Камактагы аял. Архив

Кочкор: дезинфекция кылгандардан шек санап, фейк маалымат тараткан аял сурак берди

223
ИИМ жарандарды жалган маалымат таратпоого чакырат. Ошондой эле фейк кабарлар болсо 102 номерине байланышууну өтүнөт.

БИШКЕК, 16-мар. — Sputnik. Кочкор районунда эки киши коронавирус менен ооруп жатат деп мессенджер аркылуу жалган кабар тараткан адам аныкталды. Бул туурасында ИИМдин маалымат кызматынан билдиришти.

Ага ылайык, фейк кабарлар 13-марттан тарта WhatsApp мессенджери аркылуу тарап, аталган факт Кочкор райондук ИИБде каттоого алынган.

Натыйжада кафенин биринде иштеген аял дезинфекция жүргүзүп жаткан Санэпидемстанциянын кызматкерлерин көрүп, аларды телефонго тартып, "Кочкордо эки киши коронавируска чалдыкты" деген калп маалыматтарды таратып жибергени белгилүү болгон. С.М. аттуу жаран кылыгы үчүн кечирим сураган.

ИИМ акыркы күндөрү коронавируска байланыштуу жалган маалымат тараткан бир нече фактылар катталганын эскертти.

Милиция марттын башында Таластын Бакай-Ата жана Манас райондоруна келген чет элдик жарандардан коронавирус аныкталды деп тарап жаткан билдирүүнү четке каккан.

Ошондой эле кечээ, 15-мартта, Чүйдүн Ивановка айылына коронавирус менен ооругандарды алып келип жатышат деген жалган маалыматты тараткан 27 жаштагы стоматолог сурак бергени маалым болгон.

Мындан тышкары, Чүйдүн Новопокровка айылында ак халатчандар коронавируска байланыштуу үйлөрдү кыдырып жүрөт деген фейк кабарды жарыялаган 40 жаштагы аялды аныкташкан.

Аталган фактылар 344-берене ("Кылмыш жасалгандыгы жөнүндө билип туруп жалган билдирүү жасоо") менен Кылмыш жана жоруктардын бирдиктүү реестрине каттоого алынган.

ИИМ жарандарды жалган маалымат таратпоого чакырат. Ошондой эле фейк кабарлар болсо 102 номерине байланышууну өтүнөт.

223
Белгилер:
сурак, милиция, коронавирус, жалган маалымат, Талас, Кочкор, Чүй облусу, Кыргызстан
Тема:
Коронавируска байланыштуу Кыргызстандагы кырдаал (1488)
Тема боюнча
Өкмөт Таласта коронавирус жуктургандар аныкталды деген билдирүүнү төгүндөдү
Чүй: коронавирус боюнча жалган маалымат тараткан аял тиш доктур болуп чыкты
Өрт өчүрүү жана алдын алуу башкармалыгынын башчысынын орун басары майор Азиз Бейшекеев

Бейшекеев: өлкөдө жыл башынан бери 828 өрт кырсыгы катталды

0
(жаңыланган 13:07 04.06.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев үстүбүздөгү жылдын беш айында катталган өрт кырсыктарынын саны былтыркыга салыштырмалуу 30,6 пайызга азайганын айтты.
Бейшекеев: өлкөдө жыл башынан бери 828 өрт кырсыгы катталды

Өлкө ичинде жыл башынан бери 828 өрт кырсыгы катталды. Бул тууралуу Азиз Бейшекеев Sputnik Кыргызстан радиосуна маек куруп жатып билдирди.

Анын айтымында, былтыр 2019-жылдын январь айынан май айына чейин республика боюнча 1193 өрт кырсыгы болгон.

"Быйыл өрт кырсыктарынын басымдуу бөлүгү Ош жана Чүй облустары менен Бишкек шаарында катталды. Башкы себептери — электр шаймандарынын бузулушу, аны туура эмес колдонуу, от жакчу мештерди туура эмес эксплуатациялоо жана отко этиятсыз мамиле кылуу. Бирок былтыркыга салыштырмалуу 30,6 пайызга кыскарды. Тактап айтканда, быйыл жыл башынан бери 828 учур болсо, былтыр беш ай аралыгында 1193 өрт кырсыгы катталган. Мындай статистика өрт өчүрүүчүлөр үчүн көңүл кубантарлык көрүнүш жана чоң жетишкендик. Эми азыркы тапта жай келип, күн да катуу ысый баштады. Бул мезгилде ачык аянттарда өрт чыгуу тобокелчилиги жогору болот. Мындан улам бардык жарандарды ачык аянттардагы чөптөрдү байма-бай сугарууга жана өрт коопсуздугун сактоого чакырам. Ошондой эле ар бир үйдө өрт өчүрүүчү зарыл каражаттар — суу менен кумдун топтому жана жазы кездеме болушу талапка ылайык", — деди Бейшекеев.

Ал ошондой эле бардык коомдук жайларда өрт коопсуздугу боюнча түшүндүрүү иштери жүрүп жатканын кошумчалады.

0
Белгилер:
статистика, кырсык, өрт, ӨКМ
Тема боюнча
Бейшекеев: эреже боюнча газ баллон имараттын сыртында болушу керек
Кыргызстандын Куралдуу күчтөрүнүн Улуттук гвардиясынын параддык эсеби 24-июнда Москвада өтө турган Улуу Жеңиштин 75 жылдыгына арналган парадга даярданып жатат

Улуттук гвардиянын жоокерлери Москвада өтчү парадга даярданууда. Сүрөт

29
(жаңыланган 13:00 04.06.2020)
Москвада 9-майда өтө турган парад коронавируска байланыштуу жылдырылып, 24-июнда өтмөй болгон. КР жоокерлери ал жакка баруу алдында коронавируска ПЦР-анализ тапшырышат.

БИШКЕК, 4-июн. — Sputnik. Кыргызстандын Куралдуу күчтөрүнүн Улуттук гвардиясынын параддык эсеби 24-июнда Москвада өтө турган Улуу Жеңиштин 75 жылдыгына арналган парадга даярданып жатат. Бул тууралуу Генералдык штаб билдирди.

  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Биринчи чакыруу 9-майга чукул жиберилген
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Москадагы парад коронавируска байланыштуу жылдырылып, 24-июнда өтмөй болгон
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Аскер кызматчылары Москва шаарына баруунун алдында коронавируска ПЦР-анализ тапшырышат
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Гвардиячылар Россиянын борборуна баргандан кийин парадга катышууга чакырылган башка өлкөлөрдүн өкүлдөрү менен бирге жалпы параддын курамында машыгуусун улантат
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировок к параду в честь 75-летия Победы в Великой Отечественной войне в Москве
    Улуттук гвардиянын аскерлери Кызыл Аянттагы юбилейлик парадга ушуну менен экинчи жолу катыша турганы айтылды
    © Фото / Пресс-служба Генштаба КР
1 / 6
© Фото / Пресс-служба Генштаба КР
Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген
"Гвардиячылар карантин учурунда дагы машыгууларды токтоткон жок. Жоопкерчиликти талап калган маанилүү иш-чарага күжүрмөн жана саптык даярдыгы мыктылар тандалып алынган. Санитардык талаптарды сактоо менен параддык жүрүштүн элементтерин иштеп чыгышты", — деп айтылат маалыматта.

Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген. Биринчи чакыруу 9-майга чукул жиберилген. Москадагы парад коронавируска байланыштуу жылдырылып, 24-июнда өтмөй болгон.

Аскер кызматчылары Москва шаарына баруунун алдында коронавируска ПЦР-анализ тапшырышат. Гвардиячылар Россиянын борборуна баргандан кийин парадга катышууга чакырылган башка өлкөлөрдүн өкүлдөрү менен бирге жалпы параддын курамында машыгуусун улантат.

Улуттук гвардиянын аскерлери Кызыл Аянттагы юбилейлик парадга ушуну менен экинчи жолу катыша турганы айтылды.

29
Тема:
Улуу Ата Мекендик согуштагы Жеңиштин 75 жылдыгы
Тема боюнча
Жээнбеков Москвада өтө турган Жеңиш парадына катышат