Депутат Алиярбек Абжалиев. Архивдик сүрөт

Абжалиев: жакын таанышым да 12-мартта умрадан келип, көп адам менен учурашкан

1758
(жаңыланган 11:23 18.03.2020)
Саламаттык сактоо министри Космосбек Чолпонбаев коронавирус жуктурган жарандар менен кошо бир учакта 135 адам келгенин, анын 90у табылып обсервация жайларына жаткырылганын белгилеген.

БИШКЕК, 18-мар. — Sputnik. Депутат Алиярбек Абжалиев парламенттин жыйынында жакын таанышы дагы 12-март күнү Сауд Аравиядан келгенин билдирди.

Бүгүн умрага кичи ажылыкка барып келген үч кыргызстандык коронавирус жуктурганы белгилүү болду. Алар Сузак районунун тургундары, 12-март күнү мекенине кайтып келген.

"Менин жакын таанышым Умрага барып 12-мартта келген. Азыр телефон чалып сүйлөшсөм "үйүмө бүт баары келишкен, учурашышкан" деп айтты. Кечээ кечинде аны "Ак-Кемеге" алып барып жаткызышыптыр. Азыр баары аралашып кетти. Европада ушинтип тоготпой жатып азыр коркунучтуу аймак болуп калды. Бизде дагы ошондой тоготпогондой мамиле болуп жатат. Ушул боюнча жакшылап карабасак болбойт", — деди Абжалиев.

Саламаттык сактоо министри Космосбек Чолпонбаев коронавирус жуктурган жарандар менен кошо бир учакта 135 адам келгенин, анын 90у табылып обсервация жайларына жаткырылганын белгилеген.

Ушу тапта Кыргызстанда абал кандай экенин Sputnik Кыргызстан агенттиги жүргүзгөн тексттик трансляциядан билүүгө болот.

1758
Белгилер:
депутат, Алиярбек Абжалиев, коронавирус
Тема:
Коронавируска байланыштуу Кыргызстандагы кырдаал (1510)
Тема боюнча
Сузактын акими жергиликтүү калкка кайрылды. Видео
Коронавирус жуктургандар менен учакта чогуу келген 45 киши изделүүдө
Сузак районуна өзгөчө кырдаал киргизилди
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

186
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

186
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Тоодогу жамгыр. Архивдик сүрөт

Жекшембиге карата аба ырайы

43
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

43
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты