Ширетүүчүлөр иш учурунда. Архив

Бишкекте жумушсуз жүргөндөр акысыз окутулат. Курстардын тизмеси

6483
(жаңыланган 15:18 05.05.2020)
Окутуудан өткөндөргө 360 сом өлчөмүндөгү мамлекеттик стипендия төлөнүп, окууну аяктагандар сертификат алышат.

БИШКЕК, 26-фев. — Sputnik. Борбор калаада жумушсуз жүргөн жарандар акысыз окутулат. Бул тууралуу Sputnik Кыргызстан агенттигине Бишкек шаарынын иш менен камсыз кылууга көмөктөшүү башкармалыгынан кабарлашты.

Маалыматка ылайык, окутуунун максаты — жумушсуз жүргөндөргө кийин иш табууга жардам берүү.

Эске салчу жагдай, бардык жумушсуз жүргөн жарандар окутулбайт. Калаада каттоосу барлар гана акысыз билим ала алат.

"Жарандар эмгек рыногунда суроо-талап болгон ондогон адистиктер боюнча окутулат. Окутуу бир айдан төрт айга чейин уланып, жеке компанияларда же шаардык кесиптик лицейлеринде өтөт. Окугандарга ай сайын 360 сом өлчөмүндөгү мамлекеттик стипендия төлөнүп, бүтүрүүчүлөргө сертификат тапшырылат", — дешти башкармалыктан.

Жумушсуздар окуй турчу адистиктер:

— укалоочу;

— чачтарач, косметолог-визажист, каш татуаждоо, лешмейкер;

— маникюр, педикюр жасоочу, кирпик, каш жасоочу;

— администратор, официант-бармен, ашпозчу;

— компьютерди билген кеңсе менеджери;

— бухгалтердик эсеп + 1С, бухгалтердик билим;

— сатуучу-консультант, кассир;

— "В" жана "С" категориялары боюнча айдоочу;

— чыгыш жана европа ашканасы боюнча ашпозчу;

— кондитер;

— тигүүчү;

— тигүү тармагында слесарь-ремонттоочу;

— автоунаалар боюнча адис;

— токарь-универсал;

— телефон, турмуш-тиричилик техникаларын оңдогон адис;

— ширетүүчү;

— вагон оңдоочу;

— кран – автоунаа машинисти;

— сall-борбордун оператору;

— web-дизайнер.

Мындан сырткары, графикалык редактор, бухгалтерлердин программасы, чет тилдерин жана бизнес, ишкерликтин баштапкы этаптарын үйрөнө алышат.

Кайда кайрылуу керек?

  • Ленин районунун жумушсуздарды каттоо бөлүмү. Бөкөнбаев көчөсү, 99. Телефондору: (0312) 30-36-82, 30-36-96;
  • Биринчи Май районундагы бөлүмү. Бөкөнбаев көчөсү, 99. Телефондору: 30-37-44, 30-37-48;
  • Октябрь районундагы бөлүмү. Токтогул көчөсү, 43. Телефондору: 68-02-04, 43-47-70;
  • Свердлов районундагы бөлүмү. Токтогул көчөсү, 43. Телефондору: 68-02-04, 43-47-70;
  • Белгилей кетсек, бөлүмдөрдүн бардыгы бир даректе жайгашкан.

Катталуу үчүн эмне керек?

— жашаган жеринен справка;

— паспорт;

— эмгек китепчеси;

— кесиптик квалификациясын тастыктаган документтер.

Шаарда каттоосу жок жарандар Бишкек шаарынын иш менен камсыз кылууга көмөктөшүү башкармалыгынын жаштар саясаты жана ички миграция боюнча бөлүмүнө кайрылса болот.

6483
Белгилер:
адистик, окутуу, жумуш, Бишкек
Тема боюнча
Өкмөт жумушсуздук көбөйгөнүн айтты. Сап башында Жалал-Абад турат
Алыкул Осмонов атындагу улуттук китепкананын директору Жылдыз Бакашева

Бакашева: балдарга күнүнө 10-15 мүнөт китеп окуп берүү керек

12
Алыкул Осмонов атындагу улуттук китепкананын директору Жылдыз Бакашева китепти жаштар эле эмес улуу муун деле окубай калганын айтты.
Бакашева: балдарга күнүнө 10-15 мүнөт китеп окуп берүү керек

Ата-энелер балдарына күнүнө жок дегенде 10-15 мүнөт китеп окуп бериши керек. Бул тууралуу Жылдыз Бакашева Sputnik Кыргызстан радиосуна маек берип жатып билдирди.

Анын айтымында, жаштар китеп окубайт деген стереотип коомго сиңип калган.

Абдыкерим Муратовдун жаңы романы жарык көрдү

"Азыр жаштар китеп окубай турганы кеңири айтылат. Бирок орто, улуу муундагылар деле китеп окубайт. Ошондуктан кичинекей балдар дагы китепке кызыкпай жатат. Негизи улуу муунга салыштырмалуу жаштар китепти көбүрөөк окуп калганы байкалууда. Алар көбүнчө орус тилиндеги чоң бестселлерлерди издеп таап окушууда. Мына 14-сентябрдан тарта китепканалар өз ишин баштады. Окурмандардын дээрлик көпчүлүгү жаштар. Анан эле "жаштар китеп окубайт" деген сөздөр айтыла берет. А эмнеге чоң апа, чоң аталарыбыз китеп окубайт? Аларда деле убакыт кенен эмеспи. Балага ата-энеси, чоң атасы, чоң апасы күнүнө жок дегенде 10-15 мүнөттөн китеп окуса, анда үйдөгү кичинекей балдардын дагы кызыгуусу өсөт. Биз бул багытта "Үй-бүлөлүк окуу борборлорун" түзүп, балдарга 15 мүнөттөн китеп окуп берүүнү демилгелегенбиз. Учурда бул борборлор кадимкидей иш жүргүзүүдө. Бирок мындай долбоорлор эл аралык уюмдардын колдоосу менен болуп, мамлекеттик деңгээлде системалуу түрдө ишке ашпай келет", — деди Бакашева.

Ошондой эле китепкана тарабынан коомду китеп окутууга үндөө, кызыктырууга багытталган бир топ иш чаралар быйыл пандемияга байланыштуу өтпөй калганын кошумчалады.

12
Белгилер:
ата-эне, жаштар, китепкана, Жылдыз Бакашева
Тема боюнча
Бүгүндөн тарта өлкөдө музей, китепканалар иштеп баштайт
Париждин көчөлөрүнүн биринде бараткан адамдар. Архивдик сүрөт

Европада эпидемиологиялык абал эмнеге начарлап баратат. ДССУнун түшүндүрмөсү

18
(жаңыланган 15:56 20.09.2020)
Уюмдун өкүлдөрү мектептерди ачуу дагы абалдын курчушуна түрткү бергенин, бирок балдарга билим берүүдө зарыл кадам болгонун белгилешкен.

БИШКЕК, 20-сен. — Sputnik. Балкан аймагындагы өлкөлөрдө жана бүткүл Европада эпидемиологиялык кырдаалдын начарлашы COVID-19га каршы коргонуу чараларын сактабаганга байланыштуу, бийлик көзөмөлдү күчөтүшү керек. Бул тууралуу Дүйнөлүк саламаттык сактоо уюмунун (ДССУ) Белграддагы кеңсесинде айтылганын РИА Новости жазды.

Албания, Босния жана Герцеговина, Словения, Түндүк Македония, Хорватия, Черногория жана Косово сыяктуу бир катар мамлекеттер коронавирусту жуктургандар менен өлгөндөрдүн саны кайрадан өсүп жатканын айтышкан. Аталган мамлекеттерде карантиндик чектөөлөрдүн айрымдары алынып, чек аралары жарым-жартылай ачылган.

Европада COVID-19дан көп адамдын көз жумары айтылууда

"Биз региондордо гана эмес, бүткүл Европа боюнча олуттуу эпидемиологиялык кырдаалга туш болуп жатабыз. Буга бардык мамлекеттер чечкиндүү кадамдарды жасап, баягы эле гигиеналык-санитардык эрежелерди кармануусу керек. Кырдаалдын начарлашына жарандардын талаптарды сактабагандыгы себеп. Бөтөнчө иш-чараларда, эс алууда, стадиондордо, түнкү клубдарда, диний жайларда жана башка массалык чогулуштарда ооруну жуктуруп алып жатышат. Учурда кээ бир мамлекеттер үчүн жугуштуу ооруларды алдын алуу жана көзөмөлдөө чоң көйгөй болууда", — деп билдирген эл аралык уюм.

ДССУнун өкүлдөрү мектептерди ачуу дагы абалдын курчушуна түрткү бергенин, бирок балдарга билим берүүдө зарыл кадам болгонун белгилешкен. Ошондой эле окуучулардын арасында ооруну жайылтпаш үчүн чараларды күчөтүүгө чакырган.

Жон Хопкинс атындагы изилдөө институтунун расмий сайтындагы маалымат боюнча, учурда дүйнө жүзүндө 30 794 731 кишиден коронавирус табылып, анын 957 192си өтүп кетти

18
Белгилер:
абал, карантин, коронавирус, Европа, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Көнүп баратат... Коронавирус сезондук оорулардын катарын толукташы ыктымал
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

0
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

0
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты