Жашыл түскө боелгон дарыя. Архив

Аламүдүндүн "жашыл суусун" мэрия калп деди, эксперттер текшерип баштады

368
(жаңыланган 17:56 29.02.2020)
Суунун үлгүсүн эки лабораториядан текшеришет. Тиешелүү ведомстводон анын жыйынтыгы келерки аптада белгилүү болорун айтышты.

БИШКЕК, 29-фев. — Sputnik. Аламүдүн суусунун жашыл түскө боёлуп калышын текшерүү боюнча атайын комиссия түзүлгөндүгүн Экологиялык жана техникалык коопсуздук боюнча мамлекеттик инспекциясынын маалымат кызматынан кабарлашты.

Эске салсак, буга чейин интернет колдонуучулар Аламүдүн дарыясынын суусу жашыл түскө боёлгонун айтып, видеосун таратышкан эле.

Окуя болгон жерде ӨКМдин, Айлана-чөйрөнү коргоо жана токой чарба боюнча мамлекеттик агенттиктин жана Экологиялык жана техникалык коопсуздук боюнча мамлекеттик инспекциясынын өкүлдөрү иштеп жатканы кабарланды.

"Учурда суунун үлгүсү алынды жана ал Айлана-чөйрөнү коргоо жана токой чарба боюнча мамлекеттик агенттик менен Санитардык эпидемиологиялык көзөмөл жана ооруларды алдын алуу департаментинин эки лабораториясынан текшеришет. Адатта бул 10 күнгө созулат, бирок бул сапар аны тез арада чыгаруу каралууда", — деп айтышты маалымат кызматынан.

Ал арада Бишкек шаарынын мэриясынан Аламүдүн дарыясынын суусу жашыл түскө боёлду деген маалымат жалган, суунун түсү өзүнүн кадимки калыбында деген маалымат таратышты.

Мэриядан бул аймак Аламүдүн суусунун Дордой жана Энесай конуштарынын ортосунан агып өткөн жери экендигин айтышты.

"Ал жердеги Турак жай ээлеринин коомчулугунун, кварталдын, үй комитеттеринин башчылары жана конуштун жашоочулары дарыянын суусу кадимки калыбында эле түссүз экендигин айтышты. Алар жашыл түстү көргөн эмес. Аталган райондун акими Мурат Осмоновдун айтымында, суунун өңү таза, жашыл суу боюнча айтылган маалымат чындыкка дал келбейт", — деп жазылган мэрия тараткан маалыматта.

Бул маалымат соцтармакка тарап, учурда ар кыл талкууларды пайда кылууда.

368
Белгилер:
суу, Аламүдүн дарыясы, Бишкек
Тема боюнча
Соцтармакка Аламүдүн дарыясы жашыл түскө боёлду делген видео тарады
Витаминдер. Архив

Адам сынынан кетпеши үчүн витамин ичүүнүн зарылдыгы барбы

11
Адистин айтымында, кайсы бир препаратты ичерден мурда дарыгер менен кеңешүү керек. Ошондой эле витаминдер менен биологиялык активдүү кошулмаларды ири жана ишенимдүү дарыканалардан гана сатып алуу зарыл.

БИШКЕК, 14-июн. — Sputnik. Бой келбети келишимдүү болушун каалаган адамдарга витаминдер менен биологиялык активдүү кошулмалардын кереги бар же жок экенин нутрициолог, фитнес жана дарылоочу көнүгүүлөр боюнча адис Арина Скоромная РИА Новости агенттигине айтып берди.

"Эч бир витамин же биологиялык активдүү кошулмаларды ичпей деле жүрө берсе болот. Бирок дене бой ойдогудай болушу үчүн организмдеги бардык заттар жетиштүү болушу шарт. Витаминдерди тамактан керектүү көлөмдө баары бир ала албайбыз. Алыш үчүн абдан көп тамактанышыбыз керек. Негизи биз сөз кылып жаткан заттар организмге жардамчы катары зарыл", — деди адис.

Ошондой эле Скоромная кайсы бир препаратты ичерден мурда бир ооз дарыгер менен кеңешүү зарылдыгын айтты. Мындан тышкары, ал витаминдер менен биологиялык активдүү кошулмаларды ири жана ишенимдүү дарыканалардан гана сатып алуу керектигин кошумчалады.

11
Белгилер:
арыктоо, организм, адис, ден соолук, витамин
Тема боюнча
Адис: туура эмес арыктаган аялдын этек кири токтоп калышы мүмкүн
Ала-Тоо аянты. Архив

Дүйшөмбүгө карата аба ырайы

511
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

511
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот
Душанбе шаары, Тажикстан. Архив

Душанбеде ШКУнун 20 жылдыгына карата кинофестиваль өтөт

0
Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт.

БИШКЕК, 14-июн. — Sputnik. Душанбе шаарында 29-июндан тарта 2-июлга чейин Шанхай кызматташтык уюмуна (ШКУ) мүчө-мамлекеттердин арасында көркөм жана телефильмдердин фестивалы өтөт. Бул тууралуу Кинематографты колдоо фондунан кабарлашты.

Фестивалдын алкагында Кыргызстан баш болгон уюмга мүчө сегиз өлкөнүн жана байкоочу макамындагы алты мамлекеттин фильмдери көрсөтүлөт. Жеңүүчүлөргө "Алтын чабалекей" сыйлыгы жана дипломдор ыйгарылат.

Кыргызстандын атынан кайсы тасма көрсөтүлөрү айтыла элек.

Эске салсак, ушул жылдын 15-июнь күнү бирикменин түзүлгөнүнө 20 жыл толот. Буга байланыштуу ар кандай саясий жана маданий иш-чараларды өткөрүү пландалган.

0
Белгилер:
тасма, фестиваль, ШКУ, Тажикстан, Кыргызстан
Тема боюнча
Байге фонду миллион сомдук республикалык айтыш сынагы өтөт
Кыргыздын "Шамбала" тасмасы Испаниядагы кинофестивалга катышат