Кыргызстандын президенти Сооронбай Жээнбеков. Архив

Аялдардын турмушун жакшыртууга болушунча аракеттенебиз! Президенттин куттуктоосу

249
(жаңыланган 11:04 08.03.2020)
Президент куттуктоосунда Кыргызстанда аялдардын жашоо-турмушун жакшыртууга бардык аракеттер көрүлүп жатканын билдирди.

БИШКЕК, 8-мар. — Sputnik. Энелерди жана балдарды коргоо мамлекеттик органдардын ар дайым артыкчылыктуу милдети болуп кала берет. Бул тууралуу президент Сооронбай Жээнбековдун Аялдардын эл аралык күнү менен куттуктоосунда айтылды.

"Аялзаты ар дайым аруулугу, назиктиги, боорукердиги жана акылмандыгы менен биздин жашообузду көрккө бөлөп келет. Элибизде энеге карата урмат-сый көрсөтүү салты эзелтен сакталып жүрөт. Балдарды тарбиялоо боюнча негизги түйшүк  да асыл зат аялдарга таандык", — деп айтылат куттуктоодо.

Мындан тышкары, мамлекет башчы аялзатынын коомдук, экономикалык жана саясий турмушуна кошуп жаткан салымына токтолду.

Президент Сооронбай Жээнбеков Чыңгыз Айтматовдун үйүнө барып, жазуучунун жубайы Мария Айтматованы 8-март майрамы менен куттуктады.
© Пресс-служба президента КР / Султан Досалиев
"Азыркы кезде аялзаты коомубуздун экономикалык, саясий турмушуна, мамлекеттик жана өз алдынча башкаруу органдарынын ишине жигердүү катышып жатышат. Алар турмушубуздун бардык чөйрөлөрүндө үзүрлүү иштеп, өлкөбүздүн өнүгүшүнө чоң салым кошууда",  — деди президент.

Куттуктоосунун аягында президент аялдардын жашоо-турмушун жакшыртууга, үй-бүлөсүнүн келечеги ишенимдүү болушуна ыңгайлуу шарттарды түзүүгө бардык аракеттер көрүлүп жатканын кошумчалады.

 

 

249
Белгилер:
куттуктоо, майрам, аялдар, Сооронбай Жээнбеков
Тема боюнча
Статком: Кыргызстанда эркектерге караганда билимдүү аялдар көп
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

3
(жаңыланган 22:03 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Алмаз Акматов 2015-жылы "Бир Бол" партиясынын тизмеси менен депутат болуп шайланган.

3
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды
Уктап жаткан кыз. Архив

Дем алуу көнүгүүсүн жасап бир мүнөттө уктап калса болот. Адистин кеңеши

17
Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

БИШКЕК, 28-фев. — Sputnik. Дем алуу көнүгүүсүн жасап бир мүнөттө уктап калса болорун Аризон университетинин (АКШ) интеграциялык медицина боюнча адиси Эндрю Вайлга таянып Daily Mirror жазды.

Адис сунуштаган ыкма "4–7–8" деп аталып, терең жана бирдей ыргакта дем алуу бир эле мүнөттүн ичинде уктап калууга жардам берет. Муну Индияда йога менен машыккандар колдонуп жүрөт.

"Түндө ойгонуп кеткенде дагы ушул көнүгүүнү жасап уктап калса болот", — деген Вейл.

Мурун менен төрт секунд жай дем алып, аны жети секунд кармап, сегиз секундда демди чыгарып салуу керек. Муну уктап калгыча кайталоо зарыл. Бул дем алуу көнүгүүсү чыңалуудан арылууга да жардам берет. Адис ыкманы бир жасап таштап койбой кайталап туруу керектигин айткан.

Көнүгүү жасагандан тышкары уктаар алдында тамак, кофе ичпеш керек, ошондой эле гаджеттерди алысыраак коюу сунушталган.

17
Белгилер:
кеңеш, көнүгүү, уйку
Тема боюнча
COVID-19дан кийин мээни кантип калыбына келтирүү керек? Неврологдун кеңеши
Рактын этибар албаган беш белгиси аталды