Сотрудники милиции в специальном обмундировании на площади Ала-Тоо в Бишкеке.

Милиция элди эмнеге кууп таратканын түшүндүрдү

861
(жаңыланган 01:18 03.03.2020)
Милиция кызматкерлери каршылык акциясына чыккандарды таратууга киришкен. Алар элди суу менен аткылап, кулак тундуруучу гранаталарды ыргытышкан.

БИШКЕК, 2-мар. — Sputnik. Ички иштер министрлигинин маалымат кызматынын жетекчиси Бакыт Сеитов милиция кызматкерлери элге "тарагыла" деген эскертүү бергенин журналисттерге билдирди.

Анын айтымында, тынчтык митинги уюштурулганы менен кээ бирлердин планы такыр башка болгон.

"Уюштуруучулар башаламандыкка жол берилбей турганын убадалап, коомдук тартип сакталарын айтышкан. Бирок алар топ элди башкара албай, коомдук тартипти бузушту. Акцияга катышкандар Ак үйдү басып алышарын айтып, таш ыргытып, жолдогу эрежелерди бузушту. Уюштуруучулар менен провокаторлор жасаганы үчүн жооп берет, ошондой эле мүлкүнө зыян келтирилген жарандардын чыгымдарын толтуруп беришет", — деди Сеитов.

Ал ошондой эле аянтка Бишкек ШИИББдин жеке курамы толугу менен тартылганын белгиледи.

"Биз негизи эле провокациялар менен эреже бузууларга даяр болчубуз. Түн ичинде жана эртең элдин митингге чыгуусуна жол бербейбиз", — деди ал.

Белгилей кетсек, бүгүн, 2-мартта, саат 11:00дөр чамасында Бишкекте Садыр Жапаровду абактан чыгарууну талап кылып 1000ден ашык адам митингге чыкты.

Алар президенттин өзү менен жолугушууну дагы талап кылышты, бирок аткаминерлер бул маселе бүгүн эмес, үч күндөн кийин чечилерин билдиришкен. Буга нааразы болгон эл аянттан кетпей тургандыктарын айтышты.

Мындан улам милиция кызматкерлери каршылык акциясына чыккандарды таратууга киришти. Алар элди суу менен аткылап, кулак тундуруучу гранаталарды ыргытышты. Көздөн жаш агызган газ дагы колдонулду. Күч органдары митингчилерди Бишкектин борбордук бөлүгүнөн сүрүп чыгарып жатканда митингчилер аларды көздөй таш ыргытып, таштанды челектерине өрт коюшту. Кийин милиционерлер бир нече адамды колго түшүрдү.

Борбор калаада учурда эмне болуп жатканын тексттик трансляциядан көрүңүздөр.

861
Белгилер:
башаламандык, милиция, Садыр Жапаров, митинг, Бишкек
Тема:
Садыр Жапаровдун тарапташтарынын Бишкектеги митинги (25)
Тема боюнча
Бакиевдин тушунда бир катар кызматта иштеген. Садыр Жапаров тууралуу 11 факты
Милиция "Ала-Тоодогу" митингчилерди суу менен аткылап тарата баштады. Сүрөт, видео
Самолет Боинг 737-800 с надписью Bubusara (Бубусара) на носовой части лайнера в международном аэропорту Манас

15-июндан тарта тышкы каттамдар жанданат. Кайсы компаниялар учууга макулдук берди

0
(жаңыланган 13:41 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

0
Премьер-министрдин милдетин аткаруучу, биринчи вице-премьер Кубатбек Боронов

Боронов: аймакка каттаган ар бир жүргүнчүнүн телефон номерин жазып калгыла

9
(жаңыланган 13:34 04.06.2020)
Биринчи вице-премьер облустарга кетип жаткан жүргүнчүлөрдүн ар бири тизмектелип, телефон номерлери жазыла турган китепче ачуу керектигин айтты.

БИШКЕК, 4-июн. — Sputnik. Үй карантиндегилерди көзөмөлдөө үчүн алардын бардыгынын уюлдук телефонуна мобилдик тиркеме жүктөлүшү керек. Мындай тапшырманы тармактык мамлекеттик органдарга премьер-министрдин милдетин аткаруучу, биринчи вице-премьер Кубатбек Боронов бергендигин өкмөттүн маалымат кызматынан кабарлашты.

Муну менен катар Боронов карантиндик эрежелерди эске алуу менен туристтик сезонго даярдыкты күчөтүүнү тапшырды.

"Өкмөттүн Ысык-Көл облусундагы ыйгарым укуктуу өкүлчүлүгү жана башка жергиликтүү өз алдынча башкаруу органдары туристтик сезонго дыкат даярдык көрүүгө тийиш. Бул багыттагы иш-аракеттердин алгоритми иштелип чыгышы зарыл", — деген Боронов.

Биринчи вице-премьер жергиликтүү бийлик органдарына 5-июндан тарта аймактар аралык коомдук транспорттун иши жанданарын эскертти. Бир облустан экинчи аймакка өтүп жаткан ар бир жүргүнчүнү катуу көзөмөлгө алуу керектигин кошумчалады.

"Вирустун жайылышын алдын алуу үчүн башка облустарга кирип жаткан жарандарды көзөмөлдөө иши күчөтүлгөн тартипте жүргүзүлүүгө тийиш. Ошондуктан жергиликтүү өз алдынча башкаруу органдары тармактык мамлекеттик органдар менен биргеликте аймактарга барып жаткан ар бир жаранды тизмектеп, телефон номерлери жазыла турган китепче ачуу керек", — деди ал.

COVID-19 жуктуруп алгандардын жалпы саны 1899га жетип, бүгүн, 4-июнда, 28 кишиден аныкталды.

Ал эми жалпы 1292 бейтап айыгып, ооруканадан чыгарылды.

9
Белгилер:
эреже, көзөмөл, коронавирус, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков облус жана шаар жетекчилери менен онлайн-жыйын курууда
COVID-19: Чолпон-Атада вирусологиялык лаборатория ачылат