Саламаттык сактоо министри Космосбек Чолпонбаев

Ызы-чуу түшпөй, дайыныңарды айткыла! Министр умрадан келгендерге кайрылды

1239
(жаңыланган 10:50 20.03.2020)
Бүгүн Кыргызстандын аймагынан коронавирус жуктурган дагы үч адам аныкталды. Алар дагы умрага барып келген Ноокат районунун тургундары.

БИШКЕК, 20-мар. — Sputnik. Кичи ажылыкка барып келген кыргызстандыктар дүрбөлөңгө түшпөй, кайда экендигин билдирип коюусун суранам. Бул өтүнүчүн саламаттык сактоо министри Космосбек Чолпонбаев брифинг учурунда айтты.

Эске салсак, бүгүн Кыргызстандын аймагынан коронавирус жуктурган дагы үч адам аныкталды. Алар дагы умрага барып келген Ноокат районунун тургундары.

Министр алардан дайынын билдирип, эгер оорунун белгиси болсо, үйдөн чыкпай отуруусун суранды. Чолпонбаевдин айтымында, аларды дарыгерлер үймө-үй кыдырып текшерип жатат.

Кыргызстанда коронавируска байланышкан бардык маалыматтарды биздин тексттик трансляциядан окуп туруңуздар.

1239
Белгилер:
коронавирус, Ноокат, Кыргызстан
Тема:
Кыргызстанда доллар кескин жогорулады (29)
Тема боюнча
Ноокатта коронавирус жуктуруп алган үч адамдын ал-абалы айтылды
Кыргызстанда дагы үч адамдан коронавирус аныкталды
Дагы үч адамдан коронавирус аныкталды. Учурда өлкөдө абал кандай

Токтогул суу сактагычы кейиштүү абалга жеттиби? Дрондон тартылган видео

29
Быйыл Токтогул суу сактагычындагы суунун деңгээли кескин төмөндөп кетти. Биз абалды жеринен тартып, сиздерге көрсөтөлү дедик.

Токтогул гидроэлектростанциясы өлкөнүн электр энергиясынын дээрлик 30 пайызын иштеп чыккан Кыргызстандагы эң башкы ГЭС болуп саналат. Ал жарым кылым илгери 25 айылдын, бир кыш заводунун жана Токтогул көлүнүн ордуна курулган.

Күн жылуу маалында ал толот, ал эми суук түшкөндө жылытуу сезонуна коротулат.

Суу сактагычка 19,5 миллиард куб метр суу батат. Ал канчалык көп толсо, кышында жылуулук, электр энергиясы тартыш болбойт.

Эгерде суунун деңгээли 5,5 миллиард куб метрге чейин түшүп кетсе, анда станция эч кандай электр энергиясын иштеп чыгара албай калат. Быйыл суунун көлөмү кескин азайып, суу сактагычтын түбүндө калган кыш заводунун курулуштары көрүнүп калды.

Айрым "кара археологдор" пайда табуу максатында металл издеп, урандылардын жанындагы жерди казышкан. Мындай суу аз калган учурлар буга чейин да катталган. "Электр станциялары" ишканасынын маалыматына ылайык, суу сактагычта суунун көлөмү 2009-жылдын май айында 6,3 куб метр, 2014-жылдын майында 8,4 миллиардга чейин түшкөн. Учурда сууну деңгээли 9 миллиард куб метрди түзөт.

29
Белгилер:
электр энергиясы, суу, деңгээл, ГЭС, Токтогул суу сактагычы
Тема боюнча
Министр: Лейлек районуна суу сактагыч куруу пландалып жатат
Ош суу канал ишканасы жашоочуларга водовоз менен суу ташып келүүсү

Ош шаарында эки күндөн бери суу жок. Мэрия унаа менен ташымай болду

12
Таза суунун үзгүлтүккө учурашына Папан суу сактагычы тарапта сел сүрүп, Ак-Буура дарыясы ылайланганы себеп болгон.

БИШКЕК, 8-май — Sputnik. Ош шаарында эки күндөн бери ичүүчү суу берилбей жатат. Таза суунун үзгүлтүккө учурашына жааган жамгырдан улам Папан суу сактагычы тарапта сел жүрүп, Ак-Буура дарыясы ылайланганы себеп болгонун мэрия кабарлады.

Городское предприятие Водоканал поставляет воду на водовозах для жителей микрорайонов города Ош
© Фото / пресс-служба мэрии г. Ош
Ош шаарында эки күндөн бери ичүүчү суу берилбей жатат

Буга байланыштуу Юго-Восток, ХБК, Туран, Достук кичи райондору, Калинин массиви жана башка конуштар кечээтен бери суусуз отурат.

Мындан улам калаа мэриясы "Ош суу канал" ишканасы жашоочуларга водовоз менен суу ташып келип бере турганын билдирди.

Таза суу алууну каалаган шаардыктар төмөнкү телефондор аркылуу чалып ала алышат:

  • 0556039599; 0556460585; 0559566671; 0558140888;
  • 8-11-15; 8-11-51; 5-04-16;
  • 105.
12
Белгилер:
кайрылуу, дарыя, Ак-Буура, суу, Папан суу сактагычы
Тема боюнча
Министр: Лейлек районуна суу сактагыч куруу пландалып жатат
Ноокат шаарына таза суу киргизүү үчүн чет жактан 4,8 млн. евро алынууда