Мекка ажылыктан келген кишилер. Архив

Жалал-Абаддан түндө кайткан 39 жумгалдык дааватчы медициналык кароодон өттү

465
(жаңыланган 18:34 19.03.2020)
Жумгалдан дааватка чыккандар Сузакка барган эмес. Бирөө төрт айлык дааватка чыкса, калганы 40 күндүккө барып келген.

БИШКЕК, 19-мар. — Sputnik. 19-мартка караган түнү Нарын облусунун Жумгал районуна Жалал-Абадга жасалган дааваттан кайтып келген 39 киши медициналык кароодон өтүп, бардыгы таза чыгышты. Бул тууралуу Sputnik Кыргызстан агенттигине Нарын ОИИБдин маалымат кызматынын башчысы Кундуз Эсенгулова билдирди.

Социалдык тармактарда Жалал-Абадга кеткен дааватчылар кайтып келишкени тууралуу маалымат тарап, эл арасында бир катар тынчсызданууну жараткан.

Эсенгулованын айтымында, дааватчылар карантинге алынган аймакта болушкан эмес.

"Булар Аалымдар кеңешинин токтому чыкканга чейин эле дааватка чыгып кетишкен экен. Алардын 38и 40 күндүк, ал эми бирөө төрт айлык дааватка кеткен. Так канчасында чыгып кеткени тактала элек. Алар коронавирус боюнча карантинге алынган аймакта болушкан эмес. 19-мартта эртең менен дааватчылар медициналык кароодон өтүп, бардыгы таза чыккан", — деди Эсенгулова.

Эске салсак, 13-мартта Кыргызстан мусулмандарынын Аалымдар кеңешинин чукул жыйыны өтүп, анда коронавирустук инфекциянын пандемиялык деңгээлге чыккандыгына байланыштуу бир катар чечимдер кабыл алынган. Анын бири даават иштерине чектөө киргизүү болчу.

"Бизге мындай маалымдама келип түшкөн эмес. Кыргызстанда коронавирус боюнча кырдаал өтүп кетмейинче өлкө ичинде даават иштерине тыюу салынган. Бул Аалымдар кеңешинин токтомунда жана муфтийдин кайрылуусунда дагы айтылган. Учурда маалыматты тактап жатабыз", — деди муфтияттын маалымат кызматы.

Кыргызстандагы коронавирус

Кыргызстанда 18-мартта коронавирус биринчи жолу үч адамга жукканы аныкталды. Үчөө тең Жалал-Абад облусуна караштуу Сузак районунун тургундары. Бул адамдар 12-мартта Сауд Аравиядан кичи ажылыктан келген. Учурда Жалал-Абад облустук оорукананын жугуштуу илдеттер бөлүмүндө дарыланууда.

Ооруну жуктурган үч адам менен кошо бир каттамда Кыргызстанга 144 адам келген. Анын экөө Өзбекстанга кетип, калган 142си изоляцияга алынган. Алардан башка 300дөн ашык адам карантинде. Сузак районуна өзгөчө кырдаал киргизилген. Мындан сырткары, Кыргызстан четөлкөлүктөрдүн өлкөгө кирүүсүнө чектөө киргизди.

19-мартта Жалал-Абад облусунда COVID-19 вирусунун клиникалык белгилери бар дагы үч адам ооруканага жаткырылды.

Кыргызстанда коронавируска байланышкан бардык маалыматтарды Sputnik Кыргызстандын тексттик трансляциясынан окуп туруңуздар.

465
Белгилер:
Сузак району, коронавирус, РИИБ, Жумгал, муфтият, даават
Тема:
Кыргызстандагы коронавирус жуктуруп алгандар (1654)
Тема боюнча
Биолог коронавирус пандемиясы кандай шартта токтой турганын айтып берди
Кыргызстанда коронавирус менен күрөшүү үчүн атайын эсеп ачылды
Нарында коронавирус боюнча жалган кабар тараткандар кармалды. Сүрөт
Кыргыз билим берүү академиясынын илим жана инновация бөлүмүнүн башчысы Дамира Жумабаева

Жумабаева: аймактагы мугалимдердин деңгээлин жогорулатуу көз жаздымда калды

7
(жаңыланган 14:00 16.06.2021)
Кыргыз билим берүү академиясынын илим жана инновация бөлүмүнүн башчысы Дамира Жумабаева онлайн билим берүүнүн колго алынышы менен келип чыккан көйгөйлөргө токтолду.

Мугалимдердин, өзгөчө аймактагылардын билим деңгээлин жогорулатуу маселеси ачык турат. Бул тууралуу Дамира Жумабаева Sputnik Кыргызстан радиосунун эфиринде маек куруп жатып билдирди.

Жумабаева: аймактагы мугалимдердин деңгээлин жогорулатуу көз жаздымда калды

Анын айтымында, учурда өлкөдө илимге жетишерлик көңүл бурулбай жатат.

"Пандемия шартында онлайн окууну жакшыбы, жаманбы, жолго коюп алдык. Бирок бул системанын ишке кириши менен мурда көз жаздымда калып келген айрым көйгөйлөр ачыкка чыкты. Өзгөчө аймактарда мугалимдердин өз алдынча эле иштеп калышканын көрө алдык. Бизде илимдин доктору, кандидаттары жетишерлик жана алардын абдан пайдалуу, мыкты эмгектери бар. Мына ушуларды аймактардагы мугалимдерге тажрыйба жүзүндө жеткирип, алар менен жеринен биргеликте иштеп, айылдык педагогдордун билим деңгээлин жогорулатышыбыз керек. Азыр каражаттын жетишсиздигинен мындай иш-чаралар Бишкек жана Чүйдүн тегерегинде гана жүрүп калды. Аймактарга онлайн семинар, вебинарларды уюштурумуш болобуз, бирок бул жетишсиз. Алар менен айлап, көзмө-көз иштешип, үйрөтүү зарыл. Мына ошондо гана окуучулардын билим деңгээлинин түшүп кетүүсүнүн алдын ала алабыз", — деди Жумабаева.

Педагог айрым интернет жетпеген аймактарда же мугалим жаңы техниканы анча өздөштүрө албаган жерлерде балдардын билим алуусу чоң коркунучка кептелип жатканын кошумчалады.

7
Белгилер:
көйгөй, мугалим, илим, билим, Дамира Жумабаева
Тема боюнча
Ибрагимов: бүтүрүүчүлөрдүн 10-15%ы дароо эмгек миграциясына кетүүдө
Bio-KG органикалык кыймыл федерациясынын жетекчиси Искендербек Айдаралиев. Архив

Айдаралиев: органикалык продукция өндүргөндөр мамлекеттен колдоо табат

7
Bio-KG органикалык кыймыл федерациясынын жетекчиси Искендербек Айдаралиев органикалык айыл чарба продукциясын өндүргөн фермерлер сегиз пайыздык насыя ала аларын айтты.

Кыргызстан 10 жылдын ичинде органикалык өлкө болушу керек деген чечим бар. Мындай маалыматты Искендербек Айдаралиев Sputnik Кыргызстан радиосунун эфиринде билдирди.

Айдаралиев: органикалык продукция өндүргөндөр мамлекеттен колдоо табат

Анын айтымында, учурдун талабына ылайык органикалык айыл чарба өндүрүшү жөнүндөгү мыйзамды өзгөртүү боюнча атайын топ түзүлгөн.

"Органикалык айыл чарба биз үчүн жаңы багыт. Эгерде бул багыт системага түшпөсө сертификациялоо, фермерлерди окутууда маселе жаралат. Органикалык айыл чарбасынын өнүгүшү боюнча жаңы мыйзам кабыл алынышы керек. Бизде 2019-жылы май айында кабыл алынган мыйзам бар. Бирок учурдун талабына туура келбей калгандыгына байланыштуу Айыл, суу чарба жана аймактарды өнүктүрүү министрлигинде атайын топ түзүлүп, жаңы өзгөртүүлөр киргизилүүдө. Мындан тышкары, 2017-2022-жылдарга карата органикалык айыл чарба өндүрүшүн өнүктүрүү концепциясында "Органикалык аймак" модели кирген. Бул жакта жол картасы көрсөтүлүп, кандай иретте иш жүргүзүү керектиги камтылган. Андыктан туура коюлган система керек. Мамлекет да бул идеяны колдошу керек. 10 жылда Кыргызстан органикалык мамлекет болсун деген тапшырма бар. Бул технологиянын ар бир багытын аныктап, убактысын тактап, мамлекет да фермерлерди колдоого ала баштады. Айтсак, быйыл 17-мартта өкмөттүн токтому чыгып, органикалык продукция чыгаргандарды колдоо максатында сегиз пайыздык насыя бериле баштады", — деди Айдаралиев.

Ошондой эле адис айыл чарбасында сертификациялоо, фермерлерди окутуу боюнча маселелер толук чечилиши керектигин кошумчалады.

7
Белгилер:
Искендербек Айдаралиев, мыйзам, продукция, айыл чарба, органика
Тема боюнча
Айдаралиев: заводдордун жоктугу органикалык өлкө болууга жол ачат
Бишкек шаарынын мурунку биринчи вице-мэри Алмаз Бакетаев. Архив

Бишкекте шаар жетекчисинин орун басарлары алмашты

0
Бишкек мэриясында калаа жетекчисинин эки орун басары алмашты. Буга чейинки биринчи вице-мэр Алмаз Бакетаев башка кызматка которулгандыгына байланыштуу иштен бошотулду.

БИШКЕК, 16-июн. — Sputnik. Бишкек мэриясында кадрдык өзгөрүүлөр болуп, биринчи вице-мэр Алмаз Бакетаев башка кызматка которулгандыгына байланыштуу иштен бошотулду. Бул тууралуу муниципалитеттен маалымат кызматынан билдиришти.

Анын ордуна буга чейин тиричилик-коммуналдык чарба боюнча вице-мэр болуп келген Жамалбек Ырсалиев дайындалды.

Ал эми шаар башчысынын экономикалык жана финансылык маселелер боюнча орун басары болуп Максатбек Сазыкулов келди. Буга чейин ал Россия-кыргыз өнүктүрүү фондунда Уюштуруучулукту өнүктүрүү департаментин жетектеген.

0
Белгилер:
вице-мэр, Жамалбек Ырсалиев, Алмаз Бакетаев, Бишкек мэриясы, Бишкек
Тема боюнча
Уланбек Калманбетов Архитектура, курулуш агенттигин жетектемей болду