Электр счетчик. Архивдик сүрөт

Мэрия суу, жарык жана газдын көрсөтмөлөрүн онлайн кабыл алат

177
Бишкекте коронавируска байланыштуу өзгөчө абал режими жарыялангандыктан, коммуналдык кызматтардын өкүлдөрү шаардыктардын үйлөрүн кыдыра албайт.

БИШКЕК, 26-мар. — Sputnik. Бишкекте суу, газ жана электр энергиясынын көрсөтмөлөрү онлайн кабыл алынат. Бул тууралуу мэриянын маалымат кызматы кабарлады.

Билдирмеге ылайык, Бишкекте коронавируска байланыштуу өзгөчө абал режими жарыялангандыктан, коммуналдык кызматтардын өкүлдөрү шаардыктардын үйлөрүн кыдыра албайт.

Суунун көрсөтмөсүн "Бишкек суу каналдын" www.bishkeksuukanal.kg (voda.link.kg) сайты аркылуу, 0554 69 99 51 номерине SMS же WhatsApp аркылуу жөнөтсө болот. 976944 жана 565671 телефондоруна чалып айтса да болот.

"Эгер көрсөтмөлөрдү жибере албай калсаңар, анда айдын орточо эсеби чыгып келет. Кийинки айда эсепти теңдеп коюшат", — деп айтылат маалыматта.

Электр энергиясынын көрсөтмөсүн райондук инспекторлордун номерлерине жиберүү керек. Кошумча маалыматты 1209 кыска номерине чалып же 0555001209 WhatsApp номери аркылуу ала аласыздар.

Газдын көрсөтмөсүн 0701680707 WhatsApp-каналына жазып же 4444 кыска номери аркылуу билдирсе болот. gazpromkg_bot. деп аталган Тelegram-каналы да иштейт.

"Бишкек жылуулук" ишканасынын абоненттери ысык суу жана жылуулуктун көрсөтмөсүн 611169 номерине, teplosetikg_bot. Тelegram-каналына жөнөтө алышат.

Эгер лифт иштебей калса, 437848, 0553658179 номерлерине чалсаңыздар болот.

Санитардык тазалоо боюнча Бишкектин төрт районуна төрт башка номерлер аркылуу кайрылуу керек.

Свердлов району — 344753, Ленин району — 345041, Биринчи май району — 345113, 0555827028 WhatsApp номери, ал эми Октябрь районунун тургундары 0777956600 WhatsApp номерине жазса болот.

177
Белгилер:
газ, жарык берүү, Суу, Бишкек, коронавирус
Тема:
Кыргызстандагы коронавирус жуктуруп алгандар (1321)
Тема боюнча
Өзгөчө абал: шаардыктарды түйшөлткөн 7 суроого жооп
Бишкекте эми троллейбус менен автобустар дагы токтоду
Бишкектеги жаштар аллеясы. Архив

Дүйшөмбүгө карата аба ырайы

11
(жаңыланган 21:23 27.09.2020)
28-сентябрда түнкүсүн Чүй облусунун кээ бир райондорунда жамгыр, тоолуу аймактарында кар жаайт, калган өрөөндөрдө жаан-чачын күтүлбөйт.

БИШКЕК, 27-сен. — Sputnik. Дүйшөмбү күнү, 28-сентябрда күндүз республиканын тоо этектеринде жамгыр, тоолуу райондорунда жаан, кар, бийик тоолуу жерлеринде кар жаайт. Ал эми өрөөндөрдө жана Талас облусунда күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден Ысык-Көл, Нарын облустарынын кээ бир райондорунда 15-20 метрге жетет.

Кар жаап, суук түшөбү? Бир жумага карата аба ырайы

Абанын температурасы Чүйдө +15...+20, Талас, Нарын жергесинде +14...+19, Ош, Жалал-Абад облустарында +20...+25, Баткенде +19...+24, Ысык-Көл аймагында +13...+18 градус болот.

Күндүн табы борбор калаа Бишкекте +17...+19, Ош калаасында +23...+25 градуска жетет.

11
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: сибирь жарасынын инкубациялык мөөнөтү 3-4 күн

12
(жаңыланган 21:11 27.09.2020)
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ооруган малдын этин пайдаланганга болбой турганы байма-бай айтылганына карабай адамдар аны союп, этин таратып салган учурлар болуп жатканын айтты.
Романов: сибирь жарасынын инкубациялык мөөнөтү 3-4 күн

Ооруган малдын этин бышырып, көпкө кайнатып, кууруса деле сибирь жарасы сырткы чөйрөгө туруктуу болгондуктан илдет жуктуруп алуу коркунучу жогору. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Ат-Башы: сибирь жарасы менен ооруган уйдун эти элге тарап, эки киши жабыркады

Анын айтымында, Кыргызстанда жылына сибирь жарасына кабылган 2-3 учур аныкталат.

"Микроб териге кирген жерде алгач кызыл так пайда болот, андан кийин томпоюп шишимик тартат. Кийинчерээк ал ыйлакчага айланып, сууга, бир аздан кийин ириңге толуп, бат эле жарага айланат. Ал эми өпкөдөн же ичеги-карындан кармаган күйдүргү өмүргө коркунучтуу. Бактыга жараша, бизде мындай формада кармаган учур каттала элек. Оору сасык тумоого кабылгандай эле башталып, бактерия тез көбөйүп, канга өтүп кетет. Сибирь жарасынын инкубациялык мөөнөтү 3-4 күн. Диагнозду өз убагында коюп, дарылабаса оорулуу 2-3 күндүн ичинде эле өлүмгө учурашы мүмкүн. Клиникалык белгилери температура көтөрүлүп, ичи өтүп, жөтөлгөндө кан аралаш какырык чыгат, тамак шишип кетет", – деди Романов.

Адис быйыл сибирь жарасы малдан жана топурактан эки, ал эми адамдардан үч учур катталганын кошумчалады.

12
Белгилер:
дарылоо, сибирь жарасы
Тема боюнча
Дене ууланат. Малдан адамга жуккан күйдүргүдөн кантип сактануу керек