Киши калемди кармап турат. Архив

Маршруттук баракчаны саат канчадан баштап жаныңда алып жүрүү керек? Түшүндүрмө

1096
(жаңыланган 13:26 25.03.2020)
Азык-түлүк дүкөнүнө же дарыканага бара турчу адамдын жанында маршруттук баракчадан тышкары өздүгүн тастыктаган документи болушу шарт.

БИШКЕК, 25-мар. — Sputnik. Маршруттук баракча күндүз саат 07:00дөн 20:00гө чейин азык-түлүк дүкөнүнө, дарыканага, медициналык мекемелерге барууга чыккандардын жанында сөзсүз болушу керек. Бул тууралуу Республикалык штабдан билдиришти.

Эске салсак, Бишкек шаарына 25-марттан тарта өзгөчө абал режими киргизилди. Биринчи вице-премьер Кубатбек Боронов өзгөчө абал учурунда күндүз үч себеп менен гана көчөгө чыгууга болорун айткан.

Маршруттук баракчада төмөнкү маалыматтар болушу керек. Анын баарын жаран өз колу менен кагазга ручка же карандаш менен толтурат (ар кандай кагаз боло берет).

  • Аты-жөнү;
  • Телефон номери;
  • Үйдөн чыккан себеби;
  • Чыккан убактысы;
  • Кайткан убактысы;
  • Жашаган жери;
  • Бара турган жери.
"Банктарга өтө зарыл болгон учурларда гана кайрылууга болот. Алгач алардын өзгөчө абал учурундагы иштөө графигин тактап алганыңыз оң", — деп айтылат маалыматта.

Азык-түлүк дүкөнүнө же дарыканага бара турчу адамдын жанында маршруттук баракчадан тышкары өздүгүн тастыктаган документи болушу керек.

Ал эми мамлекеттик кызматкерлер үчүн комендант тарабынан уруксат кагазы жасалып берилет.

Кечки саат 20:00дөн таңкы 7:00гө чейин бардык кыймылга чектөө киргизилген.

Буга чейин өкмөт маршруттук баракча деген эмне жана аны кантип толтуруу керек экендигин түшүндүрүп берген.

Эскерте кетсек, ушу тапта Кыргызстанда коронавирус жуктуруп алгандардын саны жалпы жонунан 42 кишиге жетти. Ооруканада жаткандардын арасында бир жашка чейинки бир ымыркай, 6 жаштагы бир жеткинчек жана 14 жаштагы өспүрүм бар. Ал эми Сузактын 71 жаштагы тургуну жандандыруу бөлүмүндө жатат.

Редакция өлкөдөгү кырдаал боюнча тексттик трансляция жүргүзүүдө.

1096
Белгилер:
коронавирус, өзгөчө абал, Бишкек
Тема:
Коронавируска байланыштуу Кыргызстандагы кырдаал (2075)
Тема боюнча
Өзгөчө абал жарыяланган аймактагы медиктер жумушка кантип барып-келери айтылды
Иштейм деп чыккан таксиcттердин унаасы айып короого киргизилет. Түшүндүрмө
Жекшенкулов: Россияда коронавирус жуктурган кыргызстандыктар жок
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

23
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

23
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео
Медициналык кызматкерлер. Архив

Медиктерге компенсациялык төлөмдөр үчүн кошумча 430 миллион сом бөлүндү

21
(жаңыланган 22:22 06.08.2020)
Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

БИШКЕК, 6-авг. — Sputnik. Республикалык бюджеттен медицина кызматкерлерине компенсациялык төлөмдөр үчүн кошумча 430 миллион сом бөлүндү. Бул тууралуу өкмөттөн билдиришти.

Бул каражат июль айы үчүн компенсациялык төлөмдөргө жумшалат. Анын 400 миллиону Милдеттүү медициналык камсыздандыруу фондуна, калган 30 миллион сому Саламаттык сактоо министрлигине берилет.

Бишкекте жок. Акыркы суткада башка аймактардан 37 медиктен COVID аныкталды

"Аталган чечим эпидемия очокторунда оору жугузуп алуу тобокелчилиги жогору болуп иштеген медицина кызматкерлерине дем берүү максатында кабыл алынды", — деп айтылат билдирүүдө.

Эске салсак, жалпысынан республика боюнча COVID-19 диагнозу менен медициналык кызматкерлер арасында 2911 учур катталды, алардын ичинен 1973 ак халатчан  айыкты.

21
Белгилер:
каражат, төлөм, дарыгер, Кыргызстан
Тема боюнча
Медиктерге июль айында 396 млн сом компенсация бөлүнгөн. Облус боюнча тизме