Базарда гүлдөр менен турган киши. Архив

Эксперт: эркектер 8-мартка негизинен эки түрдөгү белек алат

395
(жаңыланган 11:26 06.03.2020)
Кыз-келиндердин бири-бирине берген белектеринин ичинен ден соолукка кам көргөн жана сулуулукту камсыз кылуучу товарлар биринчи орунга чыккан.

БИШКЕК, 6-мар. — Sputnik. Россияда эркектер 8-марттын алдында негизинен эки түрдөгү — кымбат жана бир топ эле арзан белектерди сатып алышат. Бул туурасында Ozon онлайн-ритейлерине таянып, РИА Новости кабарлады.

Бул тармактагы адистер кыз-келиндер майрамынын алдында 900 миңден ашуун буюртманы жана 5,5 миллион интернеттик издөөнү анализдеп чыккан.

Анда эркектер быйыл белектерге кетирген чыгымды 2,3 эсеге, тагыраагы, 3 миң рублге (3 150 сом) чейин көтөргөнү айтылган. Былтыр бул көрсөткүч 1000 рублге аз болгон.

"Адатта, эркектер эки түрдүү — "кымбат" жана арзаныраак, 500-700 рублдин тегерегиндеги белектерди сатып алат. Экинчиси кичине кыздарга же тууган-туушкан аялзатына болушу мүмкүн", — деп айтышкан Ozon компаниясынан.

Ритейлердин маалыматына караганда, аялдар февралдын башынан тарта электроника менен спорт товарларын издешкен. Алар үйдөгү машыгууга керек болгон аксессуарлар жана кийимдер болуп чыкты. Дача жана бакчага керектүү товарлар, косметика жана чоңдор үчүн буюмдар да көп изделгендердин катарында турат.

"Эркектер белектерди таамайлап алышат. Бакчага керектүү техникаларды 160 пайызга көп буюртма беришкен. Кулакчындар, электрондук китептер 213 пайызды түздү. Анткен менен бир катар эркек жолдоштор куттуктоонун классикалык түрүнө басым коюп, атыр алышты (буюртма 268 пайызга өскөн). Алтын-күмүшкө да суроо-талап көп болууда", — деп кошумчалашты компаниядан.

Аялдардын бири-бирине берген белектеринин ичинен ден соолукка кам көргөн жана сулуулукту камсыз кылган товарлар биринчи орунга чыккан. Маселен, косметикага басым жасагандар эки эсеге өскөн. Аялдар дача буюмдарын да белек үчүн тандашарын аталган компаниянын байкоолору көрсөткөн.

Мындан сырткары, быйыл спорттук кийимдерге да басым көбүрөөк жасалган. Муну аялдар да, эркектер да белек катары сатып алышат.

395
Белгилер:
күмүш, алтын, косметика, тандоо, белек, 8-март
Тема боюнча
Кыргызстандын жараксыз 500 сомдугу 80 эсе кымбат сатылууда
Коронавируска байланыштуу Кыргызстанда массалык иш-чараларды өткөрүү токтотулат
Мужчина считает доллары США. Архивное фото

Саймаити чет өлкөлөргө 900 млн. долларды кантип чыгарганы айтылды

70
Каражаттын көбү чет мамлекеттерге банктар аркылуу которулган. Мындан тышкары, курьерлер накталай акчаларды да ташып турушкан.

БИШКЕК, 2-июн. — Sputnik. Улуттук коопсуздук мамлекеттик комитетинин Тергөө башкармалыгынын жетекчисинин орун басары Сагынбек Самидин уулу ишкер Айеркен Саймаити 937 миллион 807 миң долларды чет өлкөгө кантип чыгарып кеткенин айтып берди.

Бүгүн Жогорку Кеңеште Саймаитини өлтүрүү боюнча кырдаалды иликтеген депутаттык комиссиянын отуруму болуп өттү. Эске салсак, Кыргызстандан 700 миллион доллардан ашуун каражат чыгарылып кеткени баяндалган журналисттик иликтөөдө аты аталган Саймаити 10-ноябрда Стамбулда өлтүрүлгөн. Ишкер каза болгонго чейин документтердин бир бөлүгүн журналисттерге өткөрүп берип, коррупциялык схемалар жөнүндө ачыктаган. Бирок соңку жана эң маанилүү пакетин бергенге жетишпей калганы айтылган.

УКМК өкүлүнүн айтымында, өткөн жылдын июнь айынан ноябрына чейин журналисттик иликтөөдө айтылган маалыматтар боюнча Экономикалык кылмыштарга каршы күрөшүү мамлекеттик кызматы иш жүргүзүп, андан кийин Улуттук коопсуздук мамлекеттик комитетине өткөрүп берген. Анда интернеттеги бардык кабарлар, банк документтери, Финчалгындоо менен бажынын маалыматтары жана күбөлөрдүн көрсөтмөлөрү иликтенген.

Самидин уулунун айтымында, 2012-жылдан 2017-жылга чейин Саймаити жогорудагы 937 миллион долларды Кыргызстандын 11 банкы аркылуу которгон. Ал каражаттарды өзүнүн жана жубайы Вуфуля Бумаилияманын, ошондой эле "Абдыраз" ЖЧКсынын атынан салып турган.

Күч түзүмдөрү 932 миллион 736 миң доллар чет элдик эсептерге түшкөндүгүн аныктаган. Ал текстиль буюмдарына, курулуш материалдарына, электрондук товарларга, картонго, келишимдер боюнча карызды төлөөгө, жер тилкеси үчүн алдын ала төлөөгө жана сатып алууга которулганы белгилүү болгон.

Улуттук коопсуздук боюнча мамлекеттик комитеттин өкүлү мыйзам боюнча бажы декларациясын толтуруу менен каалаган суммадагы акча каражатын чыгарууга уруксат берилгендигин эскертти.

"Курьерлер аркылуу нак акчалар да ташылып турган. Сегиз адамды суракка алганыбызда үчөө курьер болуп иштегендигин тастыктады. Алардын бири Түркияга "Мадина" базарынын каражаты деп 5 миллион доллар которгон. Калган экөө "Кара-Суу" базарындагы ишкерлердин акчасы катары 246 миң жана 82 миң доллардан алып чыгып кетишкен. Суракка алынган башка адамдар бул иш менен алектенбегенин билдирди", — деди Самидин уулу.

Атайын кызматтын анализине ылайык, накталай акчалар кыргыз жана өзбек ишкерлеринин каражаттары болгон.

70
Тема боюнча
УКМК Саймаити менен Абдукадыр акчанын айынан кантип касташканын баяндады
Киши тротуарда бара жатат. Архив

Жыштык чырына тиешеси жок. УКМК Байымбетовдун иштен кетишин түшүндүрдү

51
(жаңыланган 00:16 03.06.2020)
Жыштык чырында премьер-министр Мухаммедкалый Абылгазиевдин да аты аталган. Өкмөт башчы мындан улам эмгек өргүүгө чыкты.

БИШКЕК, 2-июн. — Sputnik. Улуттук коопсуздук боюнча мамлекеттик комитет айрым ЖМКлардын ведомствонун жетекчи орун басары Жакыпбек Байымбетов жыштык чырына байланыштуу кетти деп жазып чыкканын төгүндөдү.

Буга чейин президент Сооронбай Жээнбеков Байымбетовду кызматтан бошотуу боюнча буйрукка кол койгон. Өлкө башчынын маалымат кызматы ал ден соолугуна байланыштуу иштен кетип жатканын кабарлаган.

УКМК Байымбетов кызматкерлери кармалган башкармалыкта иштебегенин айтып, жыштык чырына тиешеси жок экенин белгиледи. Аталган ишти Аскер прокуратурасы тергеп жатат.

Буга чейин эл өкүлү Жанар Акаев парламентте азыркы өкмөт мамлекеттик жыштыктарды сатуудан бюджетке 5 миллиард сом зыян келтиргенин айтып, ага премьер-министрдин тиешеси бар экендигин билдирген.

Ал эми өкмөт башчы Мухаммедкалый Абылгазиев билдирүү негизсиз деп жооп берген.

Эске сала кетсек, Байланыш боюнча мамлекеттик агенттиктин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда кармалган.

51
Белгилер:
Чыр-чатак, Сооронбай Жээнбеков, ЖМК, УКМК, жыштык
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

20
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

20