Кыздын колундагы бриллиант шакектер

Жарашсамбы же башка күйөөгө чыксамбы. Турмуштан жолу болбогон келиндин каты...

2280
(жаңыланган 12:23 14.03.2020)
"Психолог менен баарлашуу" рубрикасынын бул жолку чыгарылышында күйөөдөн бак айтпаган келиндин каты жарыяланды.

Саламатсызбы? Жашым 31де. Турмушка жыйырма эки жашымда эле чыккам. Бирок биринчи күйөөм менен бир жарым жылдай эле жашадым. Кыздуу болгондон кийин анын ашыкча кызганчаактыгынан ажырашууга туура келди.

Бирок "аялдын чырагы кырк" дейт эмеспи, бир жарым жылдан кийин кайра мурда үйлөнбөгөн классташыма турмушка чыктым. Ал мени мектепте окуп жүргөндө эле жактырчу экен. Ажырашкандан кийин артыман калбай жүрүп, акыры үйлөндү. Мен да аны жактырып кеттим. Билимдүү, оор басырыктуу, иштемчил бала эле. Турмуш жолубуз жакшы эле башталды. Эки уулдуу болдук, андан кийин жолдошумдун жумушу жакшы жүрүшүп, үй, машина алдык. Анткени менен кайын журтум экөөбүздүн никебизге башынан эле караманча каршы болчу. Кайненем биринчи күйөөмөн ээрчитип келген кызымды батырбай, аны агам менен жеңем багып алды. Айла жок берүүгө туура келди.

Бул аз келгенсип кичүү балам төрөлгөндөн ооруп, ооруканалап көп жүрдүк. Жолдошум да ипотеканы төлөй албай, аябай кыйналдык. Ушулардын айынан үйдө уруш көп чыкчу болду. Башынан никебизге каршы чыккан кайындарым отко май тамызып жатып акыры ажыраштырып тынды. Экинчи күйөөдөн да бак айткан жок. Эки баламды алып ата-энемдикинде жашап жүрдүм. Балдарды багайын деп уулдарымды апама каратып коюп иштеп баштагам. Бирок экинчи балам жакшы болбой, ооруп жатып эле чарчап калды...

Бул мен үчүн эң оор күн, эң оор учур эле. Күйөөм болсо келип кайра мени күнөөлөп, жакшы карабай койдуң деп өлгөндүн үстүнө көмгөн кылды.

 Ажырашып жүргөндө ал башка, колунда бар аял менен жүрүп кеткенин уккам. Укмак тургай экөө ачыкка эле чыгып алышкан. Ал үчүн да канча нервим кетти. Айтып отурсам экөөбүздүн ортобузда көп нерсе болду…

Андан бери эки жыл өттү. Баламдын күйүтү кете элек, кетпейт экен. Өзүмдү алаксытып иштеп жүрөм. Улуу баламды ойлоп, ошол үчүн жашайм.

Жакында эле балдарымдын атасы кечирим сурап келиптир. Үйдүн кредитин төлөп, үйгө оокат алып келип "жарашалы" деп жүрөт. "Баары жакшы болот" дейт. Балам да "аталап" аны жакшы көрөт, жашагысы келет. Мен болсо коркуп калыптырмын. Көңүлүм да сууган, бирок балама карап жашай берсемби деп да ойлоп кетем. Күйөөнүн санын көбөйтпөй, тобокелге барсамбы? Балким, дагы балалуу болсом, чарчап калган уулумдун күйүтү сууйт беле?

"Мага турмушка чык" деп колумду сурагандар бар. Бирок турмушка чыгып, жаңы жашоо баштоодон коркуп калдым.

Жашоомду жаңы барактан баштасамбы? Же күйөөмдү кечирсемби? Эч кимге башымды байлабай жалгыз эле өтсөмбү? Уулум ата тарбиясын көрүп чоңойсо деп да ойлодум эле. Башым катты...

Гүлнара Жасоолова, психолог:

— Бул келиндин айтуусу боюнча эмне кылышты чече албай жатат. Биринчи турмушундагы кызын агасы менен жеңесине бериптир. Ооба, туура, бул турмуш-шартка байланыштуу ушундай болуп калганы түшүнүктүү. Байкеси кызды жакшы багышы мүмкүн. Маселе анда эмес, болгону бала биологиялык энесинин мээримине муктаж. Ошону бала талап кылат.

Ал эми экинчи турмуштан да жолу болбоптур. Бул жерде жолдошуңуз экөөңөр бири-бириңерди түшүнүп, сыйлашып жашайбыз дегенден кийин кайындардын тоскоолдуктарын, сөздөрүн экинчи планга чыгарып койсоңор болмок.

Алгач өзүңөрдүн сүйүүңөрдү, бири-бириңерге болгон ишенимди бекемдеп алышыңыздар керек болчу. Ортоңордо сүйүү, түшүнүү, колдоо болсо башка адамдар эч нерсе кыла алмак эмес.

Ал эми кредит, үй такыр эле кийинки маселе.  Аны ажырашууга себеп катары карап, шылтоо кылбаш керек. Ортодо биримдик болбосо балдар эле жабыркайт. Балаңыздын атасына баргысы келгени түшүнүктүү. Сөзсүз түрдө ар бир бала ата-энеси менен бирге болгусу келет.

Азыр сизге үчүнчү турмушту ойлогонго эрте. Кыска ой жүгүртпөш керек. Балким, күйөөңүздүн башка аял менен жүрүп алганы үчүн өч алам деп ойлоп жаткандырсыз. Ал туура эмес. Үй-бүлөнү сактап калуу аялдын колунда. Эгер күйөөңүз үйгө оокат алганын, кредитти төлөп жатканын айтып келип жатса, чечимди өзүңүз чыгарышыңыз керек. Жарашыңыз деп кыйнай албайм, бирок баланы да ойлошуңуз керек.

Катуурак айтсам кечирип коюңуз, үчүнчү турмуш курсаңыз, балаңызды кайненеңиз, бул жолдошуңуз да жактырбай коюшу мүмкүн. Анан аны да бирөөгө берип саласызбы? Бул жагын да ойлошуңуз зарыл.

“Жашоомду жаңы барактан баштасамбы” — деген туура эмес. Адам баарын унутуп, өчүрүп коюуга болбойт. Сиз унутканыңыз менен балаңызчы... Ушул жагын да эске алуу керек.

Адам кайра жаралбайт, кайра жашоо баштасаңыз деле сиз ойлогондой болбой калат. Анан турмуштан корко берсеңиз, жашоодо жалаң утулгандын үстүндө болосуз. Эгер дагы эле чече албай, кыйналып жатсаңыз жеке психологго кайрылып, кеңеш алыңыз. Ошентсе да, ар бир кеңештен кийин терең ойлонуп, чечимди өзүңүз кабыл алганыңыз оң!

2280
Белгилер:
кайын, ажырашуу, кеңеш, жарашуу, оору, турмуш, күйөө бала, келин, кат, психолог
Тема:
Психолог менен баарлашуу (117)
Тема боюнча
Психолог: баланын жүрүм-туруму ага жасалган мамиледен көз каранды
Кардарыма көчөдө тааныбаган кишидей мамиле кылам. Психолог Сыдыкова менен маек
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

160
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

160
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Жамгырдуу аба ырайы. Архивдик сүрөт

Бейшембиге карата аба ырайы

72
(жаңыланган 21:01 12.08.2020)
13-августта түнкүсүн республиканын тоолуу райондорунда өткүн өтүп, күн күркүрөшү күтүлөт.

БИШКЕК, 12-авг. — Sputnik. Бейшемби күнү күндүз өлкөнүн көпчүлүк аймактарында өткүн өтүп, күн күркүрөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүйдө +25...+30, Талас аймагында +22...+27, Ош, Жалал-Абад, Баткен облустарында +29...+34, Ысык-Көлдө +20...+25 жана Нарын жергесинде +19...+24 градус болору айтылды.

Борбор калаада өткүн өтүп, күн күркүрөйт, Ошто күн ачык болот. Күндүн табы Бишкекте +27...+29, Ош калаасында +32...+34 градуска чейин жетсе, Чолпон-Атада термометрдин көрсөткүчү +21...+23 градуска көтөрүлөт.

72
Белгилер:
Кыргызстан, аба ырайы
Тема боюнча
Күндүн көзү ачылбайт... Бир жумага карата аба ырайы
Бут кийим өндүрүүчү тармак. Архивдик сүрөт

Кыргыз экономикасынын артка кеткен тармактары. Тизме

0
(жаңыланган 08:31 13.08.2020)
Экономиканын көптөгөн ири тармактары артка кетти. Ошондой эле Кыргызстандын ЕАЭБге мүчө мамлекеттер менен өз ара соодасынын көлөмү азайды.

БИШКЕК, 13-авг. — Sputnik. 2020-жылдын январь-июль айында ички дүң өндүрүмдүүлүк, алдын ала маалымат боюнча, 282 миллиард сомду түзүп, 2019-жылдын ушул учуруна караганда 6,1 пайызга төмөндөдү. Бул тууралуу Улуттук статистика комитети июль айындагы көрсөткүчтөргө таянып жазды.

Негизинен күйүүчү май өндүрүү (59 пайызга), кездеме, кийим-кече, бут кийим, булгары жана андан жасалган буюмдарды өндүрүү (20 пайызга), жыгач жана кагаз өндүрүү полиграфия (18,5 пайызга), резина, пластмасса жана темир эмес буюмдарды жасоо (16,5 пайызга), тамак-аш жана тамеки өндүрүү (5,3 пайызга) тармактары артка кетти.

Адистер дүйнөдө тез кымбаттап бара жаткан товарларды атады

Ошондой эле баалуу металл казуунун көлөмү 4,2 пайызга кыскарганы айтылды.

Мындан тышкары, 2020-жылдын январь-июнь айларында Кыргызстандын ЕАЭБге мүчө-мамлекеттери менен өз ара соодасынын көлөмү дагы азайды. Тагыраагы, 1 миллиард 54 миллион 800 миң сомду түзүп, былтыркы жылдын ушул маалына салыштырмалуу 17,3 пайызга төмөндөдү.

Оң тенденциялар айыл чарбасында гана байкалды, анда өндүрүүнүн көлөмү 1,8 пайызга өстү.

Эске салсак, пандемия башталган учурда Кыргызстандын бир катар аймактарына өзгөчө абал киргизилип, көптөгөн ишканалар ишмердүүлүгүн убактылуу токтоткон.

0
Белгилер:
статистика, Кыргызстан, экономика
Тема боюнча
Мукашев: КРде өндүрүлгөн эт сапаты жагынан кошуналардан кыйла артта калган