Оорукана. Архив

Дагы үч адамдан коронавирус аныкталды. Учурда өлкөдө абал кандай

(жаңыланган 17:35 20.03.2020)
Буга чейин Жалал-Абаддын Сузак районунан дагы кичи ажылыктан келген үч кишиден коронавирус табылган болчу.

Бүгүн саламаттык сактоо министри Космосбек Чолпонбаев Кыргызстанда дагы үч адамдан коронавирус аныкталганын билдирди.

Sputnik Кыргызстан агенттиги өлкөдөгү абал боюнча тексттик трансляция жүргүзүүдө.

Жаңы билдирүү
  • 17:35

    Ысык-Көлдөгү бардык пансионат, эс алуу жайлары карантинге жабылат

    Облуста 127 пансионат, 192 эс алуу үйү, 119 мейманкана, 12 эс алуу борбору, үч реабилитациялык борбор жана балдар эс алган 19 лагерь иштейт.

  • 17:20

    Республикалык штаб жарандарды зарылдык жок болсо үйдөн чыкпоого, мүмкүнчүлүккө жараша үйдө отуруп иштөө режимине өтүүгө жана коомдук жайларга барбоого чакырат.
    Эгер сиз өзүңүздү начар сезсеңиз, ыкчам байланыш номерлерине чалыңыз:
    КР Саламаттыкты сактоо министрлигинин алдындагы республикалык штаб: 0312 66 06 63. WhatsApp: 0770 89 55 56.
    КР Саламаттыкты сактоо министрлигинин ыкчам байланыш номерлери: 0312 32 30 55, 0312 32 32 02.

  • 16:47

    Ыкчам IT штаб түзүлдү

    Маалымат жана технология боюнча мамлекттик комитет өлкөнүн IT коомчулугу менен биргеликте коронавируска каршы күрөшүү боюнча Республикалык штабдын ишин колдоп, ыкчам IT штаб түзүүнү демилгеледи.

    Ыкчам IT штаб өлкөдөгү кырдаалдын жакшырышына өбөлгө түзгөн тез жана иштиктүү ар кандай IT чечимдерди жаратууда КР өкмөтүнө колдон келишинче жардамын берет. Ошондой эле социалдык демилгелерди көтөргөн жеке түзүмдөр менен уюмдарга дагы көмөктөшөт.

  • 16:43

    Ноокаттагы абал

  • 16:26
    Сотрудник лаборатории проводит анализ на коронавирус в Центре новых инфекционных заболеваний Таиланда в Банкоке. 5 февраля 2020 года

    Коронавирус тууралуу 10 факт. Антибиотикти тоотпойт, кеч билинет, акчадан жугат

    Дүйнө элинин үшүн алган коронавирус Кыргызстанга да жетип, бул оору тууралуу маалымат алуу актуалдуу болуп турган чагы. Өзгөчө эл көп билбеген фактылар кызык туюлат.
    Дагы
  • 16:24

    Нарындагы райондордун кире беришине көзөмөл жайлар орнотулду

    Нарын облусунда коронавирус боюнча эпидемиологиялык кырдаалды жөнгө салуу жана анын алдын алуу максатында аталган аймакка кирүүчү жолдордо өткөрүү пунктулары иштеп жатат. Бул туурасында облустук милициядан кабарлашты.

    Тагыраагы, блок-посттор Нарын облусуна кирүүчү төмөнкү аймактарга коюлду:

    Кочкор районунун Кочкор айыл аймагындагы Сары-Чат;
    Жумгал районунун Арал айыл аймагындагы Сары-Камыш;
    Ак-Талаа районунун Ак-Тал айыл аймагындагы Ак-Тал-Чат участоктору.

    Сотрудники милиции во время проверки на въезде в Нарынскую область
    © Фото / пресс-служба УВД Нарынской области
  • 13:17

    Эсепке 2 миллион 200 миң сом түштү

    Каржы министрлиги коронавирус инфекциясынын жайылышын алдын алууга акча каражатын которуу үчүн энчилүү эсептерди ачкандыгы белгилүү.
    Ага 20-март, саат 12.30га карата 2 миллион 200 миң сом келип түштү.

  • 13:14

    Ноокатта коронавирус аныкталган үч кишинин туугандары азырынча обсервация жайына жаткырыла элек.

  • 13:02

    Ал эми Бишкекте дүкөн, дарыканалар жана базарлар иштеп жатат.

  • 13:02
    Жители города Баткен на рынке города.

    Ош менен Баткенде базарлар жабылууда. Тизме

    Чектөөлөр эпидемиологиялык кырдаалга байланыштуу киргизилүүдө, эл көп чогулган жерлерге барбоо сунушталып жатат.
    Дагы
  • 12:34

    Ноокатта коронавирус жуктуруп алгандар 67, 71 жана 77 жаштагы аялдар

    Ноокатта коронавирус жуктуруп алгандар 67, 71 жана 77 жаштагы аялдар. Үчөө эки башка айылдан. Алар кичи ажылыкка барып, Кувейт аркылуу Ошко учуп келишкен.

  • 12:03

    Ош шаарында төрт базар ири жабылды

    COVID-19 коронавирусу боюнча өлкөдө түзүлгөн кырдаалга ылайык, Ош шаарында 4 базар жабылууда.

    Бүгүнтөн тарта борбордук автоунаа базары, автоунаа тетиктерин саткан базар, кийим-кечек саткан борбордук жана "Келечек" базары убактылуу жабылат. Мындай аракеттер алдын алуу чаралардын алкагында көрүлүүдө.

    Ал эми азык-түлүк саткан жайлар жана дарыканалар иштейт берет.

    Жарандарга эл көп чогулган жерлерге барбоо сунушталууда. Ал эми кандайдыр бир суроолор жаралса, Ош шаарынын мэриясынын ишеним телефону (03222) 5-53-84 күнү-түнү жооп берет.

  • 11:04

    Сузактагы коронавирус жуктургандардын абалы айтылды

    Саламаттык сактоо министри Космосбек Чолпонбаев коронавирус жуктуруп алган Сузактагы үч кишинин абалы канаттандырарлык экендигин маалымат жыйында айтты.

    "Үчөөнүн тең абалы канааттандырарлык, бирок дене табы бирде көтөрүлүп, бирде түшүп жатат", — деди министр. 

    Коронавирус жуктуруп алгандардын үчөө тең эркек кишилер экени мурда кабарланган.

  • 10:34

    Ноокат районуна өзгөчө кырдаал киргизилди

    Коронавирустан улам Ноокат районуна өзгөчө кырдаал киргизилди. Бул тууралуу өкмөттүн Ош облусундагы өкүлү Узарбек Жылкыбаев билдирди.

  • 10:28
    Проверка медицинской службой аэропорта «Манас» соотечественников прибывающих из зарубежных стран. 18 марта 2020 года

    Ноокатта коронавирус жуктуруп алган үч адамдын ал-абалы айтылды

    Министрдин айтымында, коронавирус аныкталган адамдардын үчөө тең эркек. Алар дагы кичи ажылыктан 12-март күнү келген.
    Дагы
  • 10:16
    Министр здравоохранения КР Космосбек Чолпонбаев на пресс-конференции по случаю коронавируса В КР. Бишкек. 20 марта 2020 года

    Ызы-чуу түшпөй, дайыныңарды айткыла! Министр умрадан келгендерге кайрылды

    Бүгүн Кыргызстандын аймагынан коронавирус жуктурган дагы үч адам аныкталды. Алар дагы умрага барып келген Ноокат районунун тургундары.
    Дагы
  • 10:04

    Коронавирус менен күрөшүүгө канча каражат сарпталды деген суроо болду. "Өкмөт 30 миллион сом бөлдү, 15,5 миллиону сарпталды. Дарыканаларда дарылардын жетиштүү болуусу үчүн 100 миллион карап берген. Донорлордон алууну да карап жатабыз. Акчадан тартыштык жок", — деди министр.

    Министр здравоохранения КР Космосбек Чолпонбаев на пресс-конференции по случаю коронавируса В КР. Бишкек. 20 марта 2020 года
    © Пресс-служба правительства КР Алишер Алиев
  • 09:57

    Канча каражат коронавирус менен күрөшүүгө сарпталды деген суроо болду. "Өкмөт 30 миллион сом болду, 15,5 миллиону сарпталды. Дарыканаларда дарылардын жетиштүү болуусу үчүн 100 миллион карап берген. Азыр көлөмдү эсептен донорлордон алууну карап жатабыз. Акчадан тартыштык жок", — деди министр.

  • 09:54

    Министр: учурда коронавирус табылган жарандар менен кошо келген жарандарды тактоо иштери жүрүп жатат. Так маалыматты алуу үчүн аэропортко жана Чек ара кызматына сурам жибердик.

  • 09:53

    Министр эпидемиологиялык кызматтын өкүлдөрү да алар менен иштеп жаткандыгын кошумчалады.

  • 09:52

    "Карантинге алуу боюнча каршылык көрсөтүп, кээ бири түшүнүп, кээ бири түшүнбөй ар кандай нерселерди айтып жатат. Жеринде ӨКМдин кызматкерлери иштеп, түшүндүрүп жатат", — деди Чолпонбаев.

    Министр здравоохранения КР Космосбек Чолпонбаев на пресс-конференции по случаю коронавируса В КР. Бишкек. 20 марта 2020 года
    © Пресс-служба правительства КР Алишер Алиев
  • 09:50

    Республиканын түштүк аймагында түзүлгөн кырдаалга байланыштуу дагы кошумча 700 орундук уюштурулду. Жаӊы орундар “Ош” эл аралык аэропортунда дагы ачылууда. Бирок саламаттык сактоо министри Космосбек Чолпонбаев адамдардын келүүсү кыйла азайгандыктан, аба майданындагы обсервация ресурстарынын болгону 50 пайызы гана пайдаланылып жатканын билдирди.

