Коронавируска тест жасоо

Канададан келип дене табы көтөрүлгөн кыргызстандыктын анализи чыкты

7377
(жаңыланган 23:25 14.03.2020)
Борбор калаанын тургуну 6-март күнү Канада – Стамбул – Бишкек каттамы менен келген. Бүгүн соцтармакка аны медиктер алып кетип жаткан сүрөт тараган.

БИШКЕК, 14-мар. — Sputnik. Дене табы көтөрүлүп ооруканага жаткырылган кыргызстандык жарандан коронавирус табылган жок. Бул тууралуу Саламаттык сактоо министрлигинен кабарлашты.

Премьер-министр Мухаммедкалый Абылгазиев Казакстандык кесиптеши Аскар Мамин менен жолугушуу учурунда. Архив
© Фото / пресс-служба правительства / Алишер Алиев
Кечээ күнү атайын кийимчен медиктердин бригадасы жаранды Бишкектеги Көк-Жар кичи районундагы үйүнөн алып кетишкен. Анын мурдунан мазок алынып лабораторияга жөнөтүлгөн. Анын жыйынтыгы жаранга коронавирус жукпаганын көрсөттү.

Бишкек шаарынын тургуну буга чейин Канадада өткөн эл аралык конференцияга катышкан. Мекенине келгенден кийин иш-чаранын уюштуруучулары Торонто штатындагы конференциянын катышуучуларынын биринен коронавирус аныкталганын айтышкан.

Учурда жаран шаардагы бейтапканалардын биринде жатат, абалы канааттандырарлык.

7377
Белгилер:
конференция, коронавирус, Канада, Бишкек
Тема:
Коронавируска байланыштуу Кыргызстандагы кырдаал (1491)
Тема боюнча
Коронавируска байланыштуу эл каттоо жылдырылабы? Расмий жооп
Атайын кийимчен медиктер Бишкектин тургунун алып кетишкен. Окуянын чоо-жайы
Өткөрүү бекетинде медициналык кызматкер. Архив

Жээнбеков: коронавирус инфекциясы аймактардагы көйгөйлөрдү ачыкка чыгарды

14
(жаңыланган 14:02 04.06.2020)
Жээнбеков бүгүнкү онлайн-жыйында аймактарды санариптештирүү боюнча талаптар эми бир топ күчөтүлөрүн билдирди.

БИШКЕК, 4-июн. — Sputnik. Коронавирус инфекциясынан кийинки өзгөчө кырдаал аймактардагы топтолгон бир топ кемчилик, көйгөйлөрдү ачыкка чыгаргандыктан, облустарды санариптештирүү мамлекеттик саясаттын артыкчылыктуу багыты бойдон калат. Бул туурасында президент Сооронбай Жээнбеков өлкө аймактарынын жетекчилери, Бишкек жана Ош шаарларынын мэрлери менен санарип баарлашуу учурунда айтканын анын маалымат кызматы кабарлады.

Президент аймактарды башкаруу, жергиликтүү бизнести колдоо үчүн жаңы мүмкүнчүлүктөрдү натыйжалуу пайдаланып, региондордун атаандаштык артыкчылыктарын болушунча жогорулатуу керектигин баса белгилеген.

"Аймактарды санариптештирүү боюнча талаптар күчөтүлөт", — деген Жээнбеков.

Бул жыйында облус жана райондордун жетекчилеринин ишин баалоонун башкы критерийи эмнелер болорун да айткан.

"Негизги максатыбыз — жаңы санарип мамилелерди колдонуу менен региондорду комплекстүү жана ырааттуу өнүктүрүү. Бюрократияны кыскартып, жер-жерлерде калкка кызмат көрсөтүүнүн сапатын жогорулатуу, муниципалдык кызматтагы жол-жоболорду автоматташтыруу менен жарандарыбыздын жашоо-турмушун жеңилдетүү — негизги милдеттерибиздин бири. Региондорго санарип технологияларды киргизүү жана колдонуу чөйрөсүн кеңейтүү облус жана райондордун жетекчилеринин ишин баалоонун башкы критерийлеринин бири болуп калат", — деген президент.

Онлайн-жыйында өлкөнү санариптештирүү, аймактарды өнүктүрүү жана коронавирус инфекциясы менен күрөшүү боюнча чаралар талкууланды.

14
Белгилер:
жетекчи, талап, аймактар, коронавирус, Сооронбай Жээнбеков, Кыргызстан
Тема:
Коронавируска байланыштуу Кыргызстандагы кырдаал (1491)
Тема боюнча
Жээнбеков жардамчысын Кадр кызматынын жетекчи орун басары кылып дайындады
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

41
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

41
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал (1491)
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү