Кең-Булуң менен Токмок көзөмөл өткөрүү бекеттери жаңы режимде иштей баштады

"Кең-Булуң" менен "Токмок" көзөмөл өткөрүү бекеттери жаңы режимде иштей баштады

142
(жаңыланган 16:48 02.03.2020)
Эки көзөмөл өткөрүү бекети бүгүн, 2-марттан тарта, үчүнчү өлкөлөрдүн жарандарын дагы өткөрө баштады. Мындай чечимди кыргыз-казак өкмөтү кабыл алган.

БИШКЕК, 2-мар. — Sputnik. Казакстан менен чектешкен "Кең-Булуң" менен "Токмок" көзөмөл өткөрүү бекеттеринин макамы эки тараптуудан көп тараптууга өзгөрдү. Бул тууралуу Мамлекеттик чек ара кызматынан билдиришти.

Маалыматка караганда, бүгүн, 2-марттан тарта, "Кең-Булуң" (Кыргызстан) — "Аухатты" (Казакстан) жана "Токмок" (Кыргызстан) — Сортобе (Казакстан) бекеттери үчүнчү өлкөлөрдүн жарандарын дагы өткөрө баштады.

"Кең-Булуң" жана "Токмок" эл аралык өткөрүү жайлары адамдарды, транспорт каражаттарын жана жүктөрдү өткөрүп жатат. Аталган жайлар күнү-түнү иштейт", — деп айтылат маалыматта.

Көзөмөл бекеттерин көп тараптуу кылып өзгөртүү чечими "2003-жылдын 25-декабрындагы кыргыз өкмөтү менен казак өкмөтүнүнүн ортосундагы макулдашуусуна" Астана шаарында 2018-жылдын 17-августунда кол коюлган өзгөртүүлөрдү киргизүү протоколуна ылайык кабыл алынды.

142
Белгилер:
автобекет, көзөмөл өткөрүү пункту, Токмок
Тема боюнча
Өзүбүз чечебиз! Кыргызстан Казакстандын дооматына жооп кайтарды
Кыргыз-тажик чек арасындагы "Кулунду" жана "Кайрагач" өткөрүү бекеттери ачылды
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

134
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

134
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

130
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

130
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео