Жаңы төрөлгөн ымыркай. Архив

Ымыркайдын көзүн алган илдет... Кыргыз медицинасы аппараттан аксаганда

909
(жаңыланган 18:37 25.02.2020)
Кыргызстанда ара төрөлгөн ымыркайлардын көзү өрчүбөй калгандыктан ретинопатия илдетине чалдыккан учурлары бар. Өкүнүчтүүсү, республика боюнча бул ооруну аныктоочу жана дарылоочу кесипкөй адис жана аппарат жок.

Айына жетпей төрөлгөн балдардын ретинопатиясы — көз оорулардын эң оору болуп саналат. Айрыкча бир киллограмм салмакка жетпей төрөлгөн бөбөктөрдө көп кездешет. Казакстан бул ооруга каршы иш баштаганына он жыл болгон. Ал эми Кыргызстан эми ойгонуп жатат.

Эне жана баланы коргоо борборунун оорулуу жана ара төрөлгөн ымыркайлар бөлүмүнүн башчысы Сагын Абдувалиева жана врач-офтальмологу Айдай Базарбаева Sputnik Кыргызстан маалымат агенттигине ретинопатия боюнча маек беришти.

Врач-офтальмолог национального центра охраны материнства и детства Айдай Базарбаева
© Sputnik / Табылды Кадырбеков
Врач-офтальмолог Айдай Базарбаева

— Ретинопатия оорусу тууралуу маалымат бере кетсеңиз?

Айдай Базарбаева: — Мамлекетте жылына 150 миңден ашык бөбөк жарыкка келет. Алардын ичинен ара төрөлгөн балдардын саны 7 миңден ашат. Айына жетпей төрөлгөндөрдүн 35 аптага чейинкилеринин өзгөчөлүктөрү болот. Организм жакшы өрчүбөшү толук мүмкүн. Азыр 22 аптадан баштап төрөлгөн наристелерди бала деп эсептеп калдык. Бирок алардын саламаттыгында маселе жаралып жатат. Башкы маселе — көзүнүн көрүүсү же ретинопатия оорусу. 22-28 аптага чейин төрөлгөн балдар 37 аптага чейин тез-тез дарыгердин көзөмөлүнөн өтүп турат. Айына жетпей төрөлгөн ымыркайларда көзү өрчүбөй төрөлгөндүктөн, көздөрүнүн чел кабыгы өспөй калып, ретинопатия оорусуна чалдыгышууда. Көздүн көрө турган өзгөчөлүгү төрт бөлүктөн турат. Эгер ички кабыктан залалдуу тамырлар өсүп кетсе, адам көрбөй калышы мүмкүн.

Ретинопатия азыркы заманда кездеше баштаган, динамикалуу илдет. Ар түркүн формасы бар. Ара төрөлгөн ымыркайлардын ретинопатиясы көз оорулардын эң оор түрү. Муну дарылоо өтө кыйын. Айыкпай калышы да мүмкүн. Өнүккөн өлкөлөрдө да бул оору көйгөй жаратып, көз көрбөй калуунун биринчи себеби катары белгиленген.

Глава отдела рожденных с патологией и недоношенных национального центра охраны материнства и детства Сагын Абдувалиева
© Sputnik / Табылды Кадырбеков
Эне жана баланы коргоо борборунун оорулуу жана ара төрөлгөн ымыркайлар бөлүмүнүн башчысы Сагын Абдувалиева

— Ара төрөлгөн балдардан ретинопатияны кандайча аныктай алабыз?

Сагын Абдуллаева: — Ара төрөлгөн ымыркайлардын саны жылдан-жылга көбөйүп жатат. Айрыкча, 1000 граммга жетпеген салмактагы ымыркайлар көп төрөлүүдө. Жөнөкөй эле көз доктур ретинопатияны аныктай албайт. Бизде бул илдетти аныктап, дарылоочу адистер жана жабдуулар жок. Дүйнөлүк ыкма менен алып караганда, ретинопатияны дарылоо үчүн эң жакшы медициналык "Редкам" жабдуусу эсептелет. Анын жардамы менен аппаратта жаткан ымыркайды да текшерүүгө мүмкүн. Ал көздүн ички кабыгынын төрт чоң бөлүгүн тең так көрө алат. Эгер ички кабыкка тамыр өсүп бара жатканы аныкталса, лазер менен күйгүзүп токтотуп калат.

— Кыргызстандагы төрөт үйлөрүндө ретинопатияны аныктаган адис жокпу?

С.А.: — Ретинопатия дүйнөлүк чоң көйгөйгө айланып калды. Аны аныктай турган дарыгердин билим деңгээли да жогору болушу керек. Бишкектеги жана Оштогу чоң перинаталдык борбор, ошондой эле облустук деңгээлдеги төрөт үйлөрү бул илдетти аныктоочу адиске муктаж. Ал эми райондук деңгээлдеги ооруканалар айына жетпеген балдардын төрөтүн кабыл албашы керек. Алар облустук же мамлекеттик деңгээлдеги төрөт үйлөрүнө жөнөтөт. Германия мамлекетинин каржысы менен салынып жаткан жаңы чоң перинаталдык борбор быйыл ишке киргизилсе жакшы болор эле. Себеби ретинопатияны аныктоочу жабдыктар ошол жерге коюлат. Республика боюнча ахыбалы оор бөбөктөрдүн баары ушул жерге жөнөтүлмөк. Өткөн аптада ымыркайларды көзөмөлдөгөн дарыгерлер менен көз доктурлар чогулуп ретинопатияны талкуулап, сунушубузду министрликке жана өкмөткө бердик.

— Эне жана баланы коргоо борбору бул ооруга каршы кандай иштерди жасоодо?

А.Б.: — Өткөн жылдын сентябрында Бишкекте ара төрөлгөн эки баладан ретинопатияны аныктаганбыз. Ушундан улам ал ооруну аныктоого жабдуубуз, кесипкөйлүгүбүз, квалификациябыз жоктугуна карабай, болгон мүмкүнчүлүктөр менен иликтеп, жогору жактарга коңгуроо кага баштадык. Колдо болгон бинокулярдуу офтольмоскоп аппаратыбыздын жардамы менен алыбыздын келишинче иштеп жатабыз. Бул аппарат көздүн ичин болгону 50 пайыз гана көрө алат. Аталган борбордо наристелерге үч айдан бери байкоо жүргүзүп жатабыз. Ретинопатия боюнча чыккан статистикалык маалыматтарды биздин жетекчиликке көрсөткөнүбүздө, алар тараптан дароо каралып протокол кабыл алынды. Ага ылайык, өлкөдөгү айына жетпей төрөлгөн 35 аптага чейинки балдар багыттамасыз эле биздин борбордон скринингден өтө алышат. Тилекке каршы, учурда бул ооруга так диагноз коюп же айыктыруу мүмкүнчүлүгүбүз жок. Ошентсе да, ретинопатиянын белгилери байкалса дароо жакынкы чет өлкөгө дарыланууга жөнөтүүгө жардам берүүдөбүз. Бирок чет жакка жиберүүдө ымыркайлардын паспорт маселеси көйгөй жаратууда. Себеби чет жакта дароо паспорт талап кылышат. Бизде күтүүгө убакыт жок.

— Жабдуу тууралуу өкмөткө, тийиштүү министрликке кат жыздыңыздарбы?

С.А.: — Саламаттыкты сактоо министрлигине Оштогу жана Бишкектеги перинаталдык борборго эки аппарат керек экенин айтканбыз. Өлкөдө ымыркайлардын 60 пайызы түштүк аймакта төрөлөт. Бизде "Дени сак адам — өнүккөн мамлекет" аттуу 2020-2030-жылдарга карата чоң программа кабыл алынган. Аталган программанын ичиндеги балдарды колдоо бөлүмүнө ара төрөлгөн балдардын ретинопатиясы да киргизилди.

— Аппараттын баасы канча турат?

А.Б. — Америкалык бир сайтта "Редкам" аппаратынын баасы 80 миң доллар деп жазылып турат. Чындыгында анык баасын билүү кыйын. Аппаратты чыгаргандар аны ачыктай беришпейт. Лазердин баасы болжол менен 50 миң долларга барат. Көп жыл мурда бул техниканы Алматылык кесиптештер алышканда барганбыз.

— Алматыда 2019-жылдын жыйынтыгы менен ретинопатияга кабылган учур катталбаптыр. Биз эмнеге эми гана аракет жасап жатабыз?

А.Б.: — Менин билишимче, Казакстанда ретинопатияга каршы кызматы иштеп баштаганына он жылдын жүзү болду. 2009-2010-жылдары Алматыдагы дарыгерлер тобу айына жетпей төрөлгөн ымыркайлардын ретинопатияга кабылуусун алдын алуу боюнча иштерди жасап баштаган. Он жылдык эмгектен кийин гана алар аталган оорудан улам көз көрбөй калууну жоюуга жетишти. Бул дароо эле ишке ашып кеткен жок. Мындай кызматты түзүп, адистерди даярдоо үчүн аларга беш жыл убакыт кетти. Билишимче, биздин өлкөдө ретинопатияга чалдыккандар өтө көп санда эмес болчу.

— 2019-жылдын жыйынтыгы менен алганда ретинопатияга чалдыккан балдардын так саны барбы?

А.Б.: — Үч айлык кароодон өтүп жаткан 34 ара төрөлгөн ымыркайдын 30 пайызында ретинопатия аныкталды. Ара төрөлгөн үч балада көздүн чел кабыгы өспөй калгандыгын байкадык. Алардын бирөөсүн Алматыга алып барып операция жасатып, бир көзүн сактап калдык. Ал эми экинчи кыз абдан алсыз болгондуктан, жолдо алып жүргөндөн кооптондук. Үчүнчү ымыркай 2 кг 400 грамм төрөлсө да, ретинопатия дарты бар экени билинди. Медицинада мындай салмакта төрөлгөн ымыркайда ретинопатия болбошу керек эле, бирок ушундай учур Кыргызстанда катталды. Айына жетпей төрөлгөн наристелердин 45 аптага чейин көзөмөлдөө болуусу керектигин айтабыз. Бирок алыскы өрөөндөгү ата-энелердин буга шарты жок болуп калууда.

— Дарылоо жолдору кандай?

А.Б.: — Ретинопатияны дарылоонун негизги үч ыкмасы бар. Алардын ичинен эң тагы лазердик жол менен дарылоо. Бул бизде жок болуп жаткан атайын жабдуунун жардамы менен жасалат. Экинчиси, 1990-жылдарга чейин жасалып келген эски ыкма — криотерапия жолу. Үчүнчүсү, заманбап препарат— anti-VEGF. Бул тамырлардын өсүшүн алдын алат. Дүйнөдө муну пайдалануу боюнча бир нече изилдөөлөр жүргүзүлгөн. Кээ бир өлкөлөрдө аны биоэтикалык комитеттин уруксаты менен колдонушат. Аталган дарыны колдонууда чоң маселе бар. Себеби башка органдарга зыянсыздыгы далилденген эмес. Ал эми аны организми толук өрчүй элек, алсыз ара төрөлгөн ымыркайларга колдонуунун кесепети кандай болору белгисиз. Башкача айтканда, башка органдарына зыян келтирип коюшу мүмкүн. Эң негизгиси неврологиялык өнүгүшүнө коркунучу бар.

— Саламаттыкты сактоо министрлиги бул жаатта кандай иштерди жүргүзүүдө?

С.А.: — Саламаттыкты сактоо министрлиги да учурда ретинопатияга көңүл буруп жатат. Эң негизгиси жаңы салынып жаткан перинаталдык борборго жабдуулар коюлат. Ал борбор апрелде ишке кириши керек эле, бирок бир аз кечеңдеп турат. Бул перинаталдык борборго "Редкам" жана лазердик аппараттын коюлушу күтүлүүдө. Экинчиден, 7 облустук төрөт үйүнө, Бишкек жана Ош шаарындагы эки перинаталдык борборго, Эне жана баланы коргоо борборуна, үчүнчү деңгээлдеги төрөт үйүнө ретинопатияны аныктай ала турган көз доктурларды даярдоо планы турат. Учурда мындай адистерди мамлекеттин жана донорлордун каржысы менен чет жактагы эң жакшы клиникаларда даярдап келүү зарылдыгы айтпаса да белгилүү.

909
Белгилер:
ретинопатия, маек, ымыркай, дарыгер, Эне жана баланы коргоо улуттук борбору
Тема боюнча
Өзүн атып алган кызга донордун жүзүн салып... Кыргызстандык хирургдун баяны
Алай районунда жаңы ачылган жугуштуу илдеттер ооруканасы

Алай районунда 60 орундуу жугуштуу илдеттер ооруканасы ачылды. Сүрөт

31
Алгач имарат мектеп катары колдонууга берилген, коронавирус күчөгөндөн кийин оорукана катары иштетүү буйругу чыккан.

БИШКЕК, 29-ноя. — Sputnik. Алай районунда 60 орундуу жугуштуу илдеттер ооруканасы ачылып, пайдаланууга берилди. Бул тууралуу өкмөттүн Оштогу өкүлчүлүгүнүн маалымат кызматы билдирди.

  • Алай районунда 60 орундуу жугуштуу илдеттер ооруканасы ачылып, пайдаланууга берилди
    Алай районунда 60 орундуу жугуштуу илдеттер ооруканасы ачылып, пайдаланууга берилди
    © Фото / пресс-служба полпредства правительства в Ошской области
  • Ага ылайык, аталган имарат 1996-жылы курулуп бүткөн
    Ага ылайык, аталган имарат 1996-жылы курулуп бүткөн
    © Фото / пресс-служба полпредства правительства в Ошской области
  • 1999-жылы орто мектеп катары колдонууга берилген
    1999-жылы орто мектеп катары колдонууга берилген
    © Фото / пресс-служба полпредства правительства в Ошской области
  • Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.
    Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды
    © Фото / пресс-служба полпредства правительства в Ошской области
1 / 4
© Фото / пресс-служба полпредства правительства в Ошской области
Алай районунда 60 орундуу жугуштуу илдеттер ооруканасы ачылып, пайдаланууга берилди

Ага ылайык, аталган имарат 1996-жылы курулуп бүткөн. 1999-жылы орто мектеп катары колдонууга берилген. Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.

Учурда толук бүтүп, жабдылган портативдүү рентген да орнотулду. Оорукана коронавирус илдетине чалдыккан бейтаптарды кабыл алат.

Эскерте кетсек, өкмөттүн Оштогу өкүлү Жарасул Абдураимов ушул айдын башында курулуш иштеринен кабар алган.

31
Белгилер:
мектеп, курулуш, имарат, оорукана, Алай району
Тема:
Коронавируска байланыштуу Кыргызстандагы кырдаал
Тема боюнча
Жуктургандар, айыккандар. Кыргызстандагы коронавирус боюнча абал
Ош шаарында беш жаңы мектеп курулуп жатат. Даректери
Өкмөттүн маалымат кызматынын мурунку жетекчиси Чыңгыз Эсенгулов. Архив

Чыңгыз Эсенгул уулунун эгизи Кундуз: экөөбүз тең милиционер болууну самачубуз

384
(жаңыланган 18:21 29.11.2020)
Элибиз эзелтеден эле эгиздерге өзгөчө мамиле жасап, ал тургай аларга карата ар кандай ырым-жырымдарды да колдонуп келген.

Кээде эгиздердин бири коомчулукка белгилүү болсо, айрым учурда экөө тең ар тармакта ийгиликке жетишип, таанымал эгиздер атыгышат.

Бул ирет Sputnik Кыргызстан агенттигинин кабарчысы өкмөттүн маалымат кызматынын мурунку жетекчиси Чыңгыз Эсенгуловдун эгизи Кундуз Эсенгул кызы менен баарлашты. Кундуз учурда Нарында жашайт, кесиби боюнча юрист. Жолдошу менен эки уулду тарбиялап, аларга татыктуу тарбия берип келишет.

— Чыңгыз Эсенгулов коомчулукка белгилүү адам. Ал адамдын эгизи бар экенин көбү билбесе керек. Өзүңүз тууралуу айта кетсеңиз?

— Мен 1987-жылы Нарын шаарында туулуп-өскөм. Кийин беш жашымда Бишкекке көчүп кеткенбиз. Бирок 8-классымда кайрадан Нарындагы орто мектепте окудум. Себеби эжеме кол кабыш кылууга туура келди. Улуу эжем ошол учурда турмушка чыгып, жаш аялмет эле. Кийин 9-класстын базасы менен юридикалык колледжде билим алдым. Аны бүтөрүм менен эле Юридикалык академияга тапшыргам. Кесибим боюнча юристмин. Азыр Нарын шаардык сотунда судьянын катчысы болуп иштейм.

Руководитель пресс-службы правительства Кыргызстана Чынгыз Эсенгулов во время интервью Sputnik Кыргызстан
© Sputnik / Жоомарт Ураимов
Кундуз Эсенгул кызы: Мен эгизим менен абдан сыймыктанам. Биздин атабыз кичинебизде эле каза болуп калган. Ошол себептен Чыңгызды бир эсе агамдай, бир эсе атамдай көрөм.

— Үй-бүлөңүз менен Нарында жашайт турбайсызбы?

— Ооба. Жолдошумдун кесиби электрик. Азыр ушул тармакта башкы көзөмөлдөөчү болуп эмгектенет. Мектепте окуган эки уулубуз бар. Экөөбүз 2007-жылы Самара шаарынан таанышып, кийин Кыргызстанга келип баш коштук. Кайра Россияга барып беш жыл жашап, жолдошум жалгыз бала болгондуктан Нарынга келүүгө туура келген.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Чыңгыз Эсенгулов эгизи Кундуз Эсенгул кызы жана апасы менен

— Эми эгизиңиз тууралуу сүйлөшсөк. Эгиздин түгөйү болгон жакшыбы?

— Ооба, жакшы. Мен эгизим менен абдан сыймыктанам. Биздин атабыз кичинебизде эле каза болуп калган. Ошол себептен Чыңгызды бир эсе агамдай, бир эсе атамдай көрөм.

Руководитель пресс-службы правительства Кыргызстана Чынгыз Эсенгулов во время интервью Sputnik Кыргызстан
© Sputnik / Табылды Кадырбеков
Чыңгыз менен Кундуздун ортосу 15 мүнөт. Биринчи болуп жарыкка Чыңгыз келген.

— Азыр да жакынсыздарбы? Дегеним, эки башка бүлө куруп, өз түйшүгүңөр бар дегендей...

— Ооба, башка бир туугандарыбызга караганда экөөбүз аябай жакын болуп калдык. Сырдашабыз. Мен Бишкекке барганда сөз жок Чыңгыздыкына барам. Ошол жакта болом. Анын үстүнө апам да уулунун колунда. Биздин үйдө Чыңгыз жалгыз уул бала болгондуктан ага таянам. Анын үстүнө төрөт убагында экөөбүздүн ортобузда 15 мүнөт айырма болуп, ал менден биринчи төрөлүптүр. Мага байке дагы, атанын ордуна ата да болуп, ушу күнгө чейин жанымда жүрөт. Кадимкидей эле атама эркелегендей эркелейм. Чыңгыз ажыга барган кезде эмнегедир менде да абдан жагымдуу сезимдер болгон. Ал кезде мен Россияда элем. Меккеден мага видео аркылуу байланышып "мына, Меккеде жүрөм" деп сүйүнүп көргөзгөн эле. Ошол сезимдер эсимде, мен да кошо баргандай болгом. Чыңгызды материалдык болбосо да моралдык жактан дайыма колдогонго аракет кылып келем.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Чыңгыз Эсенгуловдун эгизи Кундуз Эсенгул кызы менен

— Кичинеңерде чогуу ойноп, издешкен жакын белеңер же кадимки бир туугандардай эле өстүңөрбү?

— Албетте, кичинекей кезде урушкан учурлар көп эле болот. Ойноп жатып урушасың, кайра табышасың. Чыңгыз өзү абдан ак көңүл. Бирөөгө көп таарынбайт. Же бат эле жазылып кетет. Экөөбүз 6-класска чейин бир класста окудук. Апабыз Россияда иштегендиктен, 6-классты ошол жактан окуганбыз. Андан кийин Нарынга кетип калдык. Чыңгыз Нарындагы Кыргыз-түрк лицейинде окуду. Жогоруда айткандай, биз 1-класста окуп жүргөндө эле атабыз каза болуп калган. Апам жалгыз өзү беш баланы тарбиялап, жогорку билим берди. Бизди ушул даражага жеткирген ошол киши. Апам билими боюнча биолог болгондуктан Нарындагы медициналык окуу жайда сабак берчү. Бирок турмуш шартка байланыштуу кийин Россияга барып соода кылып жүрдү. Кичинекей кезибизде Чыңгыз экөөбүз бир бала бакчага барып, чогуу ойноп, жетелешип чоңойдук. Мен ооруп калсам, Чыңгыз да ооруп калчу. Же тескерисинче болчу. Ортодо кандайдыр бир байланыш бар, башка бир туугандарыңа караганда, баары бир өзгөчө жакындык болот экен. Чыңгыз Бишкекте жүрүп ичинен кыжалат болуп жатса, мен да сезем. Кадимкидей өзүмчө жаман боло берем.

Заведующий отделом информационного обеспечения Аппарата правительства Кыргызстана Эсенгул уулу Чынгыз
© Пресс-служба правительства / Сабыр Аильчиев
Чыңгыз Эсенгулов буга чейин өкмөттүн маалымат кызматын жетектеп келген

— Кесип тандоого келгенде эмне түрткү берди. Кандайча тандап калдыңыздар?

— Чыңгыз кичинесинен эле музыкага жакын болчу. Ал кезде "Ямаха" алуу кыял эле да. Жыгач рейкага "Ямаханын" сүрөтүн тартып алып эле черте берчү. Бизге "Руки вверхтин" ырларын ырдап, концерт да коюп берген учурлары болгон. Бирок экөөбүз тең чоңойгондо милиция кызматкери болууну самачубуз. Кийин ал Кыргыз улуттук университетинин экономика факультетинде окуп, мен апамдын сунушу менен юридикалык жогорку билимге ээ болдум. Апам "сен юрист болууга татыктуусуң, юрист же сот болгонуңду көргүм келет" деп айткандыктан, мен ушул кесипти тандап кеткем. Чыңгыз жөндөмүнө жараша журналистика айдыңында эмгектенип калды.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Кундуз Эсенгул кызы: Чыңгыз кичинесинен эле музыкага жакын болчу. Ал кезде "Ямаха" алуу кыял эле да. Жыгач рейкага "Ямаханын" сүрөтүн тартып алып эле черте берчү. Бизге "Руки вверхтин" ырларын ырдап, концерт да коюп берген учурлары болгон.

— Тукумунда эгиз болгондо гана эгиз төрөлөт дешет го...

— Атамдын таенеси эгиз төрөгөн экен. Келечекте бизде да эгиз болор деп күтөбүз. Менин үй-бүлөмдө же Чыңгызда, мүмкүн эжелерибиздин үйүндө эгиз бөбөктөр төрөлүп калар .

384
Белгилер:
Нарын, кесип, оюн, окуу, эгиз, Чыңгыз Эсенгул уулу
Тема боюнча
Чыңгыз Эсенгул уулу: мен кара тору бала болсом, эгизим узун бойлуу, ак жуумал
Эсенгул уулу: эжемдин сунушу менен радиого аралашып калгам
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

0
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

0
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди