ассоциаций некоммерческих и неправительственных организаций Токтайым Уметалиева во время дебатов кандидатов в президенты на канале КТРК
© Sputnik / Табылды Кадырбеков
Укук коргоочу Токтайым Үмөталиева

Укук коргоочу Токтайым Үмөталиева азыр Таласта экенин айтып, бирок Москвага "жөө болсо дагы барарын" белгиледи.

Депутат Жогорку Кенеш Курманбек Осмонов
© Фото / пресс-служба ЖК КР
Жогорку Кеңештин мурдагы депутаты Курманбек Осмонов

Жогорку Кеңештин мурдагы депутаты Курманбек Осмонов Акаев президент болуп турган кезде биринчи вице-премьер жана Жогорку соттун төрагасы болгон. Ал топурак салуу үчүн Москвага барууга аракет кыларын билдирди.

Белгилей кетсек, Үмөталиева менен Осмонов жакында эле Акаевдин юбилейине катышып келген.

Акаевдин учурундагы мамлекеттик катчы Осмонакун Ибраимов тажыяга катыша турганын айтты.

Ал эми убагында Коопсуздук кеңешинин жетекчиси болуп турган Болот Жанузаков Москвага барууга аракет жасарын белгиледи.

Аскар Акаев президент болуп турган кезде айыл чарба министри болгон Бекболот Талгарбеков болсо Акаевдин үзөңгүлөштөрү чогулуп, топурак салууга кимдер барарын тизмектешерин билдирди. Бирок кимдер тууралуу кеп болуп жатканын ачыктоодон баш тартты.

39340
Белгилер:
саясат, тажия, Айдар Акаев, Аскар Акаев
Тема боюнча
Акаев Айдар Аскарович — өмүр баяны
Аскар Акаевдин улуу баласы Айдардын Москвада көз жумганы кабарланды
Айдар Акаевдин сөөгү качан кайда жерге берилери айтылды
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

75
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

75
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

139
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

139
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат