Умрадага бараткан кишилер. Архив

Баткенде умрадан келген 8 киши карантинде кармалууда

232
(жаңыланган 15:50 18.03.2020)
Бүгүн коронавирус жуктуруп алган алгачкы үч адам тууралуу белгилүү болду. Алар азыр Жалал-Абад облустук ооруканасынын жугуштуу илдеттер бөлүмүндө.

БИШКЕК, 18-мар. — Sputnik. Бүгүнкү күндө Баткенде Сауд Аравияга умрага барып келген сегиз киши карантинде кармалууда. Бул тууралуу өкмөттүн аталган облустагы өкүлчүлүгү билдирди.

Маалыматка ылайык, Баткен районунда жети, Кадамжай районунда бир адам ооруканада. Алардан анализ алынып, коронавирустун белгилери табылган эмес.

Облус жетекчиси Алишер Абдрахманов тиешелүү жетекчилерди чогултуп, карантинге алынган адамдардын абалын текшерүүгө алуу, жакындары менен байланышына тыюу салууга милдеттендирди. Мындан тышкары, бардык медициналык жардамдарды көрсөтүү, алардын жашаган үй-жайын, коомдук жайларды, транспортторду дезинфекциялоо тапшырылды.

Баткен облусунда учурда азык-түлүк, медициналык каражаттар, дары-дармектер боюнча тартыштык жок.

Буга чейин Кыргызстанда үч адамдан коронавирус чыкканы белгилүү болду. Алар Сауд Аравиядан кичи ажылыктан кайтып келген. 12-мартта өлкөгө кайтып келгенден кийин текшерүүдөн өтүп, дарыгерлердин көзөмөлү менен үй карантинине алынган болчу. Азыр алар Жалал-Абад облустук ооруканасынын жугуштуу илдеттер бөлүмүндө.

Кыргызстанда учурда коронавируска байланыштуу абал кандай болуп жатканын Sputnik Кыргызстан агенттигинин тексттик трансляциясынан жана Телеграм-каналдан окуй аласыздар.

232
Тема:
Кыргызстандагы коронавирус жуктуруп алгандар (882)
Тема боюнча
Коронавирус аныкталган кыргызстандыктар "Манас" аэропортуна конгон
Коронавирустан улам Ош мэриясы да айрым чектөөлөрдү киргизди
Кыргыз-казак чек арасындагы Акжол көзөмөл-өткөрүү пункту. Архивдик сүрөт

Казакстанга өткөрчү "Акжол" бекетинде ремонт качан бүтөрү айтылды

5
(жаңыланган 20:02 01.06.2020)
Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

БИШКЕК, 1-июн. — Sputnik. Кыргыз-казак чек арасындагы "Акжол" көзөмөл-өткөрүү пунктундагы ремонт иштери жыл аягына чейин бүтөт. Бул тууралуу Sputnik Казакстан агенттиги Казакстандын индустрия жана инфраструктура министрлигине таянып кабарлады.

"Кийинки жылы Кордайдын (кыргыз тарабы "Акжол" деп айтылат — ред.) өткөрүү мүмкүнчүлүгү кеңейип, бир суткада 23 миң киши менен 2500 автоунаа өткөрө баштайт. Жөө адамдар өткөн жер реконструкцияланып, 137 метрге чейин кеңейтилди. Мындан сырткары өткөрмө терминал, көзөмөлдөн өткөргөн пункт, чек ара кызматынын имараты дагы ремонттолуп жатат", — деп айтылат маалыматта.

Министрликтин маалыматына ылайык, адистерге бул жылы инспекциялык-кароо комплексинин курулуш иштерин аткарып бүтүү тапшырмасы да коюлган.

Долбоорду ишке ашырууга 127 жумушчу жана 15 даана техника тартылган. Өткөрүү пунктундагы реконструкция болуп жаткан жердин аянты 3,5 гектарды түзөт.

"Акжол" жана "Кордай" көзөмөл өткөрүү пункттары ремонтко ушул жылдын февраль айында жабылган. Азыркы тапта ал жактан жөө адамдар гана таңкы саат 6:00дөн 24:00гө чейин өтө алышат. Транспорт жакынкы өткөрмө бекеттерден өтүүдө.

5
Белгилер:
реконструкция, пункт, өткөрмө, Казакстан, Кыргызстан
Тема боюнча
Кыргыз-өзбек чек арасынан жүк эки пункттан гана өткөрүлмөй болду
Токтогулдагы абактын ремонт жасалгандан кийинки көрүнүшү
Турак жайдын кире беришин дезинфекциялоо. Архив

Короо кыдырып... Бишкекте коронавирусту аныктоо үчүн сурамжылоо башталды

24
(жаңыланган 18:59 01.06.2020)
Медицина кызматкерлери үчүн короо-жайларга жана үйлөргө кирүүгө катуу тыюу салынган. Сурамжылоону эл каттоо менен алмаштырып албоо да эскертилди.

БИШКЕК, 1-июн. — Sputnik. Бишкек мэриясына караштуу Шаардык саламаттык сактоо башкармалыгынын директору Бактыгүл Исмаилова коронавирусту аныктоо максатында калаадагы короолорду кыдыруу иштери башталганын айтты. Бул тууралуу Республикалык штабдан кабарлашты.

Исмаилованын айтымында, бул ишке квартал, көчөлөрдө жашаган улуулар, турак жай активисттеринен турган бригадалар тартылып жатат. Сурамжылоого медиктер да катышат.

"Адамдар ооруп, дене табы көтөрүлүп, дем алуусу кыйындап, жөтөлүп жатса да медициналык жардамга кайрылбай жатышат. Ооруган адамдар жумушуна барып, коомдук жайларда болуп, качан гана оорунун белгилери курчуй баштаганда 118 номерине чалышууда. Мобилдик бригадалар барган учурда айрым бейтаптардын ПЦР-тесттери оң болуп чыгып жатат", — деди Исмаилова.

Ал медицина кызматкерлери үчүн короо-жайларга жана үйлөргө кирүүгө катуу тыюу салынганын кошумчалады. Ошондой эле сурамжылоону эл каттоо менен алмаштырып албоого чакырды.

"Эл каттоо менен медициналык каттоону чаташтырбоо керек", — деди Исмаилова.

Кыргызстанда коронавируска кабылгандардын саны 1817 болду. Анын ичинен 1181и айыгып, 16сы көз жумган.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

24
Белгилер:
сурамжылоо, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бишкекте 1-июндан баштап иштей баштаган тармактардын тизмеси