Тулпар картасы. Архивдик сүрөт

"Тулпар" картасын колдонууда көйгөй жаралса каякка кайрылуу керек. Жолдору

219
(жаңыланган 09:44 02.03.2020)
Жүргүнчүлөрдү автобус менен троллейбустарга карта менен киргизген "Тулпар" долбоорунун сайтында байланыш номер, электрондук дарек жана мессенджерлердеги тайпалар көрсөтүлдү.

БИШКЕК, 2-мар. — Sputnik. Бишкекте кечээги күндөн тарта "Тулпар" электрондук төлөм системасы толук кандуу иштеп баштады. Эми жүргүнчүлөр автобус менен троллейбустарга киргенде жол кирени акчалай эмес, карта аркылуу төлөшү керек.

Картанын баасы — 50 сом. Аны "Кыргыз почтасы" мамлекеттик ишканасынын бөлүмдөрүнөн, мобилдик операторлордун сатуу пункттарынан, ошондой эле автобус менен троллейбустун айдоочуларынан алууга болот.

Акысыз кызыл карта пенсионерлерге, почтальондорго жана ден соолугунан мүмкүнчүлүгү чектелгендерге берилет. Ал эми окуучуларга ылайыкталган 50 сомдук жашыл картаны биринчи колдонгондорго бекер. Бир айда 175 сом коройт. Жалпы жарандар үчүн көк түстөгү картанын баасы дагы 50 сом. Анын дагы биринчи колдонуусу акысыз. Андан кийин картаны толуктап туруу керек. Бир айга 495 сом кетет.

Sputnik агенттиги картага байланышкан суроолор болсо жарандар кайда кайрылышы керектигин билди. "Тулпар" бирдиктүү төлөм картасынын сайтында байланыш жолдору көрсөтүлгөн.

  • Telegram тайпасы;
  • WhatsApp группасы;
  • feedback@tulpar-card.kg электондук дареги;
  • 0312 582 000 байланыш номери.

Учурда автобус менен троллейбустардын ичинде "Тулпар" долбоорунун консультанттары иш алып барууда. Алардын системанын ишине байкоо салып, эгерде шаардыктарда жол кире акысын төлөө боюнча көйгөйлөр жаралса, жардам берери айтылды. Консультанттар 7:00дөн 11:00гө чейин жана 15:00дөн 21:00гө чейин кызмат көрсөтмөкчү.

219
Белгилер:
Бишкек, "Тулпар" электрондук төлөм системасы, карта, байланыш, номер
Тема:
"Тулпар" электрондук төлөм системасы (8)
Тема боюнча
Бишкектеги мектептер газ менен жылытылмай болду
Бишкек: көчөнүн көркүн бузган павильондордун дизайны өзгөрөт. Эскиз
Акматбеков: "Тулпар" карталары 1-марттан кийин дагы таратылат
Бишкекте "Тулпар" системасы толук кандуу иштеп баштады
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

33
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

33
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

57
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

57
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео