Борбор калаада афган согушунун катышуучулары каза болгон майдандаштарын эскерип, алардын урматына орнотулган мемориалга гүл чамбар коюшту

Бишкекте афган согушунун катышуучулары курман болгон майдандаштарын эскерди. Сүрөт

98
(жаңыланган 17:10 15.02.2020)
Афганистандагы согуштан курман болгондорду алардын полктоштору жана коомчулук эскерди. Бул апаатка Кыргызстандан 7000ге чукул киши чакырылып, 233 жоокер кайтпай калган.

БИШКЕК, 15-фев. — Sputnik. Борбор калаада афган согушунун катышуучулары каза болгон майдандаштарын эскерип, алардын урматына орнотулган мемориалга гүл чамбар коюшту.

  • В Бишкеке воины-афганцы почтили память своих погибших товарищей и возложили к мемориалу цветы
    Борбор калаада афган согушунун катышуучулары каза болгон майдандаштарын эскерип, алардын урматына орнотулган мемориалга гүл чамбар коюшту
    © Фото / Юрий Кузьминых
  • В Бишкеке воины-афганцы почтили память своих погибших товарищей и возложили к мемориалу цветы
    Эскерүү Советтик аскерлердин Афганистандан чыккандыгынын 31 жылдыгына арналып, "Ата-Түрк" паркында болду
    © Фото / Юрий Кузьминых
  • В Бишкеке воины-афганцы почтили память своих погибших товарищей и возложили к мемориалу цветы
    Ага миңге жакын ардагерлер, алардын туугандары, мектеп окуучулары жана Бишкектеги райондук акимчиликтердин өкүлдөрү катышты
    © Фото / Юрий Кузьминых
  • В Бишкеке воины-афганцы почтили память своих погибших товарищей и возложили к мемориалу цветы
    Согуш талаасында курман болгондорду бир мүнөт үндөбөй эскеришти.
    © Фото / Юрий Кузьминых
1 / 4
© Фото / Юрий Кузьминых
Борбор калаада афган согушунун катышуучулары каза болгон майдандаштарын эскерип, алардын урматына орнотулган мемориалга гүл чамбар коюшту

Эскерүү Советтик аскерлердин Афганистандан чыккандыгынын 31 жылдыгына арналып, "Ата-Түрк" паркында болду.

Ага миңге жакын ардагерлер, алардын туугандары, мектеп окуучулары жана Бишкектеги райондук акимчиликтердин өкүлдөрү катышты. Согуш талаасында курман болгондорду бир мүнөт үндөбөй эскеришти.

Бишкектин вице-мэри Татьяна Кузнецова апааттын 1989-жылы февралда аяктагандыгын эскерди.

"Ошентип тогуз жылга созулган согуш аяктады. Ал аймакка 620 миң аскер чакырылып, алардын ичинен 15 миңи кайтпай калды. Кыргызстандан кеткен 7 миңден ашуун жоокердин 300гө чукулу Афганистанда курман болду", — деди ал.

Улуттук гвардиянын Ардак кароолу мемориалга гүл чамбар коюп, траурдук салют атты. Андан соң ардагерлер жана эскерүүгө келгендер эстеликке гүл койду. Полктоштор ошол кездеги мезгилин, жаштык кездерин, согуштук учурларын эстешти.

Бул апаатка Кыргызстандан 7000ге чукул киши чакырылып, 233 жоокер кайтпай калган. 1500гө чукул аскер ар кыл жаракаттарды алышкан.

98
Белгилер:
эскерүү, Афган согушу, Бишкек, Кыргызстан
Тема боюнча
Милдетти абийирдүү аткардыңар. Жээнбеков афган согушунун ардагерлерин куттуктады
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

34
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

34
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

60
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

60
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео