Ат-Башыда митингге чыккандар

Ат-Башыда митингге чыккандар бийликке беш талап койду. Тизме

1397
(жаңыланган 16:11 17.02.2020)
Чогулгандар койгон талаптардын ичинде "митингде сөз алып сүйлөгөн адамдардын артынан куугунтуктоо болбосун" деген пункту бар.

БИШКЕК, 17-фев. — Sputnik. Ат-Башы районунда логистикалык борбордун курулушуна каршы митингге чыккандар резолюция кабыл алып, бийликке бир катар талаптарды койду. Бул тууралуу Sputnik Кыргызстан агенттигине жергиликтүү тургун Камбар Капарбеков билдирди.

Капарбеков нааразычылык акциясына чыккандардын талаптарын атады. Алар:

Ат-Башыда курула турган логистикалык борбордун эскизи. Архивдик сүрөт
© Фото / пресс-служба правительства/ Алишер Алиев
— Ат-Башы районунун Ак-Талаа айыл аймагына караштуу 200 гектар жерди "Нарын" эркин экономикалык аймагына ижарага берген өкмөттүн токтому жокко чыгарылсын;

— "Нарын" эркин экономикалык аймагы менен курулушка инвесторлук кылып жаткан "Нур-Строй" компаниясынын ортосундагы келишим жараксыз деп табылсын;

— Ат-Башы районунун аймагында ушул сыяктуу иштерди жасоо жана кен байлыктарын иштетүү маселеси элдик жыйындарда чечилсин;

— Элдин ою менен эсептешпей, өзүм билемдик менен буйрук чыгарган Ат-Башы районунун Ак-Талаа айыл аймагынын башчысы Талантбек Стамакуновго эскертүү берилсин;

— Митинг, элдик жыйындарда сөз алып сүйлөгөн жаштар жана башка адамдардын артынан куугунтуктоо токтотулсун, укук коргоо органдары коркутпасын.

Камбар Капарбеков 25-февралда кайрадан митинг болорун айтты. Ошондой эле чогулгандар талаптарды бийлик 1-мартка чейин карап чыгуусун өтүнгөн.

Эске салсак, бүгүн, 17-февралда, Ат-Башы районундагы администрациянын алдына жүздөгөн адам чогулду. Алар аталган аймакка логистикалык борбордун курулушуна каршы экенин билдиришти.

Ат-Башы аймагына логистикалык борбор курулат дегенден бери эл тынчый элек. 2019-жылдын этегинде өкмөт башчы Мухаммедкалый Абылгазиев аталган аймакка барып, индустриялык-соода-логистикалык борбордун пайдубалына капсула салып келген. Борбор Ат-Башы районунан 40 чакырым, Нарын облусунан 85 чакырым алыстыктагы аймакка курулмай болгон. Долбоордун сметалык баасы — 280 миллион АКШ долларын түзөт.

Бул индустриялык-соода-логистикалык борбордун инвестору — "Ат-Башы" кыргыз-кытай эркин соода аймагы" ЖЧКсы. Анын негиздөөчүлөрү Лю Инь, Эмилбек Абдыкадыров жана Ван Цзыюнь. Инвесторлор "Нарын" эркин экономикалык аймагынан 49 жылга ижарага жер алышкан. Алар жердин ижара акысынын 43 миллион сомго чукулун төлөшкөн.

Инвесторлор күн жылыры менен, тагыраагы, апрель айында курулуш иштери башталып, ээн талаа чоң шаарга айланарын убадалаган.

Баса, буга чейин Нарындын аттуу-баштуу ишкер, аткаминерлери Бишкекте жыйын өткөрүп, жер эч кимге сатылбаганын айтып, инвесторлорго мүмкүнчүлүк берели деген ойлору менен бөлүшкөн.

1397
Белгилер:
Митинг, курулуш, логистикалык борбор, инвестор, Ат-Башы
Тема боюнча
Ат-Башыда логистикалык борбордун курулушуна каршы митинг өтүп жатат. Сүрөт
Ээн талаа шаарга айланат! Ат-Башыга логистикалык борбор курчу инвестордун маеги
Суу каптаган жол. Архив

Сел жүрүшү мүмкүн. ӨКМ шашылыш билдирүү таратты

11
Дарыяларда суунун деңгээли көтөрүлүшү күтүлүп жатканы айтылган. Андыктан бул учурда адамдардын өзгөчө этият болушу керектиги эскертилди.

БИШКЕК, 3-июн. — Sputnik. Бүгүн жана эртең тоолуу, ошондой эле тоо этектериндеги райондордо күндүн ысышынан улам сел жүрүшү мүмкүн. Бул маалыматты Кыргызгидромет таратты.

"2020-жылдын 3-4-июнуна чейин республиканын тоолуу жана тоо этектериндеги райондорунда өзгөрүлмөлүү аба ырайына жана күндүн ысышына байланыштуу сел жүрүшү мүмкүн, дарыяларда суунун деңгээли көтөрүлүшү күтүлөт" , — деп айтылган маалыматта.

Мындан улам тиешелүү тараптар жарандарды этият болууга чакырды.

11
Белгилер:
суу ташкыны, дарыя, сел, аба ырайы, шашылыш билдирүү, ӨКМ
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү
Ош-Тазалык муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты

"Ош-Тазалык" ишканасы таштанды чыгарган жаңы техникалуу болду. Сүрөт

43
(жаңыланган 14:35 03.06.2020)
Ош калаасындагы таштандыларды чыгаруу боюнча Европа өнүктүрүү жана реконструкциялоо банкы менен 10 миллион евролук долбоор иштелип чыккан.

БИШКЕК, 3-июн. — Sputnik. "Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты.

  • Муниципальное предприятие Ош — Тазалык получило 12 мусоровозов на центральной площади.
    "Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты
    © Sputnik / Зульфия Тургунова
  • Муниципальное предприятие Ош — Тазалык получило 12 мусоровозов на центральной площади.
    Жаңы техникалар Европа өнүктүрүү жана реконструкциялоо банкынын каржылоосу менен алынган
    © Sputnik / Зульфия Тургунова
  • Мэр Оша Таалайбек Сарыбашов во время церемонии вручения ключей от мусоровозов на центральной площади
    Алардын ачкычын тапшырып жатып Ош шаарынын мэри Таалайбек Сарыбашов "Ош-Тазалык" ишканасынын техникалары толук жаңылана турганын айткан
    © Sputnik / Зульфия Тургунова
  • Мэр Оша Таалайбек Сарыбашов проехал по площади за рулем одного из мусоровозов во время церемонии вручения ключей от мусоровозов на центральной площади
    Ал Ош шаарында таштандыларды тазалоо боюнча Европа өнүктүрүү жана реконструкциялоо банкы менен 10 миллион евролук долбоор иштелип чыкканын кошумчалады.
    © Sputnik / Зульфия Тургунова
1 / 4
© Sputnik / Зульфия Тургунова
"Ош-Тазалык" муниципалдык ишканасы таштанды чыгарган 12 атайын техникалуу болгондугун Ош мэриясынан кабарлашты

Жаңы техникалар Европа өнүктүрүү жана реконструкциялоо банкынын каржылоосу менен алынган. Алардын ачкычын тапшырып жатып Ош шаарынын мэри Таалайбек Сарыбашов "Ош-Тазалык" ишканасынын техникалары толук жаңылана турганын айткан.

"Тазалык" ишканасында атайын техникалардын саны жетишсиз. Ошондуктан өткөн жылы жергиликтүү бюджеттен 30 миллион сом бөлүнүп, жалпы 14 атайын техника сатып алынган. Жаз-жайда жолго суу сээп тазалаган, кышкысын карды тазалаган төрт даана техника июль айында алып келинет", — деди Сарыбашев.

Ал Ош шаарында таштандыларды тазалоо боюнча Европа өнүктүрүү жана реконструкциялоо банкы менен 10 миллион евролук долбоор иштелип чыкканын кошумчалады.

"Бул акчанын 50 пайызы насыя катары берилет. Долбоордун алкагында 41,2 миң еврого 32 таштанды салган контейнер алып келинип, учурда пайдаланып жатабыз. Июнда дагы бир топ партиясы келет. Мындан сырткары, таштанды жүктөгөн дагы 12 даана автоунаа алынышы күтүлүүдө", — деди Ош шаарынын мэри.

Ушул эле долбоордун алкагында шаарга жаңы санитардык полигон куруу пландалганы да маалым болду.

43
Белгилер:
долбоорлор, таштанды, техника, Таалайбек Сарыбашев, Ош
Тема боюнча
Ош мэриясы: вирус жайылып кетсе, чектөөлөрдү кайрадан күчөтөбүз
Ош шаарында аялдамалар оңдолуп, жаңыланып жатат. Сүрөт