  • 09:48

    Министр коронавирусту жуктуруп алгандар боюнча толук маалымат берүү, алардын аты-жөнүн коомчулукка жаюу туура эмес болорун айтты. "Алардын коңшу-колоң дегендери бар, аты-жөнүн ачыктоо жөнсүз болуп калат" деди.

  • 09:48

    Чолпонабаев: умрадан учуп келе тургандар азыр катуу көзөмөлдө.

  • 09:45

    Чолпонбаев: Карантин деп айтылгандан кийин жарандар аны аткарыш керек. Бул бир жагынан алып караганда жарандык бийик жоопкерчилик.

  • 09:43

    Чолпонбаев: азыр оорунун канчага кишиге тарай турганын айтыш кыйын. Бул биздин оюбузда бар, учурда эпидемиологдорго айтылган.

  • 09:43

    Министр тактоо иретинде маалыматты кайталады: 144 киши учуп келсе, экөө Өзбекстанга чыгып кеткен. 142 киши КРде калган. Алар толугу менен изолция кылынган. Сузактагы ооруган үч киши ошол сандын ичинде.

  • 09:42

    Министр коронавирустан сактануу үчүн дары-дармекти өз алдынча ичкенден алыс болууга чакырды. Ал дарыгер менен кеңешип, анан ичүүнү кошумчалады. "Мындай учурда ден соолукка зыян келтирип аласынар" деди ал.

  • 09:42

    Министр Чолпонбаев: Обсервацияда 410, медициналык көзөмөлдө 1250 киши турат. Биз эки түргө бөлүп алганбыз, обвсервация жана 14 күндүк карантин.

  • 09:42

    Жаңы коронавирус табылган жарандар 12-мартта Сузактын тургундары менен бир учакта келген эмес. Алар түз каттам менен Ошко учкан.

  • 09:40

    Министр Чолпонбаев: Вирусолог, санитардык дарыгерлерге жакшы кошумча акча төлөнөт. Эл менен иштегендер, оорулууну дарылап жаткандар, кеп-кеңеш берип кабыл алып жаткан медиктер бар. Аларды баарына каражатты дурус төлөп беребиз. Негизи эл менен ошол дарыгерлер иштеп жатат.

  • 09:35

    "Мурда коронавирус кирбесин деп иштеп жатсак, эми анын Кыргызстанга тарап кетпешине аракет кылабыз. Албетте, чечкиндүү кадамдар болот. Эл айтканды аткарып, тартипти сакташ керек", - деди министр.

  • 09:33

    Министр Чолпонбаев: ЕАЭБ атуулдарына, чет элдиктерге КРдин аймагына кирүүдө чектөө бар. Авиарейстер саналуу гана болууда. Андыктан, негизги иш Кыргызстандын ичинен, өзүнүн аймагына багытталат.

  • 09:31

    Министр: штабдын, адистердин түз байланыш телефондору тынган жок. Чалгандар көп. Алар суроолоруна жооп алууда. Кең-кеңештер берилип жатат. Учурда мурдагылардан башка 100 деген номерди киргизүүгө аракет кылып жатабыз. Элге вирус жана андан сактануу боюнча маалыматтарды арбын бергенге аракеттер көп.

  • 09:30

    Министр: коронавирусту дүйнө (илимпоздор) толугу менен изилдеп бүтө элек. Биздин практикада деле оорулуунун жанында жүргөндөрдүн биринен чыкса, экинчисинен чыкпаган учурлар бар.

  • 09:30

    Чолпонбаев: Бишкектеги дарыгерлерге видео менен көрсөтүштү. Албетте, психикалык абалы, маанайы басыңкы. Аларды караш үчүн кирип кеткен дарыгерлер чыга элек. Телефон менен байланышып жатабыз.

  • 09:29

    Министр: алардын абалы канааттандырарлык, бирок дене табы бирде көтөрүлүп, бирде түшүп жатат.

  • 09:29

    Министр: Бишкек менен Жалал-Абаддын дарыгерлер улам консилиум өткөрүп, бири-бири менен байланышууда.

  • 09:28

    Чолпонбаев: Бул окуя боюнча Ноокат районунун жетекчилиги да өзгөчө кырдаал киргизүү чечимин кабыл алса керек. Коронавирус жуктуруп алгандар эркек кишилер.

  • 09:28

    Министр: аларда клиникалык белгилер жок, бирок лабораториялык изилдөөдө тастыкталды.

  • 09:25

    Дагы үч адамдан коронавирус аныкталды

    Саламаттык сактоо министри Космосбек Чолпонбаев Ноокаттан коронавирус табылганын айтты.

Белгилер:
Сауд Аравиясы, Ажылык, Кыргызстан, коронавирус
Тема:
Кыргызстанда доллар кескин жогорулады (29)
Тема боюнча
Кыргызстанда дагы үч адамдан коронавирус аныкталды
Окумуштуулар: коронавирус пандемиясы адамзаттын өмүрүн сактайт
КРдеги телеканалдар каникулга карап эфир торчосун өзгөртүүдө. Тизме