Электр лампасы. Архив

Эртең Бишкектин 26 көчөсүндө жарык өчөт. Тизме

87
(жаңыланган 01:23 03.03.2020)
Атайын бригада трансформаторлорду карап, түркүктөрдү алмаштырып, оңдоо иштерин аткарат. Буга байланыштуу борбор калаанын ар кайсы тарабында жарык өчүрүлөт.

БИШКЕК, 2-мар. — Sputnik. Бишкекте 3-март күнү 26 көчөдө жарык жок болот. Бул тууралуу "Түндүкэлектр" ишканасынан кабарлашты.

Бул күнү трансформаторлорду карап, түркүктөрдү алмаштырып жана башка оңдоо иштерин аткарышат.

Жарык берүү үзгүлтүккө учурай турган аймактар:

  • 09:00-17:00 — Чехов, Медеров, Гастелло, Ашхабад, Белорусский (№2/2) көчөлөрүнүн бир бөлүгү, Асанбай кичи району (№14 жана 19 үйлөр);
  • 09:00-18:00 — Гагарин, Ак-Чөлмөк, Ленинград, Эркиндик жана Магаданский көчөлөрүнүн бир бөлүгү;
  • 09:30-12:00 — 6-кичи район (№9/1, 10/1, 11/1, 12/1, 13/1, 14/1, 15/1);
  • 09:30-17:00 — Чүй проспектиси (№178) менен Карасаев көчөсүнүн бир бөлүгү, Береговой, Гранитный, Рыбинский туюк көчөлөрү, Волковский, Курманжан датка, Парк көчөсүнүн бир бөлүгү;
  • 09:30-18:00 — Бөкөнбаев (№152, 152Б, 154, 158) менен Исанов (№5 турак үй) көчөлөрүнүн бир бөлүгү, Ак-Өргө (Саадак, Камбаркан, Кырк чоро, Алыкулов көчөлөрү) конушу;
  • 10:00-18:00 — Рухий Мурас конушу менен Туңгуч кийи району;
  • 11:00-15:00 — Радищев көчөсүнүн бир бөлүгү.
87
Белгилер:
көчөт, жарык берүү, "Түндүк Электр" ишканасы, Бишкек
Тема боюнча
Күндүн табы 21 градуска жетет. Бир жумага карата аба ырайы
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

62
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

62
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

137
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

137
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат