Офистеги иштеген эркек киши. Архивдик сүрөт

Кесиптеш кыз бассам-турсам оюман кетпей кууратты... Бүлөлүү эркектин каты

3839
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында жаш кызга ашык болуп калган бүлөлүү адамдын каты жарыяланды.

...Бүлөмдүн бузулушун каалабайм, андай оюмда да жок. Алганымдын, уулумдун, жаңы эле жарыкка келген кызымдын дайыма жанымда болушун ойлойм. Бирок кайдагы шайтан азгырды билбейм, жаш кызды жактырып калдым. Ашык болуп калдымбы же убактылуу нерсеби билбейм, бассам-турсам оюман кетпей койду. Аны менен сүйлөшкүм келет, баргым келет, чалгым келет. Жөн гана жанында отургум келет. Акылым "жөн" десе да, сезимдер алып-учуп айламды кетирди.

Жашым 40та. Жубайым экөөбүз 10 жыл мурда баш кошконбуз. 33 жашымда уулдуу болдук. Андан кийин келинчегим көпкө чейин төрөй албай жүрдү. Экөөбүз тең жакшы жерде иштейбиз. Жашообуз деле элден кем да, ашык да эмес, кудайга шүгүр. Уулубуз жетиге чыкканда аялым кош бойлуу экенин айтып кубантты. Кыз экенин укканда төбөм көккө жетип, өзүмдү аябай бактылуу сездим. Кызымдын жарык дүйнөгө келгенине үч ай болду. Бакытка балкып жүргөн учурда жашоомдо бир адам пайда болду. Болгондо да жаш кыз.

Ал кыз мени менен жумушта көптөн бери чогуу иштейт. Жумуштарын так аткарган кызматкер катары билчүмүн. Бир күнү жумуш кеч бүтүп үйүнө жеткирип барып калдым. Биздин райондо жашайт экен, таштай кеткем. Сүйлөшүп баратып, өзү тууралуу айтып калды. Ата-энеси каза болуп калганын, эки инисин өзү окутуп жатканын кеп кылды. Ага чейин аны байкачу да эмесмин. Эмнегедир ошол жолугушуудан кийин ага көңүл бура баштадым. Жан дүйнөсү башкача адам экен. Аядым, жардам бергим келди. Ошентип жүрүп жактыруу сезими пайда болду.

Үйдө жаркыраган аялым, көптөн күткөн кызым, уулум турса да тиги кыз оюман кетпейт. Кандайча болуп кеткенин өзүм да түшүнбөй калдым. Ага жазып, чалып сүйлөшкүм келет. Эки-үч жолу ал-абалын сурап смс жаздым. Жооп берген жок. Азыр мени көрсө алыстан айланып өтүп уялгансыйт. Байкайт окшойт. Бир ирет "мага жазбаңызчы" деди. Мен ансайын алып учуп... Буга чейин минтип бирөөгө көз арткан эмесмин. Анан калса жаш кыздар менен көңүл ачып кеткендерди сындачумун, сөкчүмүн. Азыр өзүмдүн башыма келди. 

Ара жолдо жүргөнүмө бир айдан өттү. Жакында эле аялым билип калыптыр. Тагыраагы, менин телефонуман тиги кызга жазгандарымды окуптур. Таарынып балдарымды алып эжесинин үйүнө кетип калды.

Кечирим сурадым, аны жакшы көрөрүмдү, бирок тиги кызды унута албай жатканымды, ортобузда эч нерсе болбогонун айттым. Аялымды да түшүнүп турам. Анын да жан дүйнөсүн булгадым окшойт. Бүлөмдүн бузулушун каалабайм, бирок тиги кыз да ойдон кетпейт. Кантип унутам?

Гүлнара Жасоолова, психолог:

— Ар бир үй-бүлөдө кризистик этаптар болот. Бул этап жубайларга ар убакта келиши мүмкүн. Айрымдарына баш кошкон соң 2-3 жылдан кийин, кээ бирине орто куракта, башкалары улгайганда кабылышы ыктымал. Балким, сиздердин үй-бүлөгө бул этап эми келгендир. Бирок жаш эмес экенсиңер, эмоция, сезимдерге алдырбай бул кырдаалдан акыл калчап, керек болсо психологго кайрылып чыгып кетсеңер болот. Кырдаал абдан оор эмес, ошондуктан азыр туура чечим кабыл алыш керек. Кийин кеч болуп калат.

Жубайыңыз менен ортоңордо эмне болгонун катка толук жазган эмес экенсиз. Үй-бүлөдө бир нерсе болгон окшойт. Балким, жубайыңыз көңүлдү көбүрөөк балдарга буруп, сиз ошол нерсеге муктаж болгондурсуз. Ушул себептен да эркек башкага көз артышы ыктымал. Үй-бүлөмдөн ажырагым келбейт деп жатасыз. Чын эле ажырагыңыз келбесе, анда жубайыңыздан дагы кечирим сураңыз. Бүлөнү сактап калыш үчүн күч жумшаңыз. Анткени көп нерсе сизден көз каранды. Эки адам тең жооптуу. Бирок эркек чечкиндүү кадам жасаса, аялдар ага баш ийип кете берет. Аялыңыздын кетип калган деле жөнү бардыр. Түшүнүктүү, миң жакшы аял болсо да, күйөөсү башканы жактырып, анан "аны унута албайм" десе таарынат. Жүрөгү ооруйт, көңүлү калат, өзүн кемсинтет. Тиги кыз деле сизге жооп бербей качат экен. Жазганыңызга караганда, анын сизге сезимдери деле жоктой. Болгон күндө деле баары бир үй-бүлө, балдар сиз үчүн биринчи орунда турганы оң. Анын да жашоосун бузуп албаңыз, ошону ойлонуңуз. Жаш кызга жасаган мамилени андан көрө аялыңызга жасап, ага белек берип, көңүлүн алсаңыз. Ал сизге андан эки эсе жылуу мамиле, жакшы маанай тартуулайт.

Эгерде ар кандай ойлордон арыла албай, бир чечимге келе албай кыйналып жатсаңыз, психологго кайрылып, аны менен бетме-бет отуруп сүйлөшүп көрүңүз. Сезимди жеңсе болот, бирок үй-бүлө, бактылуулук кайра табылбайт!

3839
Белгилер:
сезим, мамиле, үй-бүлө, эркек, кат, психолог
Тема:
Психолог менен баарлашуу (151)
Тема боюнча
Кемпиримдин ордун бала толуктай албайт экен. Жесил абышканын арманы
Күйөөм эмес, WhatsApp менен жазышкан жигит жакын сезилет. Келиндин жан сыры
Балам жапжаш туруп ичкиликке ооп кетти... Арактын азабын тарткан эненин бугу
Күйөөм көзүмө чөп салып жүрүптүр. Мындан ары кантип жашайм?
Өспүрүм бала. Архив

Акыйкатчы институту: Чүйдөгү балдар үйүндө өспүрүм белгисиз жагдайда каза болду

25
Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган.

БИШКЕК, 13-июн. — Sputnik. Военно-Антоновкадагы балдар үйүндө 13 жашар өспүрүм көз жумуп, мындан улам өлкө акыйкатчысы аталган мекеменин жетекчисинин кызматтан четтетилишин талап кылып жатат. Бул тууралуу окуяны өз көзөмөлүнө алган Акыйкатчы институтунан билдиришти.

Маалыматка караганда, Военно-Антоновкадагы балдар үйүнүн тарбиялануучусу, 6-класстын окуучусу Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

"Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. КР Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынын четтетүү тууралуу кат жолдоду", — деп айтылат билдирүүдө.

Акыйкатчы институтунан билдиришкендей, каза болгон өспүрүм буга чейин өзүн асырап алуучулар менен төрт жолу жолуккан.

"Якуниндин трагедияга чейин ден соолугу чың болгону тууралуу медициналык маалым каттар бар. Дагы бир маанилүү нерсе, 2020-жылы февралда КР Акыйкатчы аппаратынын балдарды коргоо бөлүмү балдар мекемелерине, анын ичинде Военно-Антоновкадагы балдар үйүнө да мониторинг жүргүзгөн эле. Жыйынтыгында бир катар сунуштамалар берилген. Бирок алар өз убагында аткарылган эмес. Бул фактылар боюнча да күнөөлүү адамдарды жоопкерчиликке тартуу боюнча иштер жүргүзүлүүдө", — деп айтылат билдирүүдө.

Мекемеден кошумчалашкандай, бул фактыны иликтөө боюнча өкмөттүк комиссия түздүрүү боюнча аракеттер көрүлүп жатат.

Ал эми өлкө президентинин маалымат кызматынан билдиришкендей, аталган окуя боюнча ведомстволор аралык комиссия түзүлүп, маселени Кыргызстандын Балдар укугу боюнча ыйгарым укуктуу өкүлү Жыпариса Рысбекова өз көзөмөлүнө алды. Учурда окуянын чоо-жайы такталып жатат.

25
Белгилер:
иликтөө, Акыйкатчы институту, өлүм, өспүрүм, балдар үйү
Тема боюнча
Айзаданы ала качууга шектүүлөрдүн бири окуянын чоо-жайын айтып берди
New Shepard кемесинде Blue Origin жана Amazon ишканаларынын негиздөөчүсү Жефф Безос. Архив

11 мүнөт үчүн 28 миллион доллар. Безос менен космоско учуучу орун сатылды

28
(жаңыланган 13:31 13.06.2021)
Аукционго катышуу ниетин билдирип дүйнөнүн 159 өлкөсүнөн 7 600 киши катталды. Жеңүүчү аукцион бүткөндөн бир нече апта өткөн соң жарыяланат.

БИШКЕК, 13-июн. — Sputnik. Аты айтылбаган сатып алуучу америкалык Blue Origin компаниясынын New Shepard кемеси менен космоско учуу мүмкүнчүлүгү үчүн 28 миллион доллар төлөдү. Бул тууралуу аталган компанияга таянып "Известия" жазды.

Сатыкка катышуу үчүн 159 өлкөдөн 7 600дөй киши катталган. Аукциондун жеңүүчүсү New Shepard кемесинде Blue Origin жана Amazon ишканаларынын негиздөөчүсү Жефф Безос жана анын агасы Марк менен бирге 20-июлда космоско учат. Асманга учуу болжол менен 11 мүнөткө созулат.

New Shepard Техастагы космодромдон көтөрүлөт.

Капсула экипаждан ажырагандан кийин тигинен конууга туура келет, капсула Жердин бетинен болжол менен 105 чакырым бийиктикке көтөрүлүп, андан кийин парашют менен конот.

Жеңүүчү аукцион бүткөндөн бир нече апта өткөн соң жарыяланары белгиленет. Кийинчерээк төртүнчү жана экипаждын акыркы мүчөсүнүн ысымдары айтылат.

Blue Origin буга чейин New Shepard космос кемесинде пилотсуз режимде 15 ирет тесттик учуулар жасалган. Акыркысы апрель айынын орто ченинде болгон.

28
Белгилер:
АКШ, Жефф Безос, учуу, космос, аукцион
Тема боюнча
Кытай алгачкы жолу Марска космостук аппаратын кондурду