Дарыгерлер. Архив

Бүгүн өлкөдөгү бардык бейтапкана, ооруканалар иштебейт. Себеби айтылды

2277
(жаңыланган 10:45 24.02.2020)
Саламаттык сактоо министрлигинин маалымат кызматы дарыгерлер алты күндүк иш жуманын графиги боюнча иштерин айтты.

БИШКЕК, 24-фев. — Sputnik. Бүгүн, 24-февралда, Кыргызстан боюнча оорукана, бейтапканалар иштебейт. Бул тууралуу Саламаттык сактоо министрлигинин маалымат кызматы кабарлады.

Маалыматка ылайык, ооруканалар менен бейтапканалар алты күндүк иш жуманын графиги боюнча иштейт.

Аталган министрликтин Бишкек шаардык башкармалыгынын жетекчиси Бактыгүл Исмаилованын айтымында, дарыгерлер жумушка 2-январь күнү эле чыгышкан.

"Жаңы жылдагы эс алуу күндөрү боюнча чыккан өкмөттүн токтому беш күндүк иш жуманын графиги боюнча иштеген мамлекеттик кызматкерлерге тиешелүү болчу. Дарыгерлер 2-январь күнү эле жумушка чыгышкан. Майрам, эс алуу күндөрүн жылдыруу Саламаттык сактоо министрлигине тиешелүү эмес, биз календарь боюнча гана иштейбиз", — деди Исмаилова.

Исмаилова жарандарга эмне себептен алдын ала маалымат таратылбаганын да түшүндүрдү.

"Жаңы жылда беш күндүк график менен иштегендердин эс ала турганы айтылган. Жарандардын көбү дарыгерлер календарь боюнча гана иштерин билет. Бүгүн бардык ооруканада нөөмөттө дарыгерлер турат", — деди Исмаилова.

Эске салсак, 2020-жылы кыргызстандыктар жаңы жылда 7 күн катары менен, 1-январдан 7-январга чейин эс алышкан. Бул тууралуу өкмөттүн токтому чыккан. Анда 24-февралдагы дем алыш күнү (23-февраль дем алышка туш келет) 2-январдагы иш күнүнө жылдырылган эле.

2277
Белгилер:
эс алуу күнү, иш күнү, бейтапкана, оорукана, КР Саламаттык сактоо министрлиги
Тема боюнча
23-февралда эркектерге көп берилчү белектер аныкталды
Медик кызматкери ооруканада. Архивдик сүрөт

Биолог: коронавирустун жеңил формасынын да кесепети оор болот

4
(жаңыланган 09:43 02.12.2020)
Адис коронавирустук инфекция адамдагы "ресурстарды коротуп, карылыкка жакындатат" деген оюн айткан. Бирок бул кылдат изилдөөнү талап кыларын белгилеген.

БИШКЕК, 2-дек. — Sputnik. Коронавирус инфекциясынын жеңил формасынын дагы кесепети оор болорун РИА Новости агенттигине Жордж Мейсон университетинин системалык биология мектебинин профессору Анча Баранова билдирди.

Адис дарыгерлер тобунун ишинин жыйынтыгына таянган. Анда жугуштуу ооруну орточо жана жеңилирээк формада өткөргөндөр кароодон өткөн.

"Илдетти бир топ жеңил көтөргөндөрдүн 70 пайызында ички органдардын патологиясы байкалган. Бирок башкы оорусу адаттагыдай жүрөк эмес, көбүнчө майлуу гепатоз (боор жабыркайт) жана уйку безинин ткандарын май байлап кетиши болгон. Негизи мындай диагноздор 60 жашта коюлат, коронавирус жуктургандарда 40 жашында эле байкалды", — деди Баранова.

Биолог коронавирустук инфекция адамдагы "ресурстарды алып, карылыкка жакындатат" деген оюн айткан. Ошол эле учурда оорунун кесепеттери дагы кылдат изилдөөнү талап кыларын белгилеген.

4
Белгилер:
кесепет, оору, коронавирус
Тема:
Коронавируска байланыштуу Кыргызстандагы кырдаал
Тема боюнча
ДССУ: коронавирус пандемиясы жакын арада токтобойт
SpaceX негиздөөчүсү Илон Маск. Архив

Илон Маск адам баласын Марска качан жөнөтөрүн айтты

16
(жаңыланган 09:40 02.12.2020)
Маск келерки эки жыл ичинде Марска алгач аба кемесин жөнөтүүнү пландап жатат. Андан кийин гана адамды учуруу туурасында кеп болот.

БИШКЕК, 2-дек. — Sputnik. SpaceX негиздөөчүсү Илон Маск адам баласын жакынкы алты жыл аралыгында Марс планетасына жеткирүүгө убада берди. Бул туурасында РИА Новости жазды.

"Бул толук ишке аша турган нерсе. Алты жылдан кийин болот деп ойлоп жатам", — деди Маск Берлин шаарында өткөн Аксель-Шпрингер сыйлыгын тапшыруу учурунда сүйлөп жатып.

Видеожазуу интернетке жайгаштырылган.

"Балким төрт жылда деле болуп калышы мүмкүн", — деген ал.

Маск келерки эки жыл ичинде Марска алгач аба кемесин жөнөтүүнү пландап жатат.

16
Белгилер:
космос, аба, Марс, Илон Маск
Тема боюнча
АКШ космоско алгачкы ажатканасын орнотууну пландап жатат