Президент Сооронбай Жээнбеков ички иштер министри Кашкар Жунушалиевди кабыл алды

Жээнбеков Жунушалиевге фейк маалымат тараткандарды катуу жазалоону тапшырды

203
(жаңыланган 23:10 23.03.2020)
Мамлекет башчы Жээнбеков  элдин топтолушуна жол бербөө, коомдук тартипти камсыздоо зарылдыгын дагы бир жолу белгилеген. 

БИШКЕК, 23-мар. — Sputnik. Президент Сооронбай Жээнбеков бүгүн, 23-мартта, ички иштер министри Кашкар Жунушалиевди кабыл алды. Бул тууралуу мамлекет башчынын маалымат кызматы билдирди.   

Анда өзгөчө кырдаал учурунда коомдук коопсуздукту камсыз кылуу боюнча чаралар талкууланганы айтылат.

Президент Кыргызской Республики Сооронбай Жээнбеков сегодня, 23 марта, принял министра внутренних дел Кыргызской Республики Кашкара Джунушалиева.
© Пресс-служба президента КР / Султан Досалиев
Жунушалиев өлкөнүн бардык аймактарында 14 санитардык-карантиндик посттор коюлганын маалымдаган

Жунушалиев өлкөнүн бардык аймактарында 14 санитардык-карантиндик посттор коюлганын маалымдаган. Ошондой эле бардык карантиндик зоналар, дарылоо-санитардык мекемелери, стратегиялык объектилер күчөтүлгөн кайтарууга алынганын айткан. 

Ал эми Жээнбеков жарандардын тартипти сактоосу, элдин топтолушуна жол бербөө, коомдук тартипти камсыздоо зарылдыгын дагы бир жолу билдирген.

“Өлкөдө эпидемиологиялык кырдаал тууралуу чындыкка дал келбеген, чагымчыл маалыматтарга өз маалында бөгөт коюу зарыл. Мындай адамдар тиешелүү мыйзамдарга ылайык катуу жоопкерчиликке тартылышы керек”,  — деп баса белгилеген президент.

Кыргызстандагы коронавирус жана өзгөчө кырдаал

Кыргызстанда коронавирус жуктуруп алгандардын саны 23-мартта 16га жетти. Алар Сузак, Ноокат, Баткен облустарынын жана Бишкек шаарынын тургундары. Эки адамдын абалы орточо деп бааланып жаткан. Алардын бири, Жалал-Абад облустук ооруканасынын жугуштуу оорулар бөлүмүндө жаткан 71 жаштагы эркек киши жандандыруу бөлүмүнө которулду.

Эске салсак, Кыргызстанда 18-мартта коронавирус биринчи жолу Сауд Аравиядан кичи ажылыктан келген үч адамга жукканы аныкталган.

Өкмөт 22-марттан баштап Кыргызстандын аймагына өзгөчө кырдаал жарыялады.

Ал эми ушу тапта өлкө аймагындагы кырдаал тууралуу маалыматтардын баарын биздин тексттик трансляциядан билсеңиз болот.

203
Белгилер:
фейк, маалымат, тартип, Кашкар Жунушалиев, Сооронбай Жээнбеков
Тема:
Кыргызстандагы коронавирус жуктуруп алгандар (859)
Тема боюнча
Жээнбеков менен Токаев коронавирустун алдын алуу чараларын талкуулашты
Үйдөн чыкпай, жолугушууларды кыскарталы! Жээнбековдун элге кайрылган видеосу
Нарында вирустан коргонуучу атайын кийимдер тигилүүдө. Сүрөт
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

89
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

89
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

86
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

86
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды