23-февралда эркектерге көп берилчү белектер аныкталды

БИШКЕК, 20-фев. — Sputnik. Маркетологдор гильдиясынан россиялыктар 23-февраль — Мекенди коргоочулар күнү эркектерге кандай белектер көп берилерин аныкташкан. Бул туурасында RT жазды.

Эксперттердин айтымына караганда, эң көп берилген белектер — көйнөк, галстук, эркектердин ич кийими жана байпак.

Экинчи орунга сакал алгандагы самындар, ага колдонулган лосьон, атырлар чыккан. Ал эми үчүнчү орунда ичимдиктер экени айтылды. Андан сырткары, гаджеттер менен аксессуарлар да майрамга жакындаганда көп сатылган буюмдардын катарын толуктайт.

Бешинчи сапта спорт, хоббиге байланышкан оокаттар турат экен.

23-февралда көп тапшырылган белектердин он тепкичтен турган тизмесине атайын сертификаттар, китептер, ар кыл түрдө жасалган шоколаддар жана атайын даярдалган оокаттар кирген.

Маркетологдор эң акыркы орундагы белекти аташты. Ал романтика коштолгон ресторандагы кечки тамак экен.

Мындан сырткары, Маркетологдор гильдиясынан 23-февралдагы көпчүлүк берген белектин орточо баасы 1000-1500 сом суммасында болорун айтышкан.