Киши балдары менен медициналык бет капчан аэропортто отуруп жатат. Архив

Балдарды коронавирустан кантип коргоо керек? Ата-энелер үчүн кеңеш

2013
(жаңыланган 11:17 26.03.2020)
Дүйнөгө тарап жаткан коронавирусту алдын алуу жолдору тууралуу ар бир адам билиши керек. Ал эми ата-энелер балдарын бул вирустан кантип коргоп калууну ойлобой кое албайт.

Коронавирус балдарга жукпайт деген чынбы, андан баланы кантип коргоп, сактаса болот? РИА Новости ушул суроолорго жооп издеп көргөн.

Коронавирус инфекциясы балдарга аз жугат деген чынбы?

Кытайдын коронавирусту көзөмөлдөө жана алдын алуу борбору башында "COVID-19 коронавирусу балдар жана өспүрүмдөргө көп жукпайт" деп маалымдаган. Адистер 11-февралга чейин вирус жуктуруп алган 70 миң кишини анализдеп чыгышкан. Анда жаңы туулган кезден тарта 10 жашка чейинки жана 10 жаштан 19 жашка чейинкилер арасында жуктуруп алгандар бир пайыздан гана экени белгилүү эле.

Бирок медицина илимдеринин доктору Александр Лукашевдин пикиринде, мындай көрүнүш тыкыр иликтөөнү талап кылат.

"Вирус балдарга анча коркунучтуу эмес экени байкалууда. Бирок бул боюнча азырынча маалымат аз", — деген адис.

Кийинчерээк окумуштуулар "балдар COVID-19 вирусун билинбей алып жүрүшү мүмкүн" деген пикирин айтышкан. Pediatrics журналы белгилегендей, балдардын көбү коронавирусту жеңил көтөргөнү менен алты пайызга чукулу анын оор формасы менен ооруйт. Беш жашка чейинки иммунитети төмөн жана өпкөсүндө кандайдыр бир көйгөйү бар бөбөктөр тобокелдик тобунда.

Ата-энелерге кеңеш

Медицина илимдеринин доктору Стивен Л. Зейхнер балдарда коронавирустун белгилери көп байкалбагандыктан, аларды көпчүлүккө кошпой, гигиенаны жакшылап сакташы керектигин айткан.

"Саламаттык сактоо министрлиги сунуштаган эрежелерди жасоо керек. Антпесе балада вирус билинбей жүрө берип, ал чоң ата, чоң энесине жана өнөкөт оорусу барларга жугуп калышы ыктымал", — деген адис.

Балага коронавирусту жуктуруп албаш үчүн эмнелерди билүү керек?

  • Башка балдар менен ойноого тыюу салып, туугандар менен жолугууну токтото туруу кажет. Эч кимди конокко чакырбай, ата-энелер да мейманга барбай турушу зарыл. Көпчүлүктөн оолак кармоо керек;
  • Балдарды достору менен ойноп келүүгө чыгарбаш керек. Балдар аянтчасына жалгыз да ойнобой эле кое турсун. Анткени вирус буюм-тайымдардын үстүндө 48 саатка чейин жашашы ыктымал. Андан көрө велосипед тептирип алаксыткан оң;
  • Балага колду бир нече жолу таза жууганды үйрөтүү зарыл. Ошондой эле колду жууганга чейин бетин, көзүн кармабашы керек;
  • Балдардын кийимин жана оюнчуктарын тез-тезден жууп туруу шарт;
  • Эч кимден баланы убактылуу карап турууну суранбаш керек.

Эгер бала ооруп калса, ооруканага алып барбай эле дарыгердин консультациясы менен үйдөн караган оң. Коронавирустун белгилери жок болсо, тест баары бир жасалбайт. Ооруканага барганда вирусту жуктуруп алуу коркунучу жогору.

2013
Белгилер:
кеңеш, ата-эне, бөбөктөр, бала, коронавирус
Тема:
Дүйнөгө жайылган коронавирус (1066)
Тема боюнча
Коронавирус адамдын өпкөсүн алсыздандырган процессти видеого тартып алышкан
Министрлик: коронавирус жуктургандардын арасында дарыгерлер жок
Бишкектеги супермаркеттердин иш графиги өзгөрдү
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

631
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

631
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

51
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

51
Белгилер:
Россия, вакцина, Беларусь
Тема:
Дүйнөгө жайылган коронавирус (1066)
Тема боюнча
COVID-19га каршы россиялык вакцина КМШга берилет
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди