Депутат Жогорку Кенеша от фракции СДПК Аида Касымалиева во время заседания

Акыл үйрөтпөй жооп бериңиз! Вице-спикер Касымалиева жыйында аткаминерди какты

1649
(жаңыланган 18:17 04.03.2020)
Вице-спикер мугалимдердин эмгек тажрыйбасына карап пенсиясын көбөйтүү боюнча мыйзам долбоору тууралуу Соцфонддун пикирин билүүгө кызыкты.

БИШКЕК, 4-мар. — Sputnik. Вице-спикер Аида Касымалиева 30-40 жыл иштеген мугалимдер пенсияга чыккандан кийин 2000-3000 сом алып каларын айтып арызданып жатышканын билдирди.

Мындан улам ал парламенттин жалпы жыйынында мугалимдерге пенсия чегерүү кандай форматта жүргүзүлөрүн Социалдык фонддун төрагасынын орун басары Эсен Нурдиновдон сурады.

"Алар Соцфондго канча камсыздандыруу взносун төлөсө, ошонун негизинде чегерилет. Мурда мугалимдердин айлыгы аз болгону үчүн азыраак чыгып жаткан. Азыр айлыктары көтөрүлүп калды, жакшы пенсия алат деген ойдобуз", — деди аткаминер.

Андан соң Касымалиева: "Алдыда мугалимдердин пенсиясын жакшыртуу боюнча планыңар барбы?" - деп сурап, "жок" деген жооп алды.

Кийин вице-спикер мугалимдердин пенсиясын эмгек тажрыйбасына карап көбөйтүү боюнча мыйзам долбоору биринчи окуудан өткөнүн айтып, ал тууралуу пикирин билүүгө кызыкты.

"Мугалимдер эле эмес, медицина кызматкерлеринин пенсиясы дагы ушундай аз. Мугалимдердикин жогорулатуу жолун биз караган эмеспиз. Мен бир жарым жылдан бери иштеп жатам, андай мыйзамды көргөн эмесмин, бизге келген эмес", — деп жооп берди Нурдинов.

Буга ачууланган Касымалиева: "Биринчи окуудан өткөн деп айттым го, келген эмес дебей, билбей жатам дебейсизби, мага комментарий бербеңиз. Акыл үйрөтпөстөн так суроого так жооп бериңиз", - деп какты.

Учурда папрламентте "Кыргыз Республикасынын Социалдык фонду жөнүндө", "Мамлекеттик социалдык камсыздандыруу жөнүндө" мыйзамдарына жана Салык кодексине өзгөртүүлөрдү киргизүү тууралуу" мыйзам долбоору каралып жатат.

 

1649
Белгилер:
мугалим, пенсия, Социалдык фонд, аткаминер, депутат, Аида Касымалиева
Тема боюнча
Аида Касымалиева Ирина Карамушкинага: эки жүздүүлүктүн чеги болушу керек!
Мукамбетов: учурунда пенсияга чыгуу жаш курагы теңдештирилбей калган
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

14
(жаңыланган 21:43 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы Достук үйүндө өткөн.

14
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты
Талаада жайылган койлор. Архив

Жумага карата аба ырайы

13
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

13
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары