Медициналык кызматкер психиатрикалык ооруканын коридорунда. Архив

Ошто туулган кишини Россияда психикалык жактан ооругандардын клиникасынан табышты

275
(жаңыланган 16:56 24.02.2020)
Н.К аттуу Кыргызстанда төрөлгөн кишини жакындары издеп жатканы буга чейин социалдык тармактарда жазылган. Ал адам Россиянын жараны болчу.

БИШКЕК, 24-фев. — Sputnik. Кыргызстанда төрөлгөн киши Россиянын психикалык жактан жабыркагандардын  ооруканасынан табылды. Бул тууралуу  КРдин Акыйкатчысынын аппаратынан кабарлашты.

Билдирмеге ылайык, Кыргызстанда төрөлгөн Н.К. аттуу кишини жакындары издеп жатканы буга чейин социалдык тармактарда жазылган. Ал адам Россиянын жараны болгону айтылган. Жакындары анын Россиядан Кореяга иштегени кеткени тууралуу гана маалыматы болгонун айтып беришкен. Андан кийин  байланыш үзүлүп, кайда экени да белгисиз болуп жаткан.

"Акыйкатчынын өкүлү Россиянын укук коргоо органдары менен байланышканда, алар Н.К. Кореядан Владивостокко депортация кылынганын айтышкан. Жоголуп жаткан кишинин Приморск аймагындагы психиатрия ооруканасында экендиги аныкталган", — деп жазылат маалыматта.

Акыйкатчынын жардамчысы Бакыт Садиров Приморскиге барып, Кыргызстанда төрөлгөн адамдын ал-абалын билген. Садировго изделип жаткан адамдын абалы Кореядан эле начарлап, Владивостокко кантип келгенин билбей калганын маалымдашкан. 

Акыйкатчынын жардамчысы оорукананын дарыгеры менен бейтапты чыгарып кетүү тууралуу сүйлөшүп, аны Кыргызстанга туугандары коштоп кетерин айткан. 20-февралда Н.К. учак менен Ош шаарына жеткирилген.

275
Белгилер:
оорукана, депортация, издөө, Россия, Кыргызстан
Тема боюнча
Бүгүн өлкөдөгү бардык бейтапкана, ооруканалар иштебейт. Себеби айтылды
Алдыда эки майрам бар. Бул күндөрү ооруканалар менен бейтапканалар кандай иштейт
Электр линиялары. Архив

Түндүкэлектр: Бишкекте жарыктын массалык өчүшүнө биздин кабелдер себепчи эмес

38
(жаңыланган 23:48 30.10.2020)
ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын текшерип көрүшкөн.

БИШКЕК, 30-окт. — Sputnik. 110 жогорку киловольттук кабель чубалгысы бузулган эмес. Бул тууралуу "Түндүкэлектр" ишканасынын маалымат кызматы кабарлады. 

Эске салсак, кечээ, 29-октябрда, Бишкектин бир топ бөлүгүндө электр жарыгы өчүп, ЖЭБден буу чыккан.

"Түндүкэлектр" ишканасынын маалымат кызматы билдиргендей, ТЭЦтеги авариядан кийин ишкананын кызматкерлери ТЭЦ-Б жана Бишкек-1 подстанцияларынын 110 киловольттуу кабель чубалгыларын оңдош үчүн чыгарып кетишкен.

"Адистер кабель чубалгыларын комплекстүү лабораториялык текшерүүдөн өткөрүшкөн. Жыйынтыгында анын техникалык талаптарга жооп бере турганы аныкталган. 30-октябрда кабелдик чубалгылардын өзүн эле иштетип көрүшкөн, андан соң көмөк чордонго кошуп текшеришкен. Бул иш-чаралардын жыйынтыгында 110 киловольттуу кабель чубалгылары бузулбаганы далилденген", — деп айтылат маалыматта.

