Нарын облусуна караштуу Ат-Башы районунун тургундары логистикалык борбордун курулушуна каршы митингге чыкты

Ат-Башыда логистикалык борбордун курулушуна каршы митинг өтүп жатат. Сүрөт

377
(жаңыланган 12:24 17.02.2020)
Жергиликтүү тургундар логистикалык борборду четөлкөлүк инвестордун куруусуна каршы болушууда. Ошондой эле жер 49 жылга ижарага берилип кеткенине нааразы экенин айтышты.

БИШКЕК, 17-фев. — Sputnik. Нарын облусуна караштуу Ат-Башы районунун тургундары логистикалык борбордун курулушуна каршы митингге чыкты.

Райондук администрациянын алдына жүздөгөн адам чогулган. Жергиликтүү тургундар логистикалык борборду четөлкөлүк инвестордун куруусуна каршы болушууда. Ошондой эле жер 49 жылга ижарага берилип кеткенине нааразы экенин айтышты.

  • У здания районной администрации в центре села Ат-Баши Нарынской области проходит митинг против строительства торгово-логистического центра инвесторами из Китая.
    Нарын облусуна караштуу Ат-Башы районунун тургундары логистикалык борбордун курулушуна каршы митингге чыкты
    © Фото / Камбар Капарбеков
  • У здания районной администрации в центре села Ат-Баши Нарынской области проходит митинг против строительства торгово-логистического центра инвесторами из Китая.
    Райондук администрациянын алдына жүздөгөн адам чогулган.
    © Фото / Камбар Капарбеков
1 / 2
© Фото / Камбар Капарбеков
Нарын облусуна караштуу Ат-Башы районунун тургундары логистикалык борбордун курулушуна каршы митингге чыкты

Эске салсак, 2019-жылы Кытай Эл Республикасынын төрагасы Си Цзиньпин Кыргызстанга мамлекеттик сапары менен келип, тараптар бир топ документтерге кол койгон. Анын ичинде "Нур Строй Монтаж" ЖЧКсы жана One Lead One (HK) Trading Limited компаниясынын ортосунда соода-логистикалык борбордун курулушу жөнүндө келишимге да кол коюлган. Долбоордун сметалык баасы — 280 миллион АКШ долларын түзөт. 2019-жылдын этегинде өкмөт башчы Мухаммедкалый Абылгазиев анын пайдубалына капсула салып келген.

Бул индустриялык-соода-логистикалык борбордун инвестору — "Ат-Башы" кыргыз-кытай эркин соода аймагы" ЖЧКсы. Анын негиздөөчүлөрү Лю Инь, Эмилбек Абдыкадыров жана Ван Цзыюнь. Инвесторлор "Нарын" эркин экономикалык аймагынан 49 жылга ижарага жер алышкан. Алар жердин ижара акысынын 43 миллион сомго чукулун төлөшкөн.

Логистикалык борборду салчулар курулуш иштери апрель айында башталарын белгилешкен эле.

377
Белгилер:
курулуш, логистикалык борбор, Митинг, Ат-Башы
Тема боюнча
Кыргызстанда бир жыл ичинде кымбаттаган 10 товар. Тизме
Жалал-Абадда заманбап логистикалык борбор ишин баштады
Flydubai авиакомпаниясынын учагы. Архив

Июлдун аягына чейин Дубайдан Бишкекке үч жолу аба каттамы уюштурулат

2
Бүгүн өлкөгө Бириккен Араб Эмирлигинен 122 кыргызстандык алып келинди. Алардын арасында бөбөктөр дагы бар.

БИШКЕК, 10-июл. — Sputnik. Бүгүнкүдөн сырткары 17, 24 жана 31-июлда Бириккен Араб Эмирлигинен Кыргызстанга дагы үч каттам уюштурулат. Бул тууралуу Республикалык штабдан кабарлашты.

Штаб авиабилеттерди сатып алуунун алдында авиакомпаниядан Дубайдагы буга чейин жасалган транзиттик каттамдар жана чыгуучу каттамдарга уруксатты тактоо керектигин эскертти.

Новосибирскиден мекенге жардам берүү үчүн дагы медиктер учуп келди

Эске салсак, бүгүн, 10-июлда, өлкөгө Бириккен Араб Эмирлигинен 122 кыргызстандык алып келинди. Алардын арасында балдар да бар. Fly Dubai авиакомпаниясынын Дубай-Бишкек багыты боюнча чартердик каттамын "Манас" аэропорту тосуп алган.

Мындан сырткары, Кыргызстанга Улуу Британия жана Бахрейндеги мекендештердин да кайтып келгени маалымдалды. Алар Дубайдын аэропортунан Emirates airlines авиакомпаниясы аркылуу алып келинген.

2
Тема боюнча
Ош шаарына Москвадан дагы 221 кыргызстандык келди
Түркиядан 326 кыргызстандык жаш балдары менен келди. Сүрөт
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

56
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

56
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды