Үйлөнгөндөрдүн саны ажырашкандарга караганда көбөйдү. Ош биринчи орунда

© Sputnik / Алексей Майшев / Медиабанкка өтүүҮйлөнүү үлпөтү. Архив
Үйлөнүү үлпөтү. Архив - Sputnik Кыргызстан
Жазылуу
Бекем үй-бүлө Ош шаары менен Нарын, Талас облустарында экендигин айтышты. Бул жактарда мындан ары чогуу жашай албайбыз деп арыз берген жубайлардын саны 500дөн ашкан эмес.

БИШКЕК, 4-мар. — Sputnik. Кыргызстанда өткөн жылы никеге тургандар Ош жана Жалал-Абад облусунда арбын катталган. Ал эми жалпы алганда үйлөнгөндөр ажырашкандардан көп болгондугун Мамлекеттик каттоо кызматынан кабарлашты.

Кыргызстанда былтыр 49 миң түгөй үйлөнгөн.

Биринчи сапта Ош (11,5 миң), Жалал-Абад (9 миң) турса, андан кийинки орунга Бишкек шаары (7 миң) чыккан.

Чүй дубанында 6,5 миң жаңы үй-бүлө пайда болуп, тизмеде 3-орунду ээлеген.

Орточо көрсөткүч Баткен (4 миңден ашуун), Ысык-Көл (3 миң) аймактарында катталган. Эң аз үйлөнгөндөр Нарын (1,7 миң) менен Талас (1,6 миң) облусуна туура келет. Ош шаарында эки миңге жакын түгөй турмуш жолуна аттанган.

"Бул аралыкта кыйылган никелердин саны ажырашууга караганда басымдуулук кылган. Эки башка жолду тандагандыгын айткан 10 миңден ашуун түгөй арыз менен кайрылган", — деп айтылат маалыматта.

Өзбекстандын президенти Шавкат Мирзиёев. Архив - Sputnik Кыргызстан
Ажырашкандар көбөйдү! Мирзиёев үй-бүлө министрлигин түзмөй болду
Ажырашкандар боюнча Бишкек шаары менен Чүй облусу биринчи орунга чыгып, 2 000ге чукул үй-бүлө бузулган. Андан кийин эле Ош менен Жалал-Абад облустары катталган.

Бекем үй-бүлө Ош шаары менен Нарын, Талас облустарында экендигин айтышты. Бул жактарда мындан ары чогуу жашай албайбыз деп арыз берген жубайлардын саны 500дөн ашкан эмес.

Орточо көрсөткүчтү Ысык-Көл менен Баткен чапчыган, тагыраагы, отубуз күйүшпөй калды деген 900 түгөй арыз жазууну чечкен.

 

Виджет news
Жаңылыктар түрмөгү
0