Кыргыз Республикасынын Вице-премьер-министри Алтынай Омурбекова

Өмүрбекова коронавируска байланыштуу маалымат жыйындын болбой калган себебин айтты

455
(жаңыланган 13:07 12.03.2020)
Бүгүн 14:00дө Коронавирусту алдын алуу боюнча республикалык штабдын жыйыны болору айтылды. Акыркы маалыматтар боюнча, өлкөдө коронавируска кабылгандар жок.

БИШКЕК, 12-мар. — Sputnik. "Дүйнөгө коронавирус пандемиясы жарыяланды. Кыргызстандын мамлекеттик органдары кандай чара көрөт?" темасындагы маалымат жыйындын болбой калышынан себеп издөөнүн кажети жок. Бул тууралуу Sputnik Кыргызстан агенттигине вице-премьер-министр Алтынай Өмүрбекова билдирди.

Белгилей кетсек, 11-март күнү кечке маал Дүйнөлүк саламаттык сактоо уюму дүйнө жүзү боюнча коронавирус пандемиясын жарыялаган. Буга байланыштуу саат 12.00дө Бишкекте маалымат жыйыны өткөрүлмөк.

Анда Саламаттык сактоо, Экономика министрликтеринин жана Дүйнөлүк саламаттык сактоо уюмунун өкүлдөрү коронавируска байланыштуу Кыргызстандагы кырдаал тууралуу айтып беришмек.

Өмүрбекова бүгүн, 12-мартта, саат 14:00дө Коронавирусту алдын алуу боюнча республикалык штабдын жыйыны болорун айтты.

"Маалымат жыйындын болбой калуусунан себеп издөөнүн кажети жок. Штабдын жыйыны болуп, ал жакта кененирээк маалыматтар айтылат. Дүрбөлөңгө түшпөй, айтылган нерселерди аткаруу керек. Өлкөдө коронавируска кабылгандар жок. Эгер мындай учур чыгып калса, элге жакса да, жакпаса да жарыялайбыз. Бул биздин милдет", — деди Өмүрбекова.

Кытайдан тараган бул COVID-19 вирусунан дүйнө боюнча ооругандардын жалпы саны 126 миңден ашты. Анын ичинен 4630 киши көз жумду. 68 миңден ашыгы айыкты.

455
Белгилер:
маалымат жыйын, коронавирус, Алтынай Өмүрбекова, Кыргызстан
Тема:
Коронавируска байланыштуу Кыргызстандагы кырдаал (2419)
Тема боюнча
Министрликтин коронавирус боюнча маалымат жыйыны болбой калды
Коронавирус: Италияда соода-сатык токтоду
Киши костюмчан. Архив

Кыргызстанда элге бекер юридикалык жардам көрсөтүү башталды

10
(жаңыланган 09:50 30.11.2020)
Иш-чаранын негизги максаты — калктын аяр катмарынын укугунун корголушун жогорулатуу жана элге юридикалык жардам көрсөтүү менен бул жааттагы сабатын арттыруу.

БИШКЕК, 30-ноя. — Sputnik. Кыргызстан боюнча элге акысыз укуктук кеңеш берүү декадасы өткөрүлөт. Бул тууралуу Юстиция министрлигинин маалымат кызматы кабарлады.

Иш-чара бүгүн, 30-ноябрда, башталып, 5-декабрга чейин уланмакчы.

"Декаданын негизги максаты — калктын аяр катмарынын укугун корголушун күчөтүү жана элге юридикалык жардам көрсөтүү менен бул жааттагы сабатын арттыруу. Ошондой эле сот адилеттигине жетүүнү камсыздоо, жарандардын мыйзамдуу укуктарын, кызыкчылыктарын жана эркиндигин ишке ашырууга көмөктөшүү", — деп айтылат маалыматта.

Мындан сырткары, декада 10-декабрда белгилене турчу Адам укугунун күнүнө арналат. 1948-жылы дал ушул күнү БУУнун Генералдык ассамблеясы Адам укуктарынын жалпыга бирдей декларациясын кабыл алган.

Декада Юстиция министрлиги менен Мамлекет кепилдеген юридикалык жардамды координациялоо боюнча борбор тарабынан уюштурулуп, ага бир катар эл аралык уюмдар көмөктөшүп жатат.

Декаданын программасы жана акысыз укуктук-консультациялык жардам көрсөтүүчү борборлор жана аймактык юстиция башкармалыктарынын даректери менен төмөнкү жактардан таанышууга болот:

  • Юстиция министрлигинин сайтынан жана  Facebook баракчасынан;
  • Мамлекет кепилдеген юридикалык жардамды координациялоо борборунун сайтынан жана Facebook баракчасынан;
  • Иш-чара тууралуу суроолор жаралса (0312) 62-62-10 (кошумчалоо, 201, 200, 198, 209, 202, 206), 0770 45 91 17, 0553 04 04 86 (Каракол шаары), 0555 22 58 32 (Ош шаары), 0555 82 00 номерлерине чалууга болот.
10
Белгилер:
декада, кеңеш, укук, Юстиция министрлиги, Кыргызстан
Тема боюнча
Оор эмес кылмыш жасаган кыргызстандыктар кандай түзөтүлөт. Видео
Аял калькулятор менен сом купюраларды санап жатат. Иллюстративдик сүрөт

Суммасы канча? Кыргызстанда былтыр 624,5 миң адам кредит алды

11
2019-жылы кредит алгандардын 56,7 пайызы (354,2 миң) аялдар экени белгиленет. Калган 43,3 пайызын (270,3 миң) эркектер түзөт.

БИШКЕК, 30-ноя. – Sputnik. Былтыр бир жылдын аралыгында өлкөнүн 624,5 миң жараны кредит алган. Бул туурасында Улуттук статистика комитетинин "Кыргыз Республикасынын аялдары жана эркектери 2015-2019" жыйнагында жазылган.

Ага ылайык, өткөн жылы микрокредиттик уюмдар тарабынан 30 миллиард 188,2 миллион сом кредит берилген. 2018-жылга салыштырмалуу насыялардын көлөмү 30,6 пайызга, алгандардын саны 29,6 пайызга же 142,6 миң адамга көбөйгөн.

Ошону менен катар 2019-жылы кредит алгандардын 56,7 пайызы (354,2 миң) аялдар экени белгиленет. Калган 43,3 пайызын (270,3 миң) эркектер түзөт.

Ал эми кайсы багыттарга жумшалганына токтолсок, биринчи орунда 31,2 пайыз менен айыл чарбадагы ишмердикти өнүктүрүү турат. Экинчи орунга керектөөчүлүк (28,3 пайыз), үчүнчүгө соода жана коомдук тамак-аш чөйрөсү (12,4 пайыз) чыкты. Курулуш жаатында колдонгондор төртүнчү орунду (10,4 пайыз) ээлейт.

11
Белгилер:
кредит, статистика, эркек, аял
Тема боюнча
Депутат: өкмөт алынган карызды иштетпей коюп 100 млн. сом айыпка жыгылды
ӨКМ кызматкери Бишкектеги өрттү өчүрүүдө. Архив

Бишкектин Горький көчөсүндө үй өрттөнүп жатат

0
(жаңыланган 09:56 30.11.2020)
Тилсиз жоонун эмнеден  келип чыкканы азырынча белгисиз. Алгач,  ал жерге өрт өчүрүүчү бир бригада, андан соң экинчи жөнөп кетти.

БИШКЕК, 30-ноя. — Sputnik. Бишкек шаарындагы Горький көчөсүндө жайгашкан үй өрртөнүп жаткандыгы туурасында ӨКМден билдиришти.

Тилсиз жоо тууралуу кабардан соң, саат 08:32де өрт өчүрүүчү бир бригада, андан соң 09:08де экинчиси жөнөп кетти.

Өрттүн эмнеден келип чыкканы белгисиз. ӨКМ ал тууралуу бир аздан кийин кабарлай тургандыгын айтты.

0
Белгилер:
ӨКМ, өрт, Бишкек
Тема боюнча
Бишкектин чок ортосунда автоунаа өрттөнүп кетти. Видео