Ишкана ЖЭБдин "системалык авариянын келип чыгышына 110 киловольттуу кабель линиясынын ("Түндүкэлектр" ишканасына тиешелүү) зымдары тийишип кеткени себеп болгон" деген маалыматы тастыкталбаганын кошумчалады.

Шаардыктар жарыксыз калганда. ТЭЦтеги кырдаалды асмандан көрсөткөн видео

Эске салсак, калаада жарык жапырт өчкөндөн кийин "Түндүкэлектр" ишканасы ТЭЦте авария болуп, жогорку вольттогу подстанция чыңалуусуз калганын кабарлаган.

Кийинчерээк ТЭЦтин директору Андрей Воропаев ЖЭБде авария болбогонун, жөн гана авариялык коргонуучу система иштеп кеткендиктен ТЭЦтен буу чыкканын билдирген.

38
Тема боюнча
Бишкекте митингге чыккан энергетиктер эмнеге нааразы? Видео
Кызыл Жарым Ай коомдун мобилдик бригадасы

COVID-19га кабылган бейтаптарга Кызыл жарым ай коому жардам берүүдө

37
(жаңыланган 21:22 30.10.2020)
Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат.

БИШКЕК, 30-окт. – Sputnik. Бишкектеги Кызыл жарым ай коому COVID-19га кабылгандарга тез жардам көрсөтүүгө көмөктөшүүдө. Бул тууралуу Республикалык штабдан кабарлашты.

Билдирмеге ылайык, Кызыл жарым ай коомунун бригадасына окуудан өткөн ыктыярчылар, медициналык академиянын дарыгерлери жана студенттери тартылган.

"Мобилдик бригада бейтаптарды биринчи кароодон өткөрүүгө көмөктөшүп, кычкылтек концентраторун беришет. Ошондой эле ооруканага жаткырып, жеринде биринчи жардам көрсөтө алышат", — деп айтылат маалыматта.

Дарыгер коронавируска кабылган балдарды дарылоонун өзгөчөлүктөрүн айтты

Бишкек шаарынын тургундары оорунун белгилери байкалган учурда 0502 300 190 номерине (мобилдик бригада) чалып, кайрыла алышат.

37
Белгилер:
жардам, бейтап, коронавирус, Кызыл жарым ай коому
Тема:
Коронавируска байланыштуу Кыргызстандагы кырдаал
Тема боюнча
Өткөн суткада COVID 596 кишиден табылды. 90 бейтаптын абалы өтө оор
Коронавирустан үч киши каза болду
Сейсмаограф маалыматтары. Архив

Түркияда экинчи ирет күчү 5 баллдан ашкан жер титиреди

0
(жаңыланган 00:00 31.10.2020)
Жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан.

БИШКЕК, 30-окт. — Sputnik. Түркиянын Эгей деңизинин жээгинде күчү 5,1 баллга жеткен дагы бир жер силкинүү катталды. Бул тууралуу Anadolu агенттигинин маалыматына таянып РИА Новости билдирди.

Ага ылайык, жер титирөөнүн очогу өлкөнүн түштүк-батышындагы Айдын аймагынын Кушадасы районунан 20 чакырым алыс жайгашкан. Анын кесепети боюнча азырынча маалымат жок.

Бул бүгүнкү күндүн эсебинен Түркиядагы экинчи жер титирөө. Биринчисинин күчү 6,6 баллга жетип, зилзаланын очогу Измирдеги Сеферлихисар шаарындагы райондо жайгашкан. Жер титирөөнүн очогунун тереңдиги 16,5 чакырымды түзгөн.

Ураган имарат, кафеден чыга качкан эл. Түркиядагы зилзаланын видеосу

Акыркы маалыматтар боюнча, Измирдеги жер титирөөдөн көп кабаттуу үйлөр урап, 400дөн ашык киши жабыркап, 12 киши көз жумган.

0
Белгилер:
жаратылыш кырсыгы, жер титирөө, Түркия