көчө

Бишкекте көчөлөр эмнеге жабылды? Комендатура себебин айтты

484
(жаңыланган 12:13 26.03.2020)
Буга чейин калаанын айрым көчөлөрү жабылганы, алар аркылуу Бишкектин борбордук бөлүгүнө өтүүгө болбой жатканы айтылган болчу.

БИШКЕК, 26-мар. — Sputnik. Бишкекте айрым көчөлөрдүн жабылышына дезинфекциялоо иштери себеп болууда. Бул тууралуу шаар комендатурасынын call-борборунан билдиришти.

Буга чейин калаанын айрым көчөлөрү жабылганы, алар аркылуу Бишкектин борбордук бөлүгүнө өтүүгө болбой жатканы айтылган

"Бишкекте көчөлөр жабылып, кыймыл токтотулуп жатат. Анткени шаар дезинфекцияланууда. Качан бүтөрү белгисиз. Иштер аягына чыгары менен көчөлөр ачылат”, — деди call-борбордун адиси.

Өзгөчө абал

25-марттан тарта Бишкек, Ош, Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.

Ошондой эле өзгөчө абал киргизилген аймактарда коменданттык саат жарыялангандыктан, тургундар кечки саат 20:00дөн таңкы 7:00гө чейин эч кайда чыкпашы керек. Күндүз дагы жашоочуларга өтө зарыл болгон учурда гана сыртка чыгууга уруксат берилген.

484
Белгилер:
көчө, коронавирус, дезинфекция, Бишкек
Тема:
Кыргызстандагы коронавирус жуктуруп алгандар (302)
Тема боюнча
Кытай Кыргызстанга гуманитардык жардам жеткирип берди. Сүрөт
Коронавирус: ЭВФ биринчилерден болуп Кыргызстанга жардам бериши ыктымал
Коронавирус жуктуруп алгандар 1300дөй киши менен байланышта болгон