Киши антисептикти колдонуп жаткан убакытта. Архив

Антисептикти үй шартында даярдоо ыкмасы. Бишкектик медиктин рецепти

2589
(жаңыланган 15:01 19.03.2020)
СССР маалында чоң энелер антисептикалык каражаттарды үйдөн эле жасап алышкан. Аны даярдоо ыкмасы өтө жөнөкөй, эффективдүүлүгү убакыт менен текшерилген.

БИШКЕК, 19-мар. — Sputnik. Медицина илимдеринин кандидаты, Республикалык илимий-тажрыйбалык борборунун жугуштуу ооруларды көзөмөлдөө бөлүмүнүн алдыңкы адиси Надира Соромбаева антисептикти үй шартында даярдоо ыкмасы менен бөлүштү.

Анын айтымында, эгер даяр антисептикалык каражаттарды дүкөндөрдөн же дарыканалардан сатып алуу көйгөй жаратып жатса, дезинфекциялоочу суюктукту үйдөн деле жасап алса болот.

"100 миллилитрлик жөнөкөй антисептикти даярдоо үчүн 96 пайыздык этил спирти (70 мл), тазаланган же кадимки бөтөлкөдөгү суу (25 мл) жана глицерин (5 мл) керектелет. Мунун баарын айнек же фарфор идишке аралаштырып, атайын флаконго куюп койсо болот. Мындай каражатты СССР маалында чоң ата, чоң энелерибиз колдонуп келишкен. Эффективдүүлүгү убакыт менен тастыкталган", — деди Соромбаева.

Ал ошондой эле Дүйнөлүк саламаттыкты сактоо уюмунун адистери коронавирус жайылып жаткандыгына байланыштуу антисептикти үй шартында даярдоонун инструкциясын жарыялаганын кошумчалады.

  • 800 мл. спирт, 14,5 мл глицерин, 42 мл. суутек перекиси (перекись водорода) жана 20 мл тазаланган суу;
  • 750 мл. изопропил спирти, 14,5 мл. глицерин, 42 мл. суутек перекиси жана 20 мл. таза суу;
  • 160 мл. медициналык спирт жана 80 гр. алоэ вера гели.

Даярдалган компонентти жакшылап аралаштырып атайын идиште сактоо керек.

2589
Белгилер:
таза суу, үй, медицина
Тема:
Кыргызстандагы коронавирус жуктуруп алгандар (1650)
Тема боюнча
Чын эле арча вирус менен күрөшүүгө жардам береби? Видео
Соромбаева: жугуштуу оорулардын 80 пайызы кол аркылуу жугат
Сузакта көчөлөр өрт өчүрүүчү унаалар менен дезинфекцияланууда. Видео
Аялдар кол чатырлар менен жаан учурунда. Архив

Жамгыр жаайбы? Бир жумага карата аба ырайы

2
(жаңыланган 10:27 13.06.2021)
Синоптиктер апта ичинде кээ бир аймактарда гана өткүн өтүп, калган учурда күн ачык болорун божомолдоп жатат.

БИШКЕК, 13-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, борбор калаада дүйшөмбүдөн жекшембиге чейин күн чайыттай ачык болуп турат. Батыштан соккон шамалдын ылдамдыгы секундасына 4-9 метрге жетиши күтүлөт.

Чүй облусу

14-18-июнь күндөрү тоолуу райондордо өткүн өтөт, дыйканчылык аймактарда жаан жаабайт. Ал эми 19-июнда күн ачык болот.

Талас облусу

14-15-июнь күндөрү түнкүсүн жаан-чачын күтүлбөйт, күндүз тоолуу райондордо өткүн өтөт, бирок дыйканчылык аймактарда жаан-чачын болбойт. 16-17-июнда күн чайыттай ачылат. Ал эми 18-июнда асманды ала булут каптап, өткүн өтөт. 19-июнда кайра эле ачык болот.

Ош, Жалал-Абад облустары

14-июнда көпчүлүк аймактарда өткүн өтүп, бийик тоолорго кар түшөт. Кээ бир райондордо жамгыр катуу жаашы күтүлөт.

15-16-июнда кээ бир райондордо өткүн өтүп, өрөөндөрдө жамгыр жаабайт.

17-18-июнда тоолуу жерлерде өткүн өтүп, бирок дыйканчылык аймактарда жаан-чачын болбойт. 19-июнда күн толугу менен ачылат.

Баткен облусу

14-15-16-июнда кээ бир райондордо өткүн өтөт. 17-19-июнь күндөрү жаан-чачын күтүлбөйт.

Ысык-Көл облусу

Дүйшөмбүдөн жумага чейин кээ бир райондордо өткүн өтүп, ал эми дыйканчылык аймактарда күн ачык болот. Апта аягында күндүн көзү бузулбайт.

Нарын облусу

14-июнда көпчүлүк аймактарда өткүн өтүп, кээ бир райондордо жаан-чачын жаайт. 15-17-июнда күн ачык болот, кээ бир райондордо гана өткүн өтөт.

18-июнда тоолуу райондордо өткүн өтөт, бирок дыйканчылык аймактарда жаан-чачын күтүлбөйт. 19-июнда күн ачык болот.

2
Белгилер:
күн, жамгыр, аймак, апта, Кыргызстан, аба ырайы
Тема боюнча
Катуу шамал үч адамды жабыркатып, Чүйдөгү мектептин чатырын учуруп кетти. Видео
Күн 37 градуска чейин ысыйт. Июнга карата аба ырайы
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

23
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

23
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды