Кызды мектепке даярдоо. Архивдик сүрөт

Мектепке электрондук каттоого 7000ден ашуун арыз түштү

114
Балдары окуй турчу ата-энелер эми каалаган мектебин тандаса болот. Болгону электрондук арызды туура толтуруп, документтери толук болушу керек.

БИШКЕК, 29-фев. — Sputnik. Мектепке электрондук каттоо системасына балдарын 1-класска берчү 7178 ата-эне арыз тапшырды. Бул тууралуу Билим берүү жана илим министрлиги кабарлады.

Былтыр Бишкектин мектептери эле 1-класска барчу балдарды электрондук түрдө каттаса, 2020-2021-жылдары бул долбоор дагы беш шаарда иштей баштады. Алар — Ош, Жалал-Абад, Кызыл-Кыя, Токмок жана Кара-Балта. Аталган алты калаанын тургундары чүрпөлөрүн мектепке эми милдеттүү түрдө электрондук түрдө гана каттата алат.

Баланы 1-класска электрондук каттоо 15-февралда башталган. Эсиңиздерге салсак, былтыр 1-этапта микроучастокто жашагандардын балдары биринчи катталчу. Быйыл ал эреже өзгөрүп, аталган маселе жоюлду. Балдары окуй турчу ата-энелер эми каалаган мектебин тандаса болот. Болгону электрондук арызды туура толтуруп, документтери толук болушу керек.

Арыз калтыруу үчүн балдары 1-класска барчу ата-энелер порталына катталып, тиешелүү документтерди тиркеши зарыл.

Системанын жол-жобосу боюнча Sputnik агенттиги атайын материал даярдаган.

114
Белгилер:
билим, мектеп, окуу, 1-класс
Тема боюнча
Маматов: "Акылдуу мектеп" долбоору төрт компоненттен турат
Коронавирус Италияда 132 кишиге жугуп, мектеп, окуу жайлар жабылууда
Газ жабдууларын текшерүү. Архив

Бишкектин бир районунда 4 күнгө газ өчөт. Себеби

10
(жаңыланган 12:40 18.10.2021)
"Газпром" ишканасы оңдоо иштерине байланыштуу убактылуу газ берүү токтотуларын айтып, ыңгайсыздыктар үчүн тургундардын кечирим сурады.

БИШКЕК, 18-окт. — Sputnik. Бишкектин Жал кичи районунун жогорку бөлүгүнө 18-октябрдан 22-октябрга чейин газ берүү убактылуу токтотулат. Бул тууралуу "Газпром Кыргызстан" компаниясынын маалымат кызматынан кабарлашты.

Ишкана мунун себебин "Жал 29" от казанын жаратылыш газына кошуу боюнча иштер жүргүзүлүп жаткандыгы менен байланыштырды.

"Газпром Кыргызстан" компаниясы түзүлгөн ыңгайсыздык үчүн кечирим сурап, аталган убакыт аралыгында энергиянын альтернативдүү булактарын колдонууну сунуштады.

10
Белгилер:
Бишкек, 'Газпром Кыргызстан' ЖЧКсы, газ, өчүрүү
Тема боюнча
Алты райондо үч күн бою электр кубаты өчөт. "Ош электрдин" тизмеси
Аскерлер Улуу Ата Мекендик согуш учурунда. Архив

Улуу Ата Мекендик согушта дайынсыз кеткендерди издеген топтун ат көтөргүс иши

16
(жаңыланган 12:35 18.10.2021)
Жоокер Матяшовдун Бишкек шаарында жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды.

БИШКЕК, 18-окт. — Sputnik. Өткөн ишемби күнү Аламүдүн районуна караган Ленинское айылындагы Маданият үйүндө "Биздин Жеңиш – Наша Победа" деп аталган издөө тобу жергиликтүү жашоочулар менен жолугушуу өткөрдү.

Алардын жетекчиси Татьяна Владимирова Россиядагы дал ушундай топ менен өз ара кызматташып иш алып барышарын, достугун баяндаган. Калуга облусундагы Барятин районунда август айында өткөн издөө боюнча эл аралык экспедицияга катышкандыгы маанилүү иштердин бири болгондугун билдирди. Иш-чарага келгендерди издөө отрядынын командири Екатерина Дятлова тосуп алды.

Сахнанын алдында эң баалуу артефактылар — "Биздин Жеңиш – Наша Победа" тобу Россиядагы саздардан, токойлордон тапкан Улуу Ата Мекендик согуш учурундагы Кызыл Армиянын жоокерлеринин жеке буюмдары турду. Ал эми столдо дайынсыз кеткен жоокерлерди издеп табууда талбаган эмгек, көп мээнет жумшап иштеген издөөчүлөргө тапшырылган грамоталар, дипломдор тизилген.

Иш-чаранын башында Владимирова Эл аралык издөө экспедициясына катышкан учурларды баяндап берди. Анда соң кийинки муундарга "Биздин Жеңиш – Наша Победа" жасаган иштер, "Западный фронт. Варшавское шоссе. Нам доверена память..." ролиги да көрсөтүлдү.

Аталган топ согушта курман болгондордун элесин сактап калуу, мекендин эркиндиги үчүн баскынчылардын Ата Журтубузга ээлик кылуусунан коргоп, кан-жанын аябай салгылашкан аталар, апалар туурасында тарыхты аяр сактап, маанисин жоготпой кийинки муундарга жеткирүү жаатында ат көтөргүс иш жасап келет.

Иш-чарада "Зайцева Гора" даректүү фильминен үзүндү көрсөтүлдү. Анда 385-аткычтар дивизиясынын душман менен айыгыша кармашканы айтылган. Ошол жоокерлердин арасында кыргызстандык Дмитрий Матяшов да болгон. Маалыматтарга караганда, ал ошол кандуу кармашта курман болгон. Издөөчүлөр каарман жоокердин туугандарын таап, 1942-жылдын 19-январында кызы менен жубайына жазган акыркы катын беришти. Фильмден соң Матяшовдун Бишкекте жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды. Залда отургандардын көз алдына кызыл армиячылар өмүрүн аябай, улам тиштенип, улам кайраттанып немецтик баскынчылар менен салгылашып жаткан ирмемдери, айтып бүткүс эрдиктери, жоокерлердин согуш соолуткан өмүрү, жакындарынын азаптуу кайгысы бир ирмемге тартылды.

Владимирова жоокер Дмитрий Матяштын атын түбөлүккө калтыруу үчүн Россиянын Коргоо министрлигинин борбордук архивиндеги докуметтерди изилдеп, карап чыгуу боюнча чоң иштер тургандыгын белгиледи.

Иш-чаранын соңунда издөө тобундагы активдүүлүгү менен айырмаланган Ленинское айылынын улан-кыздарына сертификаттар тапшырылды. Андан сырткары, өзгөчө сертификат дагы төрт катышуучуга ыйгарылган.

16
Белгилер:
Кыргызстан, Аламүдүн району, Улуу Ата Мекендик согуш, 'Биздин Жеңиш' издөө тобу
Тема боюнча
СССР менен Германиянын согуштагы ролу ар башка! Путин өзгөчө мыйзамга кол койду
Рубрика радио Sputnik Кыргызстан Көөнө сөз

Талантбеков: "Манаста" фонтанды түшүндүргөн көөнө сөз бар

0
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

"Манас" эпосунда фонтанды түшүндүргөн "оргума" деген көөнө сөз бар. Аны учурда күнүмдүк турмушта колдонууга болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "Манаста" фонтанды түшүндүргөн көөнө сөз бар

Анын айтымында, "Манас" эпосунда көптөгөн көөнө сөз кездешет.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Күндөлүк турмушта колдонулуп келген фонтан деген маанини түшүндүргөн сөз "Манаста" барбы деген суроо жаралат. Адатта фонтан сөзү бизге тыштан кирип, биздин тарыхта кездешпегендей кабылданып калууда. "Манас" эпосунда фонтан "оргума" же "оргу" деп айтылган. Бул сөз атырылып чыгуу, оргуштоо, уюлгуу, уюлгуп көтөрүлүү деген маанини түшүндүрөт. Эпосто "оргумасы оргуштап калаа көркү өсүптүр" деген саптар Сагынбай Орозбаковдун вариантында кездешет. Муну бүгүнкү турмушта да колдонууга мүмкүн. Анткени учурда шаарларда оргумалар, башкача айтканда, фонтандар арбын", — деди Талантбеков.

Ал ошондой эле көөнө сөздөрдү колдонуп тилди байытууга болорун кошумчалады.

0
Белгилер:
Нурбек Талантбеков, Манас эпосу, эне тил, Кыргызстан, көөнө сөз
Тема боюнча
Талантбеков: "мажилис" сөзү кеңеш, жыйын деген маанини билдирет