Таластан кармап келген жаш илбирс. Архив

Таластан кармап келген бала барстын көзү таптакыр көрбөй калды

319
(жаңыланган 17:30 10.02.2020)
Жаш илбирстин бир көзү мурдараак эле агып калганы, ал эми экинчи көзү бүдөмүк көрө турганы кабарланган. Бирок бүгүн ветеринарлар үмүт үзгөн кабарды айтышты.

БИШКЕК, 10-фев. — Sputnik. Таластан кармап келген жаш илбирс — Жаабарстын көзү такыр эле көрбөй калганын ветеринарлар билдиришти. Бул тууралуу маалымат "Бугу-эне" коомдук фондунун Facebook баракчасына жарыяланган.

Таластан табылган жырткыч учурда аталган фонддун жетекчиси Салтанат Сеитованын көзөмөлүндө. Ал уюмдан бүгүн жаныбардын буга чейин үмүт жаратып жаткан көзүн Улуттук госпиталдын офтальмологдору Нурлан Тургунбаев менен Александр Островерхов карап көргөн. Буга КРСУнун офтальмология боюнча кафедрасынын башчысы Михаил Медведев жетекчилик кылган.

Буга чейинки маалыматтарда бала илбирстин экинчи көзү дагы жабыркаганы, бирок ветеринарлардын жырткычтын көрүүсү калыбына келет деп үмүт артып жатканы айтылган.

"Бул деген таптакыр эле көрбөй калат дегендик. Операция жасагандан пайда жок, көзү калыбына келбейт. Барс ага кол салгандан кийин сокур болуп калган. Эми көзүн жакшылап көзөмөлгө алуу керек, себеби жарааты кабылдап кетиши мүмкүн", — деп айтылат маалыматта.

Мындан сырткары, ветеринарлар бүгүн жырткычтын ички органдарын УЗИге тартып, канынан экинчи ирет анализ алышкан.

Жаныбар Ысык-Көлдүн Ананьево айылындагы жаныбарларды багуу жайында кыштамакчы. Учурда анын абалы жакшырып, тамактана баштаганы айтылат.
© Видео / пресс-служба немецкого Союза охраны природы в Кыргызстане (NABU)
Эске салсак, жырткычты Талас облусунан Бишкекке 10-январда алып келишкен. Рентген анын денесинен, башынан чачма окторду тапкан. Ал борбор калаага жеткирилгенден кийин ветеринарлар операция кылышкан. Анда жырткычтын оң көзү мурдараак эле соолуп калганы анык болгон. Ал эми экинчи көзү адамдар кол салганда жабыркаган. Жаныбар Бишкек шаарына жеткирилери менен "Бугу-эне" коомдук фондунун камкордугуна алынган.

Ал эми аны аткан киши дагы деле табыла элек.

Учурда Жаабарстын кантип жашап жаткандыгын видеодон көрсөңүз болот.

319
Белгилер:
операция, илбирс, Талас облусу, Кыргызстан
Тема боюнча
Эки көзү тең көрбөй калды. Таласта атылган бала илбирстин азыркы абалы видеодо