Жолдогу автоунаалар. Архив

Айдоочуларга автоунаанын айнегин караңгылатууга уруксат берилеби? Мыйзам долбоору

372
(жаңыланган 13:23 11.03.2020)
Мындай жол менен өкмөт айнектерин караңгылатып алган айдоочулардын мыйзам бузган учурун азайтып, республикалык бюджетке киреше түшүрүүнү көздөөдө.

БИШКЕК, 11-мар. — Sputnik. Өкмөт автоунаанын алдыңкы жана капталдагы айнектерин караңгылатып жүрүүгө уруксат берүүнү сунуштап жатат. Болгону бул үчүн айдоочулар белгилүү бир сумманы төлөшү керек.

Экономика министрлигинин мындай мыйзам долбоору коомдук талкуу үчүн өкмөттүн сайтына жайгаштырылды.

Сурамжылоо

Кыргызстанда акы төлөп автонун терезесин караңгылатууга уруксат берүү керекпи?
  • Ооба, ансыз деле караңгылатып мыйзам бузгандар көп
    28.6% (22)
  • Ооба, бюджетти толтуруу керек
    10.4% (8)
  • Жок, коррупциялык схема пайда болушу мүмкүн
    15.6% (12)
  • Жок, коопсуздук үчүнкараңгылатууга жол бербеш керек
    45.4% (35)
Добуш бергендер: 77
Мындай жол менен өкмөт айнектерин караңгылатып алган айдоочулардын мыйзам бузган учурун азайтып, республикалык бюджетке киреше түшүрүүнү көздөп жатат.

Экономика министрлигинин берген статистикасына караганда, Кыргызстанда 1 миллион 343 миң 813 автоунаа катталган. Жол кыймылынын коопсуздугун камсыздоо башкармалыгы билдиргендей, былтыркы жылдын тогуз айында караңгылатылган терезелер боюнча 1903 протокол түзүлүп, 50 миллион 5 миң 300 сом айып төлөнгөн.

Эгер мыйзам колдоо таап калса, айдоочулар автолоруна каалаган караңгылатчу каражатты тагып алса болот.

Ал эми уруксат алуу процедураларын жана төлөнчү сумманы өкмөт аныктайт.

372
Белгилер:
айдоочу, мыйзам, автоунаа, Кыргызстан
Тема боюнча
Кайгуул милиция Бишкекте ичип алып рулга отурган 58 айдоочуну кармады
Медиа серепчи Өмүрбек Сатаев

Сатаев: интернетти көзөмөлдөө мыйзамы чийки бойдон сунушталууда

0
(жаңыланган 15:55 07.06.2020)
Медиа серепчи Өмүрбек Сатаев депутаттар тарабынан фейк маалыматтар менен күрөшүү боюнча сунушталып жаткан мыйзам долбоорунда эл өкүлдөрү өз кызыкчылыктарын көздөп жатканын айтты.
Сатаев: интернетти көзөмөлдөө мыйзамы чийки бойдон сунушталууда

Фейк маалыматтарды көзөмөлдөгөн мыйзам керек. Бирок азыр депутаттар сунуштап жаткан мыйзам долбоору чийки. Мындай пикирин Өмүрбек Сатаев Sputnik Кыргызстан радиосунун эфиринде маек куруп жатып билдирди.

Анын айтымында, эл өкүлдөрү шайлоонун алдында сын-пикирлерден коркуп, аталган мыйзамды киргизүүнү көздөөдө.

"Фейк маалыматтар менен күрөшүү керек. Бирок бул багытта сунушталып жаткан азыркы мыйзам долбоору чийки, механизмдери так көрсөтүлгөн эмес. Мыйзам долбоорунун максаты элди жалган маалыматтардан коргоо деп жатышат. Менимче, элди эмес, депутаттар шайлоо алдында өздөрүнүн маалыматтык коопсуздугунан чочулап эле ушундай кадамга барышууда. Эгер чынында эл үчүн иштей турган мыйзам болсо, журналисттер, блогерлер каршы чыкпайт болчу. Бул мыйзам долбоорун кезектеги шайлоо алдындагы оюн катары сыпаттайм", — деди Сатаев.

Серепчи интернеттеги фейк маалыматтар менен күрөшүү үчүн жаңы мыйзам кабыл албай эле буга чейинки бар эрежелердин алкагында иш алып барса болорун кошумчалады.

