Аскер кызматына чакыруу. Архив

Кыргызстанда аскерге чакыруу токтотулду

255
(жаңыланган 12:41 24.03.2020)
Марттын башында башталган чакыруу 31-майга чейин уланмак. Аскер кызматына бул ирет 3000 кишини чакыруу пландалган болчу.

БИШКЕК, 24-мар. — Sputnik. Кыргызстанда аскерге чакыруу токтотулду. Бул туурасында Коргоо иштери боюнча мамлекеттик комитеттин маалымат кызматынын жетекчиси Римма Даниярова билдирди.

Эске сала кетсек, мартта башталган чакыруу 31-майга чейин уланмак. Аскер кызматына 3000 кишини тартуу пландалган.

"Коронавирусту жайылтпоо эрежелерин сактоо үчүн жана өзгөчө кырдаал жарыялангандыгына байланыштуу аскерге чакыруу токтотулду. Абал турукташканга чейин Куралдуу күчтөргө кабыл алуу болбойт", — деди Даниярова.

Ал аскер бөлүктөрдө дезинфекциялоо иштери жүргүзүлүп, баарына маскалар таратылып жана бардык жерге дезинфекторлор коюлганын кошумчалады.

Эске салсак, коронавируска байланыштуу эртең Бишкек, Ош, Жалал-Абад шаарларына өзгөчө абал киргизилет. Соңку маалыматтарды Sputnik Кыргызстан агенттигинин тексттик трансляциясынан окуп туруңуздар.

255
Белгилер:
коронавирус, аскердик чакыруу, армия, Куралдуу күчтөр, Кыргызстан
Тема:
Кыргызстандагы коронавирус жуктуруп алгандар (439)
Тема боюнча
Бишкекте үй карантинине алынгандарды 10 мобилдүү бригада карап жатат
Психолог: карантин үй-бүлө менен байланышты чыңдоого шарт түзөт
Чагылгандай! ДССУ коронавирустун дүйнөгө тездик менен тарап жатканын айтты