Эркинен ажыратылган экс-депутат Садыр Жапаров. Архив

Садыр Жапаровду эмне үчүн жатак абагына которууга болбойт. ЖАМКтын түшүндүрмөсү

999
(жаңыланган 12:03 03.03.2020)
Жүрүм-турумуна, эмгектенгенине, реабилитациялык программаларга катышканына жана ошондой эле белгиленген эрежелерди сактаганына карап соттолгон кишинин жаза өтөө жайын алмаштыруу мүмкүн.

БИШКЕК, 3-мар. — Sputnik. Жаза аткаруу мамлекеттик кызматы кандай адамдар жатак колониясына которулбай турганын түшүндүрүп берди.

Буга чейин эркинен ажыратылган Садыр Жапаровдун адвокаты Шарабидин Токтосунов ушул жылдын февраль айында экс-депутаттын жатак абагына которулушу ыктымал экенин айткан болчу. Бирок ЖАМК мындай маалыматты четке каккан. Ал жактан Жапаров жатак колониясына которууга мүмкүн болбой турганы категорияга кирерин айтышкан болчу.

Бүгүн ЖАМКтын маалымат кызматы жатак колониясына которула албай турган адамдардын категориясын жарыялады:

  • өмүр бою эркинен ажыратылгандар;
  • террордук жана экстремисттик багытта кылмыш жасап соттолгондор;
  • уюшкан топтун же уюмдун катарында кылмыш жасап эркинен ажыратылгандар;
  • криминалдык топтордун мүчөлөрү, жаза өтөп жаткан жерде кылмыш жасагандар;
  • жашы жете элек балдарга карата оор кылмыш жасагандар;
  • мажбурлап дарыланууга муктаж болуп, бирок медициналык көзөмөлдөн өтпөгөндөр;
  • I, II топтогу майыптар, пенсия курагындагы адамдар;
  • туруктуу жашаган жери жоктор;
  • чет элдик жарандар, Кыргызстанда туруктуу жашабагандар;
  • жаза өтөп жаткан жерден же күзөттөн качып чыкканы үчүн соттолгондор.

Бул маалыматка ылайык, Садыр Жапаров үчүнчү категорияга кирип калат.

Былтыркы жылдын январь айынан тарта соттолгон кишинин жаза өтөй турган жайын жана жаза өтөй турган мекеменин түрүн атайын комиссия аныктайт.

Бишкектеги митинг

2-март күнү "Ала-Тоо" аянтында экс-депутат Садыр Жапаровдун тарапташтарынын митинги болуп өттү. Акцияга чыккандар 11,5 жылга кесилген Жапаровду бошотуу, соттук реформаны ишке ашыруу, насыяларды жеткиликтүү кылуу, чек ара маселесин чечүү жана коронавирустун алдын алуу чараларын күчөтүү сыяктуу талаптарды коюшкан. Кечке маал уюштуруучулар митингге ээ боло албай калышкан, натыйжада бир нече киши жабыркап, уюштуруучулар Каныбек Осмоналиев жана Садыр Жапаровдун бир тууганы Сабыр Жапаров УКМКга алып келинген. Алар Кылмыш-жаза кодексинин 39 жана 309-беренелеринин ("Бийликти күч менен басып алууга аракет кылуу") негизинде шектелип жатат.

Садыр Жапаровдун иши

2013-жылы Ысык-Көл облусунун Саруу айылында Кумтөр кенин улутташтыруу талабы менен митинг өтүп, тергөөнүн маалыматы боюнча, аны Садыр Жапаров каржылаган. Катышуучулар ошол кездеги облус губернатору Эмилбек Каптагаев баш болгон бир нече адамды барымтага алганы айтылган. УКМКнын берген маалыматы боюнча, акцияга чыккандарды Жапаров телефондон тескеп турган. Мындан улам Жапаровго карата Кылмыш-жаза кодексинин "Өлтүрөм деп коркутуу", "Барымтага алуу", "Бейбаштык" жана "Бийлик өкүлүнө күч колдонуу" беренелери боюнча кылмыш иши козголуп, сот 11,5 жылга эркинен ажыраткан.

Ушу тапта Жапаров Молдовановка айылындагы түрмөдө жазасын өтөп жатат.

999
Белгилер:
тергөө, Каныбек Осмоналиев, ИИМ, УКМК, митинг, Митинг, Садыр Жапаров
Тема:
Садыр Жапаровдун тарапташтарынын Бишкектеги митинги (25)
Тема боюнча
Митингди кууп таратуудан канча киши жабыркаганы айтылды
Бишкектеги митингди таратууда 166 адам кармалып, анын төртөө камалды
Китепкана. Архив

Министр: китептерде ката кетпеши үчүн "Окуу китеби" борбору ачылды

17
(жаңыланган 12:21 30.10.2020)
Буга чейин "География" жана "Табият таануу" китептеринен интернеттен алынган сүрөт, эскирген маалыматтар жана грамматикалык каталар табылган.

БИШКЕК, 30-окт. – Sputnik. Окуу китептеринин мазмунун, сапатын жакшыртуу максатында республикалык илимий-практикалык "Окуу китеби" борбору түзүлдү. Бул тууралуу Билим берүү жана илим министрлигинин сайтына жарыяланды.

Маалыматка караганда, министр Алмазбек Бейшеналиев борбордун ишин уюштуруу, окуу китептерин чыгаруунун эффективдүүлүгүн арттыруу багытында тиешелүү адистер менен жыйын өткөргөн.

Тескери басылган герб, гимн. Окуу китептеги одоно ката боюнча министрлик жооп берди

Ошондой эле министр соцтармакка түз эфирге чыгып, борбордо жалаң кесипкөй адамдар иштей турганын билдирген.

"Окуу китептеринде мындан ары каталар болбошу үчүн министрликтин алдында "Окуу китеби" борбору ачылды. Анда жалаң кесипкөйлөр иштеп, ката кетирбегенге аракет кылышат. Ошондой эле айрым класстардын окуу китептеринде жаш курагына, баланын психологиясына туура келбеген материалдар кетип калган. Эми китептердин мазмунун текшерүү боюнча комиссия түзөбүз", — деди министр.

Эске салсак, "География" жана "Табият таануу" китептеринен интернеттен алынган сүрөт, эскирген маалыматтар жана грамматикалык каталар табылган. Мындан тышкары, кыргызстандыктар буга чейин дагы китептердеги каталарга даттанып келишкен. Мурдагы билим берүү министри Гүлмира Кудайбердиева Sputnik агенттигине берген интервьюсунда китептеги каталарга басмакана күнөөлүү экенин билдирген.

17
Белгилер:
ката, китеп, Билим берүү жана илим министрлиги, Кыргызстан
Тема боюнча
Билим берүү министрлиги экинчи чейректе мектептерди ачуу сунушун берди
Пакистандын кара тизмесиндеги медициналык окуу жайлардын ректорлору эмне дейт
Министр Бейшеналиев: мугалимдердин кагаз иштери азайтылат
Беларусь президенти Александр Лукашенко. Архивдик сүрөт

Лукашенко Кыргызстандагыдай элдик кошуундарды түзүүнү сунуштады

42
(жаңыланган 12:00 30.10.2020)
Беларусь лидеринин айтымында, Кыргызстандагы саясий окуяларда элдик кошуундар коомдук тартипти камсыздап, күч түзүмдөрү менен бир муштум болуп иштеди.

БИШКЕК, 30-окт. — Sputnik. Беларусь президенти Александр Лукашенко Кыргызстандагыдай кылып элдик кошуун түзүүнү сунуштады. Бул тууралуу Sputnik Беларусь агенттиги жазды.

Мамлекет башчы шаар ичинде милиция кызматкерлерине тартипти сактоого көмөктөшкөн ыктыярдуу элдик кошуундарды түзүү тууралуу ИИМдеги жаңы кадрдык дайындоолор маалында билдирди. Тагыраагы, Юрий Караев мекеме башчылыгынан кетип, ордуна Иван Кубраков келген.

Бийлик кантип алмашты? Соңку окуялардагы урунттуу учурлар

"Бизде элдик кошуундар жапа тырмак ишке кирише элек. Кыргызстанда эмне болгонун көрдүңөрбү. Башаламандыкта күч түзүмдөрүнүн кызматкерлери качып кеткенде өлкөнү коргоо жоопкерчилигин ким алды? Элдик кошуундар. Алар качып кеткен милиционер, аскер, атайын кызматтагыларды кошуп алып, күчтүү элдик кошуунду түзүштү. Анан бир сутканын ичинде эле өрткө суу сээп коюшту", — деген Лукашенко.

Өлкө башчысы мобилдик отрядга мурдагы аскер кызматкерлерин, анын ичинен "афганчыларды" тартууну айткан.

42
Белгилер:
элдик кошуун, Александр Лукашенко, Кыргызстан, Беларусь
Тема:
Беларустагы нааразылык акциялары
Тема боюнча
Беларусь түстүү революцияны жок кылабы? Саресеп
Евробиримдик жана АКШ: Беларусь менен көйгөйлөрүн Польша өзү чечип алсын