Белгилей кетсек, Жогорку Кеңештин депутаттары Айнура Осмонова жана Гүлшат Асылбаева "Маалыматты манипуляциялоо жөнүндө" деп аталган мыйзам долбоорун сунуштап жатышат. Анда интернет колдонуучулардын, сайт ээлеринин жана интернет провайдерлеринин укук, миллдеттери жазылган.

0
Белгилер:
сөз эркиндиги, маалымат, мыйзам, Өмүрбек Сатаев
Тема боюнча
Сатаев: аудиторияны сактап калуу үчүн телеканалдар жаңы форматка өтүшү керек
Мужчина достает папку Дело № из полки

Күзөтчүнүн будкасын талкалай сүзүп... Айдоочу камакка алынып, иш козголду

10
(жаңыланган 15:32 07.06.2020)
Жолтандабастын айдоочусу убактылуу кармоочу жайга киргизилип, тергөө амалдары жүрүп жатканы айтылды. Анын ишин Биринчи Май райондук ИИБ карамай болду.

БИШКЕК, 7-июн. — Sputnik. Бишкекте күзөтчү отурган жайды жолтандабасы менен талкалай сүзгөн 30 жаштагы айдоочуга карата кылмыш иши козголду. Бул тууралуу Биринчи Май райондук Ички иштер башкармалыгынын маалымат кызматы билдирди.

Эске салсак, кечээ, 6-июнда, Бишкекте жаалданган айдоочу күзөтчү отурган жайды жолтандабасы менен сүзүп талкалап, андан кийин ага кол көтөргөн. Көп өтпөй соцтармакта ошол эле айдоочу ЖКККББ кызматкерлеринен качып бараткан кинодогудай видео тараган.

Күзөтчүнүн будкасын талкалап, инспекторлордон качкан айдоочу 30 жаштагы киши экени белгилүү болгон. Анын мас экени аныкталып, автоунаасын текшерүү учурунда эки огу менен газ тапанча жана бычак табылганы айтылды. Автоунаа айып короого токтотулуп, Кемин райондук жана Бишкектин Биринчи май районундагы Ички иштер башкармалыгында сотко чейинки өндүрүш иштери башталган болчу.

Маалыматка ылайык, аталган факт Биринчи Май райондук ИИБдин Кылмыш жана жоруктардын бирдиктүү реестрине 266-берене ("Бейбаштык") менен каттоого алынып, кылмыш иши козголду. Чүй ОИИББ керектүү материалдын бардыгы Бишкекке өткөрүп бериле турганын билдирди.

Жолтандабастын айдоочусу Бишкек ШИИББдин убактылуу кармоочу жайына киргизилип, учурда тергөө амалдары жүрүп жатат.

10
Белгилер:
камак, кылмыш иши, жолтандабас, айдоочу, ИИББ, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкектин чок ортосунда автоунаа сүзүп мүрт кеткен аял. Кырсыктын видеосу
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: жашыл экономиканын өнүгүшү үчүн туруктуулук зарыл

0
(жаңыланган 16:01 07.06.2020)
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова өлкөдө жашыл экономиканы өнүктүрүү үчүн эмнелер керектигин айтып берди.
Абдырасулова: жашыл экономиканын өнүгүшү үчүн туруктуулук зарыл

Өлкөдө жашыл экономиканы өнүктүрүүгө бардык мүмкүнчүлүктөр бар. Ал үчүн эң башкысы, өлкөдө саясий жана экономикалык туруктуулук болушу керек. Мындай пикирин Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Кыргызстандын экономикасы чакан болгондуктан инновациялык технологияларды колдонууга мүмкүнчүлүк бар.

"Өлкөдө жашыл экономиканын өнүгүшү үчүн бардык жагынан туруктуулук болуусу шарт. Антпесе инвесторлордун келиши оор болуп калат. Ошондой эле бул багыттагы тийиштүү мыйзамдар даярдалуусу керек. Анткени буга чейин жер бөлүп берүү, жергиликтүү бийликтин калк менен иш алып баруусу боюнча ар кандай маселелер жаралып келген. Мындан тышкары, маалыматтык камсыздоону сапаттуу жүргүзүү керек. Карапайым калкка кайсы бир долбоор өлкөгө жана элге кандай пайда алып келе турганы жакшы түшүндүрүлүүсү зарыл", — деди Абдырасулова.

Ошондой эле ал өлкөдө тарифтик саясат туура жолго коюлушу керектигин кошумчалады.

0
Белгилер:
Нурзат Абдырасулова, Кыргызстан, инвестор, жашыл экономика
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү
Абдырасулова: күндүн, суунун же шамалдын кубатынан энергия алуу керек