Сузак: коронавирус жуктургандар үйүнө тууган-урук, айылдаштарын чакырган

© Sputnik / Амир Исаев, STRДасторкон. Архив
Дасторкон. Архив - Sputnik Кыргызстан
Жазылуу
Акимдин орун басары вирус жуктургандар Благовещенко жана Бостон айылынын тургундары болгонун айтты.

БИШКЕК, 18-мар. — Sputnik. Сузак районунда коронавирус жуктурган жарандар умрадан келгенден кийин үйүнө тууган-урук, кошуналарын чакырып чакан той өткөргөн. Бул тууралуу аталган райондун акиминин биринчи орун басары Төрөгелди Түркбаев билдирди.

Анын айтымында, вирус жуктургандар Благовещенко жана Бостон айылынын тургундары болгон.

"Учурда алар менен байланышта болгон кошуналары жана туугандарынын баарын аныктап, карантинге киргизип жатабыз. Умрадан келгендер чоң ажылыкка баргандай көп адам чакырып ажы той беришпейт. Чаканыраак маараке өткөргөн", — деди Түркбаев.

Белгилей кетсек, бүгүн, 18-мартта, Жалал-Абаддын Сузак районунда коронавирус жуктургандар аныкталып, ал жакта өзгөчө кырдаал киргизилген болчу. Үч киши Сауд Аравиядан кичи ажылыктан келген. Азыр алар Жалал-Абад облустук ооруканасынын жугуштуу илдеттер бөлүмүндө. 

Жаңылыктар түрмөгү
0