Өкмөттүн Ош облусундагы өкүлү Узарбек Жылкыбаев

Жылкыбаев: Ноокатта коронавирус жуктурган аялдын кызы Чүйгө качкан эмес

1388
(жаңыланган 14:02 21.03.2020)
Саламаттык сактоо министринин орун басары Ноокатта вирус жуктурган аялдын кызы Чүйгө качып келгенин айткан болчу.

БИШКЕК, 21-мар. — Sputnik. Ноокатта коронавирус жуктурган аялдын кызы апасынан COVID-19 аныкталганга чейин эле Чүйгө кеткен. Атайын качкан эмес. Бул тууралуу Sputnik Кыргызстанга өкмөттүн Ош облусундагы өкүлү Узарбек Жылкыбаев билдирди.

Белгилей кетсек, бүгүн эртең мененки маалымат жыйында саламаттык сактоо министринин орун басары Төлө Исаков Ноокатта вирус жуктурган аялдын кызы түнү менен Чүйгө качып келгенин айткан. Бүгүн ал бул жактагы туугандары менен кошо карантинге алынган.

Облус жетекчиси мындай маалымат туура эмес экенин билдирип, тактоо киргизди.

“Аялдын кызы негизи Чүйдө жашайт экен. Вирус жуктурган тургун менен байланышкан адамдарды аныктоо учурунда анын күйөөсүнөн маалымат алышкан. Ал кызы апасы умрадан келгенден кийин учурашып кайра кеткенин билдирген. Ошол учурда апасынан коронавирус аныктала элек болчу”, — деди Жылкыбаев.

Ошондой эле ал районго өзгөчө кырдаал киргизилгенден кийин коронавирус чыккан эки айылга адамдардын кирип-чыгуусуна бөгөт коюлганын белгиледи.

Мындан сырткары, облус жетекчиси аймактар аралык жана шаарга каттаган коомдук транспорттор токтотулганын кошумчалады.

1388
Белгилер:
коронавирус, кыз, качуу, Чүй облусу, Узарбек Жылкыбаев, Ноокат
Тема:
Кыргызстандагы коронавирус жуктуруп алгандар (1516)
Тема боюнча
Баткендин үч айыл аймагына өзгөчө кырдаал киргизилди
Кыргызстанга чартердик каттам менен келүү үчүн кайда кайрылса болот
Ысык-Көлдө кичи ажылыкка барып келген эки жарандын анализи чыкты
Салмак таштоо.Архивдик сүрөт

Беш айда 40 килограммга арыктаган аял салмак таштоонун сырын ачты

12
Индиялык кызга дарыгерлер канында канттын жана холестериндин деңгээли жогору экенин, булар ден соолукту талкалай турганын айтканда ал арыктоону чечкен.

БИШКЕК, 24-янв. — Sputnik. Индияда беш айда 40 килограммга арыктаган аял салмак таштоонун сырын ачты. Бул тууралуу РИА Новости жазды.

32 жаштагы Саана Шеттинин айтымында, дарыгерлер анын канында кант менен холестерин жогору экенин, булар ден соолукту талкалай турганын айтканда капалана нес болгон. Кийин ал өзүн колго алып, арыктоону чечкен. Анда анын салмагы 125 килограмм болчу.

Анын айтымында, салмак таштоонун сыры жеген тамактын түрүнөн эмес анын көлөмүнөн көз каранды.

"Ченеми менен жеш керек. Тамактын порциясына тыкыр көз салып жатып кыска убакытта чоң салмактан арыла алдым. Ошондой эле азыкты жакшылап чайнап туруп анан жутуш керек", — деген ал.

Мындан тышкары, дароо шекерден, ун азыктарынан жана вегетериандык эмес азыктардан баш тарткан. Буга кошумча жөө басып, йога менен алектенген.

12
Белгилер:
тамактануу, салмак, арыктоо, Индия
Тема боюнча
Кыргызстанда ашыкча салмак менен эркектер көбүрөөк жабыркайт. Статистика
Дагестан: пенсионер беш саатта 10 килограммга жакын салмак таштаган
Дарыгер салмак коштурчу суусундуктарды тизмектеп берди
Айыл чарба министри Тилек Токтогазиев. Архивдик сүрөт

Бишкекте айыл чарбасын камсыздандыруу боюнча жыйын өтөт

9
Министр Тилек Токтогазиев дүйнөдөгү айыл чарбанын тез өнүгүп жатканын эске алуу менен өндүрүүчүлөр үчүн мамлекеттик деңгээлде шарттар түзүлүшү керектигин айткан.

БИШКЕК, 24-янв. — Sputnik. Кийинки жуманын биринчи күнү, 25-январда, айыл чарбасын камсыздандыруу боюнча жыйын өтөт. Бул тууралуу Айыл чарба, тамак-аш өнөр жайы жана мелиорация министрлиги билдирди.

Министр Тилек Токтогазиев тегерек столдун алкагында айыл чарбасын камсыздандырууну өнүктүрүү концепциясын талкуулап, аны ишке ашыруу боюнча конкреттүү сунуштарды иштеп чыгуу керектигин айткан.

"Дүйнөдөгү айыл чарбанын динамикалуу өнүгүп жатканын эске алуу менен өндүрүүчүлөр үчүн мамлекеттик деңгээлде шарттарды түзүп берүү керек", — деген Токтогазиев.

Министрлик бардык кызыкдар тараптарды айыл чарбасын өнүктүрүүгө багытталган маселелерди талкуулоого чакырды. Ал үчүн 0502 40 39 69 телефон номери же alchynbek.b@gmail.com электрондук дареги аркылуу байланышууга болот.

9
Белгилер:
жыйын, Тилек Токтогазиев, өнөр жай, тамак-аш, айыл чарба, Кыргызстан
Тема боюнча
Кыргызстанда былтыр канча азык-түлүк өндүрүлдү. Сандар