ОШ, 13-мар. – Sputnik. Кара-Суу районунун Тельман айылында айдоочу аял кырсыктап көз жумду. Бул тууралуу облустук жол кыймылы коопсуздугун камсыздоо бөлүмүнүн маалымат кызматы билдирди.
Окуя бүгүн, 13-мартта, таңкы саат 04:00дөр чамасында болгон.
Ош — Кара-Суу унаа жолунун 19-чакырымында Кара-Суу айылынын 36 жаштагы жашоочусу Mersedes Benz үлгүсүндөгү унаасы менен бара жатып, жол четиндеги бетон тосмолорду сүзүп кеткен.
"Кырсыктын кесепетинен айдоочу аял мүрт кеткен", — дешти милициядан.
Унаада 18 жаштагы жүргүнчү болгон, ал райондук ооруканага жаткырылды.
