БИШКЕК, 18-мар. — Sputnik. Бишкек мэриясы коронавирус тарап жаткандыгына байланыштуу экономикалык туруктуулукту камсыздоо үчүн шаардык штаб түздү. Бул тууралуу муниципалитеттин маалымат кызматынан билдиришти.
Тиешелүү буйрукка шаардын экономикалык жана каржылык саясат боюнча вице-мэри Алмаз Бакетаев кол койгон. Штабдын курамында мэрия менен бир катар органдардын өкүлдөрү бар.
18 Жалган Куран 2020, 12:20
Шаардык штаб калаанын социалдык-экономикалык абалына мониторинг жүргүзүп, күн сайын товарлардын баасы менен алардын запасына баам салып турат.
Мэрия коронавирустан коргонуу үчүн борбор калаада жогорку даярдык режими жарыяланганын белгиледи.
17-мартка карата азык-түлүктүн баасы канча экендигин муниципалитеттин сайтынан билүүгө болот.
Кыргызстанда учурда коронавируска байланыштуу абал кандай болуп жатканын Sputnik Кыргызстан агенттигинин тексттик трансляциясынан жана Телеграм-каналдан окуй аласыздар.
