Фемида айкели. Архив

Сот органдары штаттык режимде иштеп жатат. Бирок жаңы шарт кирди

122
(жаңыланган 13:01 23.03.2020)
Коронавирус кооптуулугуна байланыштуу соттук отурумга тиешелүү гана адамдар киргизилип жатканы айтылат.

БИШКЕК, 23-мар. — Sputnik. Жогорку сот Кыргызстандын сот органдары штаттык режимде иштеп жатканын билдирди.

Маалыматта соттук имараттарда дезинфекциялоо жана алдын алуу чаралары дыкаттык менен жүргүзүлүп жатканы айтылат.

"Кыраалга байланыштуу коопсуздук үчүн соттук мекемелерге бет кап кийип келип, тартипти так сактоону өтүнөбүз. Коронавирусту алдын алуу үчүн жүргүзүлүп жаткан иштер сотторго таасирин тийгизбейт. Себеби мыйзам боюнча белгиленген жараяндар, арыз берүү, соттук актыларга даттануу жана баш коргоо чарасын тандоо иштери бар", — деп жазылат билдирүүдө.

Калк тейлөө борбору. Архивдик сүрөт
© Пресс-служба правительства / Сабыр Аильчиев
Эгер коомдук транспорттун жоктугу, башка аймакка чыгууга чек коюлганы жолтоо болуп жатса, ал тууралуу түшүндүрмө жазып өзү жашаган жердеги соттун канцеляриясына почта аркылуу жиберүүгө болору айтылат. Алар соттук ишти карап жаткан органды кабардар кылат.

Коронавирус кооптуулугунан улам соттук отурумга тиешелүү гана адамдар киргизилип жатканы айтылат. Алар: арыз ээси, жоопкер, айыпкер, жабырлануучу, адвокаттар, мамлекеттик айыптоочулар.

Белгилей кетсек, азыркы тапта Кой-Таш окуясы боюнча мурдагы президент Алмазбек Атамбаевдин соту өтүп жатат.

122
Белгилер:
тиштөө, имарат, дезинфекция, чектөө, сот
Тема боюнча
Алмазбек Атамбаев Кой-Таш окуясы боюнча сотко алып келинди
Балалуу мамкызматкерлер кандай тартипте иштейт? Өкмөттүн жообу
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

82
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

82
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт
Кыргыз-казак чек арасындагы Ак-Тилек-Автодорожный өткөрүү пунктунда жүк ташуучу унаалардын кезеги

Алишеров: казак тарап өздөрү чек арада көйгөй жаратып жатканын моюндады

73
(жаңыланган 00:05 06.06.2020)
Казакстанга кирүү май айынын соңунан тарта кыйындап, бул мезгилде чек арада 300-400 фура кезекте туруп калууда. Экономика министринин орун басары Эльдар Алишеров Казакстандын Кыргызстан боюнча жасаган билдирүүсү таң калычтуу болуп жаткандыгын айтты.

БИШКЕК, 5-июн. — Sputnik. Казакстандын өкүлү чынында эле казак тарап чек арада көйгөй жаратып жатканына ынанышты. Бул тууралуу Кыргызстандын экономика министринин орун басары Эльдар Алишеров билдирди. 

Белгилей кетсек, Казакстанга кирүү май айынын соңунан тарта кыйындай баштаган. Өкмөттөн 300-400 фура кезекте турганын айтышкан. Мындан улам Sputnik Кыргызстан жеринен репортаж жасаган.

Кечээ, 4-июнда, вице-премьер Эркин Асрандиев чек арага барып, абалды оор деп баалаган. Ал эми бүгүн Казакстандын Мамлекеттик кирешелер комитети чек арада жүк ташуучу автоунаалардын узак кезекке туруп калышын Бишкектин кырдаалды курчутуу аракети катары сыпаттаган. Алишеровдун айтымында, эки өлкөнүн вице-премьерлеринин тапшырмасы менен 3-июнда “Ак-Тилек” көзөмөл өткөрмө бекетинде жолугуу болгон. Анда КРдин экономика министри, Чек ара кызматынын төрагасы коңшу Казакстандын Мамлекеттик кирешелер комитетинин жана Казакстандын Кыргызстандагы элчиси менен абалды талкуулаган.

“Сүйлөшүүлөр үч саатка созулду, автоунаалардын өтүүсү боюнча хронометраж көрсөтүлдү. Кыргыз тараптан ар бир жүк ташуучу унааны текшерүүгө орто эсеп менен 12-15 мүнөт керектелет. Ал айдоочуну паспорттук көзөмөлдөн өткөрүүдөн, андан аркы текшерүү үчүн медицина кызматкерлеринин анкеталык маалыматтарын топтоодон, вирустун бар-жогуна анализ тапшыруудан турат. Андан соң жүк ташуучу Кыргызстандын аймагында тесттин жыйынтыгын күтөт. Өлкөгө кирүү тартиби дагы татаал эмес. Ал эми казак тараптан бардыгы жай жүргүзүлүп, 20-23 мүнөт кармалууда. Бул процедурага казак тараптан коюлган талаптар жана барьерлер кошулган эмес. Карап турсак, кыргыз тарапка 61 фура кирди, ошол эле убакта Казакстанга болгону 21 автоунаа өткөрүлдү. Бул үч эсе аз киргизип жатканын түшүндүрөт”,  — деди министрдин орун басары.

Ошондой эле ал жолугушуу саат 14.00дө башталып, бирок казак тарап өзү жакты мониторинг жүргүзүүгө 16.00дө гана уруксат бергенин белгиледи. 

Кыргыз-казак чек арасындагы Акжол көзөмөл-өткөрүү пункту. Архивдик сүрөт
© Пресс-служба правительства / Сабыр Аильчиев
“Казакстандын өкүлдөрү эки саатта чынында жүк ташуучулар канчалык жай өтүп жатканын өз көзү менен көрүп, маселе аларда экенин моюндашты. Коңшу өлкөнүн Мамлекеттик кирешелер комитетинин “аткезчилик болууда” деген билдирүүсү боюнча айтарым, кыргыз-кытай чек арасы эки айдан ашык убакыттан бери жабык, ал жактан товар келбейт. Ошентсе да кыргыз-казак чек арасындагы барьерлер дагы деле жоюла элек. Казакстанга бараткан 300-400дөй машина кезекте турат, ал эми биз жакка келе жаткан 60тай автоунаа бар. Коңшу өлкөнүн жасалма түрдө ушундай кырдаал жаратып, автоунааларды өткөрбөй жатканына көзүбүз жетти”, — деп белгиледи Алишеров.

Мындан сырткары ал Казакстандын билдирүүсүнө таң калып жатканын айтат. Ал эми 9-июнда өтө турган ЕЭКтин коллегиясында абалды жөнгө салууга акыркы чечим кабыл алынып, Казакстанга чек араны тез арада ачууну айтарына ишеним артты.

73
Белгилер:
сүйлөшүүлөр, жүк ташуучулар, ЕЭК, "Актилек" көзөмөл өткөрүү жайы, чек ара, Кыргызстан, Казакстан
Тема боюнча
Кыргыз-кытай чек арасы жүк ташуу үчүн ачылды