Аэропортко конуп аткан учак. Архивдик сүрөт

Кыргызстанга чет элдиктердин кирүүсү боюнча шарт өзгөрдү

429
(жаңыланган 23:47 22.03.2020)
Мындай кадам COVID-19 коронавирустук инфекциянын мындан ары жайылышына жол бербөөгө жана КР жарандарынын ден соолугун сактоого багытталганы айтылды.

БИШКЕК, 22-мар. — Sputnik. Эми Кыргызстандын аймагына КР жарандарынын үй-бүлө мүчөлөрү болуп саналган чет мамлекеттердин жарандары менен жарандыгы жок адамдардын өлкө аймагына кирүүсүнө убактылуу чектөө киргизилди. Бул тууралуу өкмөттүн өзгөртүү киргизилген буйругунда айтылат.

Эскерте кетсек, буга чейин аталган категориядагы адамдардын кирүүсүнө тоскоолдук жок болчу.

"Өкмөттүн 2020-жылдын 22-мартындагы буйругуна ылайык, көрсөтүлгөн категориядагы чет мамлекеттердин жарандарынан жана Кыргыз Республикасынын жарандарынын үй-бүлө мүчөлөрү болуп саналган жарандыгы жок адамдарга же Кыргыз Республикасында туруктуу жашап турууга уруксаты бар адамдарга дагы эпидемиологиялык кырдаал турукташканга чейин өлкөгө кирүүсүнө убактылуу чектөө киргизилди", — деп айтылат буйруктун текстинде.

Мындай кадам COVID-19 коронавирустук инфекциянын мындан ары жайылышына жол бербөөгө жана КР жарандарынын ден соолугун сактоого багытталганы айтылды.

429
Белгилер:
буйрук, чет элдиктер, Кыргызстан, өкмөт, коронавирус
Тема:
Коронавируска байланыштуу Кыргызстандагы кырдаал (746)
Тема боюнча
Кыргызстанда облустар аралык кыймыл токтотулду. Ким өтүп, ким өтө албайт?
Иранда калып калган кыргызстандык айдоочулар үйлөрүнө кайтып келе жатат
Нурматов: коронавирустан сактанууда жылуу суу жардам берет