Бири бирин кучактаган кишилер. Архив

Кутула тажагансыбай, жылуу сөздү көбүрөөк айтыңыз. Белек берүү этикети

424
(жаңыланган 15:16 07.03.2020)
Sputnik Кыргызстан "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Психологдордун айтымында, адамдардын көпчүлүгү белек алгандан көрө бергенди жакшы көрөт. Чындап эле жакын адамыңдын кубанычы, ыраазычылыгы ырахат тартуулабай койбойт.

Негизи белек эки түргө бөлүнөт. Биринчиси — символикалык, экинчиси — сүйүүнүн белгиси катары берилет. Мисалы, биринчи түрүн бири-бирине достор, кесиптештер тартуулашат. Адатта мындай учурда открытка, таттуу, бир тал гүл сыяктуу нерселер колдонулат. Ал эми ата-эне менен бала, жубайлар, бир туугандар, кыз-жигит бири-биринин көңүлүн алып, сүйүүсүн билдирүү ошол жакыны үчүн баалуу нерсе издешет.

Негизи белек берүүнүн өз маданияты, жазылбаган эрежелери болот. Ал тууралуу этикет мугалими Нуржан Исмаилова айтып берди.

Белектин баасы роль ойнойбу?

Албетте бул суроого так кесе жооп табуу кыйын. Анткени адамдардын күлк-мүнөзү, баалуулуктары ар кандай болот. Мисалы, айрымдар кымбат баалуу нерселерге маани берсе, башкалар, тескерисинче, колдо бар нерселерден чогултулган болсо дагы убакыт жана кол эмгек жумшалган майда-чүйдөнү бийик көрөт.

Көңүл буруу

Кээде белектин өзү бир тең, аны берүү жол-жобосу бир тең болуп кетет. Дегеним, айрым адамдар тартуунун өзүнөн дагы аны берип жаткан адамдын көңүл буруусун, мээримин, жылуу сөзүн күтөт. Мисалы, баланын оюнда мен энеме белек берүүгө милдеттүүмүн, сөзсүз колуна баалуу бир нерсе карматышым керек деген ой болушу мүмкүн. Бирок бүгүнкүдөй кымгуут жашоодо кооздолгон кутудан көрө жылуу сөздөр маанилүү болушу ыктымал. Андыктан кимге кандай белек берген күндө дагы, аны менен чогуу жагымдуу маанай, жылуу көз караш тартуулап коюуну унутпашыбыз керек.

Аял кишиге белек

Эртеңки Аялдардын эл аралык күнүн эске алып, кыз-келиндерге белек берүү өзгөчөлүгүнө дагы токтоло кетейин. Чындап эле аялга белек тандоо өтө татаал. Эгер сиз белек берчү адамды жакшы билбесеңиз, курбу-курдаштарынан кеңеш алып алганыңыз туура. Жалпысынан айта кетсек, эч бир аялды кайдыгер калтырбаган белек — гүл. Ал эми ката кетирип албайын десеңиз, аялдын табитин жана мурда колдонуп жүргөн каражатын билбесеңиз, атыр, упа жана башка косметикалык каражаттарга жолобоңуз. Анткени көпчүлүк кыз-келиндер айрым учурда башка бирөө тандамак турсун өзү сатып алган атырдын жытын оңой менен жактыра бербейт.

Белектен баш тартса болобу

Албетте болот, буга бир нече себеп бар. Мисалы, белектин баасы өтө кымбат болсо же аны берген адам сизге анча жакын болбогон учурда баш тартса болот. Бирок ал адам дагы ыңгайсыз абалда калбаш үчүн себебин түшүндүрүп, жылуу-жумшак баш тартуу зарыл.

Ыраазычылык

Сөз аягында белек үчүн ыраазычылык тууралуу айта кетели. Негизи белек алганда, аны берген адамдын көзүнчө ачып, бул нерсе сизге керек экенин жана көптөн бери эңсеп жүргөнүңүздү айтыңыз. Мындай учурда бул калп айтуу эмес, жөн гана адамдын көңүлүн алуу катары эсептелет. Эгер гүл болсо, дароо сууга салыңыз. Белекти алып, эч нерсе болбогондой ары жылдырып коюу туура эмес экени айтпаса деле түшүнүктүү болсо керек. Эгер сизге бир эле учурда бир нече адам белек берип жатса, баасына жана маанилүүлүгүнө карабай, баарын бирдей жылмаюу жана ыраазычылык менен кабыл алган туура.

424
Белгилер:
этикет, гүл, майрам, маданият, белек
Тема:
Өзүн алып жүрүүнүн эрежеси (42)
Тема боюнча
Үйлөнөрдө эле жигиттер тескери басып кетет. Турмуштан жолу болбой жүргөн кыздын каты
Соңку 10 жылдагы эң популярдуу үч жазуучу аталды
Тапанча кармаган киши. Архивдик сүрөт

Мурда милиционерди өлтүргөн кылмышкер эки адамды атууга шектелип кармалды

13
(жаңыланган 11:56 05.12.2020)
Кармалган жаран буга чейин милиция кызматкерин өлтүргөнү үчүн соттолуп абакта 11 жыл отуруп, былтыр эркиндикке чыккан.

БИШКЕК, 5-дек. — Sputnik. Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды. Бул тууралуу Чүй облустук милициянын маалымат кызматы кабарлады.

Билдирүүгө ылайык, үстүбүздөгү жылдын 21-ноябрында милицияга чакыруу түшүп, Ново-Николаевка айылындагы кафеде 22 жаштагы жигитти белгисиз жаран атып кеткени белгилүү болгон. Ал аймактык ооруканага жаткырылган. 

В Жайыльском районе по подозрению в хулиганстве задержан член ОПГ, ранее судимый за убийство милиционера
© Фото / пресс-служба ГУВД Чуйской области
Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды.

Андан башка дагы бир 22 жаштагы жаран ошол эле кафеде ок жегенин айтып милицияга арыз жазган.

Аталган факты Жазык кодексинин 266-беренеси ("Бейбаштык") менен КЖБРге катталган.

"Чүй ОИИБдин жана Жайыл РИИБдин Криминалдык милиция кызматынын уюшкан кылмыштуулукка каршы күрөшүү бөлүмү кылмышкердин изине түшүп жакынкы имараттардагы бардык видеобайкоолорду карап, күбөлөрдү суракка алган. Натыйжада шектүү уюшкан кылмыштуу топтун активдүү мүчөсү катары ИИМдин каттоосунда турган 34 жаштагы Б.М. аттуу жаран экени аныкталды. Андан соң ал кармалып Жайыл райондук милициянын убактылуу кармоочу жайына киргизилди", — деп айтылат маалыматта.

Милициянын билдиришинче, кармалган жаран 2008-жылы Жайыл райондук милициянын кызматкери Эркин Жолдошбек уулун өлтүрүп, 11 жылга эркинен ажыратылган. Ал абактан 2019-жылы чыгып, кайра кылмышка барганы белгиленет.

Азыркы тапта тийиштүү соттук-медициналык экспертиза дайындалып, сотко чейинки өндүрүш жүрүп жатат.

13
Белгилер:
милиция, уюшкан кылмыштуу топ, кармоо, шектүү, Жайыл району
Тема боюнча
Уюшкан кылмыштуу топтун эки мүчөсүн кармаган видео жарыяланды
Качып кетип Москвадан кармалган кыргызстандыктар. Сүрөт
Ишкердин соода түйүнүн тартып алмакчы болгон. УКМК шектүүлөрдү кармады
Томографиядан бейтапты өткөргөн медиктер. Архивдик сүрөт

Коронавирус жуктуруп алгандар жана айыккандар. Соңку маалымат

19
(жаңыланган 11:38 05.12.2020)
Бүгүнкү статистикада илдетти илештирип алгандардын саны ооруканадан айыгып чыккандарга караганда аз.

БИШКЕК, 5-дек. — Sputnik. Кечээтен бери Кыргызстанда 401 адам коронавирус жуктуруп алса, дарыланып жаткан 425 адам айыгып чыкты. Бул тууралуу Республикалык штаб кабарлады.

Оору жуктургандар төмөнкү аймакта:

  • Бишкек - 99;
  • Ош - 20;
  • Чүй облусу – 133;
  • Ош облусу - 22;
  • Талас облусу - 15;
  • Нарын облусу - 2;
  • Ысык-Көл облусу – 45;
  • Жалал-Абад облусу – 39;
  • Баткен облусу - 26.

Айыккандар:

  • Бишкек – 124;
  • Ош шаары – 10;
  • Чүй облусу – 102;
  • Ош облусу – 11;
  • Талас облусу – 16;
  • Нарын облусу – 9;
  • Ысык-Көл облусу – 40;
  • Жалал-Абад облусу – 60;
  • Баткен облусу – 53.

Ушуну менен пандемия башталгандан тарта оору илештирип алгандардын саны 74 774 болду. Анын 66 538и айыгып чыкты. 

19
Белгилер:
айыгуу, жуктуруу, оорукана, бейтап, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
ЖАМК: абактагы 100дөй адам коронавирус жуктуруп алган, каза болгондору да бар